Բելառուսն առաջարկում է ԵՏՄ–ի ներսում ներկրումը փոխարինել միության երկրների ապրանքներով

ԵՐԵՎԱՆ, 8 հուլիսի — Sputnik. Բելառուսն առաջարկում է ԵՏՄ–ի ներսում արտահանման փոխարինման ծրագրերի շրջանակում օգտագործել Միության բոլոր երկրներում արտադրված ապրանքները։ Ինչպես հայտնում է ՌԻԱ Նովոստին, «Իննոպրոմ» արդյունաբերական համաժողովի կլոր սեղանի շրջանակում նման առաջարկ է հայտնել Բելառուսի արդյունաբերության փոխնախարար Գենադի Սվիդերսկին։

«Քանի որ մենք ձեզ հետ պարտավորություններ ենք ստանձնել, որ մենք ընդհանուր տնտեսական միությունում ենք, միասնական մաքսային սահմանում, ապա պետք է պայմանավորվենք հինգ երկրների հետ, որ ներկրման փոխարինումը հասկանում ենք որպես մեր մաքսային սահմանի ներսում արտադրված ապրանքների փոխարինմամբ»,– ասել է նա։

«Բոլոր երկրներում ամենատարածված տեսակետն է` արի օգնենք մերոնց։ Սեփական շապիկը մոտ է մարմնին… Թեև եթե նայենք ընդհանուր ատմամբ, ապա դա այդքան էլ հեռատեսական ռազմավարությունն է»,– ավելացրեց Սվիդերսկին։

ԵՏՄ–ի անդամներն են ներկայում` Ռուսաստանը, Բելառուսը, Ղազախստանը և Հայաստանը։ ԵՏՄ–ին Ղրղըզստանի անդամակցության մասին պայմանագիրը ստորագրվել է նախորդ տարվա դեկտեմբերին։ Սակայն հանրապետության փաստացի միացումը կկատարվի միավորման բոլոր անդամ երկրներում միայն ներքին վավերացնող ընթացակարգերից հետո։ Ներկայում դրանք ավարտել են Հայաստանը, Բելառուսը և Ռուսաստանը։ Ղազախստանում օրինագիծը խորհրդարանի վերին պալատի դիտարկման փուլում է։ 

2014 թվականի սկզբին արևմուտքի հետ Ուկրաինայի հակամարտության պատճառով հարաբերությունների բարդացման հետևանքով Ռուսաստանն ակտիվացրել է ներկրման համար նախատեսված արտադրանքի փոխարինման գործընթացները բոլոր բնագավառներում։ Նույն տարվա մարտին վարչապետ Դմիտրի Մեդվեդևն ուրվագծեց ներկրման փոխարինումը որպես Ռուսաստանի գերակայություններից մեկը։ ՌԴ նախագահ Վլադիմիր Պուտինը հայտարարել էր, որ Ռուսաստանը ներկրման փոխարինման ակտիվ քաղաքականություն կվարի ՀԱԿ–ի նորմերին և ԵՏՄ–ի գործընկերների առջև ունեցած պարտավորություններին համապատասխան։