Օդերևութաբանները զգուշացնում են Հայաստանի մարզերում բարձր կարգի հրդեհավտանգության մասին

ԵՐԵՎԱՆ, 8 հուլիսի– Sputnik. Արարատյան դաշտավայրում և Սյունիքի մարզերում կանխատեսվում է բարձր կարգի հրդեհավտանգություն, հաղորդում է Հայպետհիդրոմետկենտրոնը։

Միաժամանակ հուլիսի 8-ին, 11-ին` շրջանների զգալի մասում, 9-10-ին, 12-ին հյուսիսային շրջաններում գիշերվա առաջին կեսին և երեկոյան ժամերին սպասվում են կարճատև անձրև և ամպրոպ։

Քամին կլինի հարավ–արևմտյան` 5–10 մ/վ արագությամբ, ամպրոպի ժամանակ հնարավոր է քամու ուժգնացում մինչև 15–20 մ/վ։

Օդի ջերմաստիճանը հուլիսի 8-ին էապես չի փոխվի, հուլիսի 9-10-ին կբարձրանա 3-4 աստիճանով, հուլիսի 12-ին նույնքան կնվազի:

Երևանում հուլիսի 8–12 օդի ջերմաստիճանը կհասնի զրոյից բարձր 34–38 աստիճանի։

Հիմա Երևանում փոփոխական ամպամածություն է, օդի ջերմաստիճանը զրոյից բարձր 32 աստիճան է։