ԵՐԵՎԱՆ, 6 մարտի – Sputnik. ՀՀ կառավարությունը հաստատել է արտերկրում մասնագետների ուսուցման պետական աջակցության նոր փաթեթը։
Ի տարբերություն ուսանողների համար նախատեսված նախորդ ծրագրերի` այս նախագիծն ուղղված է ներկայիս աշխատողներին, որոնք կկարողանան սովորել արտերկրում՝ հայրենիք վերադառնալու պարտադիր պայմանով:
Ինչպես նշել է կրթության, գիտության, մշակույթի և սպորտի նախարար Ժաննա Անդրեասյանը, ի տարբերություն նախորդ նախագծերի` ծրագիրը նախատեսված է ոչ թե ուսանողների, այլ արդեն աշխատող մասնագետների համար։
Պետությունը պատրաստ է վճարել ուսուցման արժեքի 50%-ը (բայց ոչ ավելի, քան տարեկան 10 մլն դրամ՝ մոտ 25 հազար դոլար), եթե գործատուն հոգա մնացած գումարը։
Հիմնական պայմանն այն է, որ շրջանավարտն ավարտելուց հետո երեք տարի պետք է աշխատի այն ընկերությունում, որն ուղարկել է իրեն սովորելու։ Հակառակ դեպքում գործատուն ստիպված կլինի պետությանը փոխհատուցել ամբողջ գումարը կրկնակի չափով։
Այսպիսով, մասնագետների վերադարձի վերահսկողությունը կստանձնի ոչ միայն պետությունը, այլև հենց գործատուն։
Վարչապետ Նիկոլ Փաշինյանն ընդգծել է, որ այս նորամուծությունը կօգնի խուսափել նախկին ծրագրերի՝ «Լույս» (հիմնադրվել է 2009 թվականին) և «Իմ քայլը» (հիմնադրել է վարչապետի տիկին Աննա Հակոբյանը 2019 թվականին) հիմնադրամների, սխալներից։ Պարզվել է, որ այս ծրագրերով Հայաստան է վերադարձել «Լույսի» շրջանավարտների միայն 20%-ը և «Իմ քայլը» շրջանավարտների 40%-ը։
«Մենք լավ կադրեր ենք պատրաստում զարգացած երկրների համար, բայց Հայաստանի համար պետք է պատրաստենք», – հայտարարել է Փաշինյանը՝ հավելելով, որ «պարզապես զայրույթ է ապրում»՝ տեսնելով, թե ինչպես են մասնագետները, որոնց ուսման համար պետությունը գումար է ծախսում, մեկնում և չեն վերադառնում։
Ծրագրին կկարողանան մասնակցել միայն խոշոր ընկերությունները, որոնք վերջին 5 տարիների ընթացքում առնվազն 100 աշխատակից են ունեցել։ Նրանք կկարողանան սովորելու ուղարկել միայն այն աշխատակիցներին, որոնք առնվազն երկու տարի աշխատել են ընկերությունում:
Վարչապետի խոսքով` այս մեխանիզմը թույլ կտա աջակցությունն իսկապես հասցեական դարձնել և կադրեր պատրաստել ՀՀ տնտեսության համար, այլ ոչ թե օտար երկրների։