ԵՐԵՎԱՆ, 8 նոյեմբերի – Sputnik. Ղրիմի բնակիչ է ձերբակալվել Ուկրաինայի հետախուզության գլխավոր վարչության շահերից ելնելով Թեոդոսիայի նավահանգստի և նավթաբազայի մոտ լրտեսության համար: Այս մասին հայտնում է ՌԴ ԱԴԾ Ղրիմի և Սևաստոպոլի վարչության մամուլի ծառայությունը։
Նշվում է, որ Ղրիմի Լենինյան շրջանի 32-ամյա բնակիչը սեփական նախաձեռնությամբ կապ է հաստատել Ուկրաինայի պաշտպանության նախարարության Հետախուզության գլխավոր վարչության հետ և հատուկ ծառայության ներկայացուցչին տեղեկություններ փոխանցել Թեոդոսիայում տեղակայված ռազմական օբյեկտների և տարածաշրջանում ՀՕՊ միջոցների մասին:
Հարցաքննության ժամանակ նա պատմել է, որ հատուկ ծառայությունների հրահանգով միտումնավոր մեքենայի գեոլոկացիան միացրած անցել է Թեոդոսիայի նավթաբազայի և ծովային նավահանգստի մոտով։ Առաջադրանքների կատարման համար վարձատրություն է ստացել։
«Ձերբակալվածի նկատմամբ քրեական գործ է հարուցվել ՌԴ ՔՕ 275-րդ հոդվածով («Պետական դավաճանություն լրտեսության տեսքով»)։ Հոդվածը որպես պատժաչափ նախատեսում է ազատազրկում՝ ընդհուպ ցմահ»,-հայտնել են վարչությունից։
Սիմֆերոպոլ քաղաքի Կիևյան շրջանային դատարանը մեղադրյալի նկատմամբ խափանման միջոց է ընտրել կալանավորումը: