Որոշ մարզերում թաց ձյուն կգա. եղանակի տեսություն

ԵՐԵՎԱՆ, 20 փետրվարի - Sputnik. Հայաստանի Հանրապետության տարածքում փետրվարի 20-ին, 22-23-ին առանձին շրջաններում սպասվում են տեղումներ, Լոռիում, Տավուշում, Սյունիքում և լեռնային շրջաններում թաց ձյան տեսքով: Փետրվարի 21-ին և 24-ին սպասվում է առանց տեղումների եղանակ։ Տեղեկությունը հայտնում են Հիդրոօդերևութաբանության և մոնիտորինգի կենտրոնից։

Քամին հյուսիսարևմտյան է, 2-5 մ/վ արագությամբ: Օդի ջերմաստիճանն էապես չի փոխվի։

Երևան քաղաքում փետրվարի 20-ի գիշերը, 22-23-ին երեկոյան ժամերին և գիշերը հնարավոր է կարճատև անձրև։ Փետրվարի 20-ի ցերեկը, 21-ին և 24-ին սպասվում է առանց տեղումների եղանակ։

Մայրաքաղաքում փետրվարի 20-ի ցերեկը կլինի 10-12 աստիճան տաքություն, իսկ երեկոյան ժամերին կգրանցվի +6....+8 աստիճան։