Մոսկվայի հյուսիս-արևմուտքում ուժեղ պայթյուն է տեղի ունեցել, Կարամիշևսկայա առափնյակի հատվածում ծուխ է նկատվում։ ՌԻԱ Նովոստիին այս մասին հայտնել է ականատեսը:
Նրա խոսքով` պայթյունի նման ձայնից ցնցվել են շրջակա շենքերի պատուհանները, սկսել են գործել ավտոմեքենաների ազդանշանները:
Դեպքի վայր են ժամանել փրկարարները և շտապօգնությունը։
Մոսկվայի քաղաքապետ Սերգեյ Սոբյանինը հայտնել է, որ քաղաքի վրա ԱԹՍ-ի հարձակման փորձ է իրականացվել, ՀՕՊ-ի աշխատանքի արդյունքում այն ոչնչացվել է:
Կարամիշևսկայա առափնյակի շրջանում ԱԹՍ-ի բեկորների ընկնելու հետևանքով ոչ ոք չի տուժել, լուրջ ավերածություններ չկան:
Տեղում աշխատում են արտակարգ ծառայությունները։