ԵՐԵՎԱՆ, 6 սեպտեմբերի – Sputnik. Զապորոժիեի մարզի Բերդյանսկ քաղաքի պարետ Արտեմ Բարդինի մահվան մասին տեղեկությունը չի հաստատվել։
Այս մասին հայտնել է Զապորոժիեի շրջանի ներկայացուցիչ Վլադիմիր Ռոգովը` հերքելով ավելի վաղ մամուլում հայտնված տեղեկությունները։
«Չնայած երկու ոտքը կորցնելուն և ծանր վնասվածքներին, նա ողջ է։ Բժիշկները շարունակում են պայքարել նրա կյանքի համար»,– ասել է Ռոգովը։
Զապորոժիեի շրջանի իշխանություններն ավելի վաղ հայտնել էին Բերդյանսկում մահափորձի ենթարկված պարետի մահվան մասին։
Հիշեցնենք` այսօր Բերդյանսկի կենտրոնում՝ քաղաքի վարչակազմի շենքի մոտ, պայթյուն էր հնչել։ Իշխանությունը դա ահաբեկչություն էր որակել։
Ավելի ուշ հայտնի էր դարձել, որ պայթեցվել է քաղաքի պարետ Արտյոմ Բարդինին պատկանող ավտոմեքենան։ Նա ծանր վիճակում հոսպիտալացվել էր։
Զապորոժիեի շրջանի վարչակազմի գլխավոր խորհրդի անդամ Վլադիմիր Ռոգովը հայտնել էր, որ Բերդյանսկի պարետի դեմ մահափորձի հետևում Զելենսկու ռեժիմի ահաբեկիչներն են կանգնած։