ԵՐԵՎԱՆ, 7 փետրվարի – Sputnik. Երեկ՝ փետրվարի 6-ին, մահվան ելքով վրաերթ է տեղի ունեցել Գեղարքունիքի մարզում։ Տեղեկությունը հայտնում է shamshyan.com–ը։
«Ժամը 18։40-ի սահմաններում Գեղարքունիքի մարզի բնակիչ՝ 61-ամյա Վարազդատ Մ-ն իր վարած Opel մակնիշի ավտոմեքենայով Գեղամավան գյուղի կենտրոնական փողոցում վրաերթի է ենթարկել Գեղարքունիքի մարզի բնակիչ՝ 40-ամյա Ռուսլան Ծ-ին»,–գրում է կայքը։
Վարորդը փախուստի չի դիմել, իր ավտոմեքենայով վրաերթի ենթարկվածին տեղափոխել է «Սևան» բժշկական կենտրոն։
Ժամը 22։00-ին, սակայն, «Սևան» ԲԿ-ից ոստիկանության Սևանի բաժին ահազանգ է ստացվել, որ վրաերթի ենթարկվածը հիվանդանոցի վերակենդանացման բաժանմունքում մահացել է։
Փաստի առթիվ ՀՀ քրեական օրենսգրքի 242–րդ հոդվածի (ճանապարհատրանսպորտային պատահար, որն առաջացրել է մարդու մահ) 2-րդ մասի հատկանիշներով հարուցվել է քրեական գործ։