ԵՐԵՎԱՆ, 27 սեպտեմբերի - Sputnik. ԱԺ «Իմ քայլը» խմբակցության անդամ Գայանե Աբրահամյանը հետ է վերցրել մանդատից հրաժարվելու դիմումը: Տեղեկությունը նա հայտնել է Facebook-ում կատարած գրառմամբ:
«Պատերազմական այս վիճակում մանդատ դնելս առնվազն նշանակում է մարտի դաշտից հեռանալ, եթե չասեմ` դավաճանել։ Այս պատերազմը հաղթելուց հետո համատեղ կքննարկենք անելիքս: Հետ եմ վերցնելու հրաժարականի դիմումս, գործընկերներիս հետ լծված ենք արտաքին ֆրոնտում մեր դիրքերը պահելու կարեւոր գործին»,- գրել է պատգամավորը:
Ադրբեջանական ԶՈւ-ն զինտեխնիկայի հերթական կորուստներն է կրել. տեսանյութ
Հիշեցնենք՝ սեպտեմբերի 25-ին Գայանե Աբրահամյանը մանդատից հրաժարվելու մասին դիմում էր ներկայացրել ԱԺ նախագահին: «ԱԺ կանոնակարգ օրենքի համաձայն»՝ պատգամավորը նման դեպքում 5 աշխատանքային օր ունի մանդատը հետ վերցնելու համար: