ԵՐԵՎԱՆ, 7 հունվարի — Sputnik. Համաշխարհային բանկի խմբի նախագահ Ջիմ Յոն Կիմը հայտարարել է փետրվարի 1-ից հրաժարական տալու մասին:
Ինչպես տեղեկացնում է ՌԻԱ Նովոստին՝ հղում անելով բանկի մամուլի հաղորդագրությանը, ՀԲ ղեկավարի պարտականությունները կկատարի գործադիր տնօրեն Կրիստալինա Գեորգիևնան։
Ջիմ Յոն Կիմը հեռանում է պաշտանավարման ժամկետի ավարտից շուտ. այն պետք է ավարտվեր 2022 թվականին։ Նա ՀԲ նախագահ է եղել ավելի քան 6 տարի։
Պաշտոնապես որպես հրաժարականի պատճառ է նշվում բանկիրի ցանկությունը վերադառնալ մասնավոր ոլորտում աշխատելու։
Իր ձեռքբերումների շարքում Ջիմ Յոն Կիմը նշել է ՀԲ խմբի բաղկացուցիչ մաս կազմող Վերակառուցման եւ զարգացման միջազգային բանկի, ինչպես նաեւ Միջազգային ֆինանսական կորպորացիայի կանոնադրական կապիտալի բարձրացումը 13 մլրդ դոլարով։