ԵՐԵՎԱՆ, 7 հունվարի — Sputnik. ԱՄՆ–ի նախագահը Դոնալդ Թրամփը հայտարարել է, որ Սիրիայից ամերիկյան զորքերի դուրսբերումը կիրականացվի անհրաժեշտ արագությամբ, հաղորդում է ՌԻԱ Նովոստին։
ԱՄՆ նախագահ Դոնալդ Թրամփը 2018թ–ի դեկտեմբերի կեսին հայտարարել էր Սիրիայում ԻՊ–ի դեմ հաղթանակի մասին` նշելով, որ դա երկրում ամերիկյան զորքերի գտնվելու միակ պատճառն էր։ Ավելի ուշ Սպիտակ տան մամուլի քարտուղար Սառա Սանդերսը հայտարարեց, որ ԱՄՆ–ը սկսել է Սիրիայի զորքերի դուրսբերումը, բայց «Իսլամական պետության» դեմ ունեցած հաղթանակը չի նշանակում կոալիցիայի վերացում։
«New York Times–ի անհաջողակները գիտակցաբար սխալ հոդված են գրել Սիրիայի հարցում իմ մտադրությունների վերաբերյալ։ Մենք հեռանալու ենք պատշաճ արագությամբ և միևնույն ժամանակ շարունակելու ենք պայքարել ԻՊ–ի դեմ և անել այն ամենը, ինչ ճիշտ է, և դա չի տարբերվում իմ սկզբնական հայտարարություններից», – Twitter–ի իր միկրոբլոգում գրել է Թրամփը։
The Failing New York Times has knowingly written a very inaccurate story on my intentions on Syria. No different from my original statements, we will be leaving at a proper pace while at the same time continuing to fight ISIS and doing all else that is prudent and necessary!.....
— Donald J. Trump (@realDonaldTrump) January 7, 2019
Թերթը երկուշաբթի գրել է, որ զորքերը դուրս բերելու մասին Թրամփի որոշումն անսպասելի կերպով է ընդունվել, ինչը զարմացրել է ԱՄՆ–ի ինչպես դաշնակիցներին, այնպես էլ հակառակորդներին` առաջացնելով ամերիկյան քաղաքացիական և ռազմական գործիչների տարակուսանքը։
