Պուտինը, Թրամփը և Սին խաղաղության հռչակագիր են ընդունել. ինչ են պայմանավորվել 3 երկրները
15:22 19.11.2026 (Թարմացված է: 16:46 19.11.2026)

Վլադիմիր Պուտինի, Սի Ծինփինի և Դոնալդ Թրամփի հանդիպումը Չինաստանում
© REUTERS / Pool/Win McNamee
Բաժանորդագրվել
Համատեղ հռչակագիրն ընդունվել է երեք երկրների առաջնորդների՝ պատմության մեջ առաջին հանդիպման արդյունքներով։
ԵՐԵՎԱՆ, 19 նոյեմբերի - Sputnik. Ռուսաստանը, Չինաստանը և ԱՄՆ-ը պայմանավորվել են երկխոսություն վարել միջուկային ռիսկերը նվազեցնելու և միջուկային զենքի տարածումը կանխելու ուղղությամբ:
Այս մասին ասվում է երեք երկրների ղեկավարների՝ պատմության մեջ առաջին եռակողմ հանդիպման արդյունքներով ընդունված և Կրեմլի կայքում հրապարակված խաղաղության մասին Համատեղ հռչակագրում։ Այն 4 կետ ունի.
1. Որպես ՄԱԿ-ի Անվտանգության խորհրդի մշտական անդամներ՝ Ռուսաստանը, Չինաստանը և ԱՄՆ-ն իրենց հանձնառությունն են հայտնել ՄԱԿ-ի բարեփոխմանը, որպեսզի ՄԱԿ-ը կարողանա ավելի արդյունավետ արձագանքել գլոբալ մարտահրավերներին և համապատասխանել միջազգային խաղաղության և անվտանգության ոլորտում իր հիմնարար առաքելությանը:
2. Երեք պետությունները նախատեսում են ավելացնել նավթավերամշակման արտադրանքի արտադրությունն ու մատակարարումները՝ ի շահ բոլոր երկրների։ Նրանք հաստատել են կայուն էներգամատակարարման կարևորությունը։
3. Երեք պետությունների ղեկավարները նշում են, որ պետությունների համաձայնության սկզբունքը և պետությունների պաշտոնատար անձանց անձեռնմխելիության պահպանումը հիմնարար նշանակություն ունեն, և համաձայն են, որ Միջազգային քրեական դատարանը և նմանատիպ այլ կառույցներ չպետք է չարաշահեն իրենց լիազորությունները:
4. Երեք պետությունների ղեկավարները հաստատել են, որ միջուկային պատերազմում հաղթողներ չեն կարող լինել և այն երբեք չպետք է սանձազերծվի: Երեք երկրները երկխոսություն կվարեն միջուկային ռիսկերը նվազեցնելու և միջուկային զենքի տարածումը կանխելու ուղղությամբ։
Բանակցությունների արդյունքում Սի Ծինփինը հանդիպումն անվանել է դրական, կառուցողական և նշանակալի արդյունքներ բերող: Պուտինն ու Թրամփն իրենց հերթին երախտագիտություն են հայտնել չինական կողմինպատմական գագաթնաժողովի կազմակերպման համար:
Ռուսաստանի, Չինաստանի և ԱՄՆ-ի առաջնորդների առաջին եռակողմ հանդիպումը տեղի է ունեցել Շենժենում նոյեմբերի 19-ին՝ ԱԽՏՀ գագաթնաժողովի շրջանակներում: Բանակցություններն անցկացվել են «Ցիլին Շանժուանգ» պետական նստավայրում, որի անվանումը կապված է երկարակեցության և բարեկեցության խորհրդանիշ՝ առասպելական չինական միաեղջյուրի հետ։
Հանդիպումը տևել է մեկուկես ժամ։