ՌԴ–ում Անդրեասյանը քննարկել է ՀՀ գիտական կառույցների հետ համագործակցության ընդլայնումը
21:13 16.11.2026 (Թարմացված է: 21:16 16.11.2026)

Ժաննա Անդրեասյանն այցելել է Դուբնայի միջուկային հետազոտությունների միացյալ ինստիտուտ
© Photo : dubna.ru
Բաժանորդագրվել
Ինստիտուտում քննարկվել են երկու երկրների կողմից համատեղ գիտական հետազոտությունների, փորձի փոխանակման, մասնագիտական վերապատրաստումների և երիտասարդ գիտնականների ներուժի զարգացման ուղղությունները։
ԵՐԵՎԱՆ, 16 նոյեմբերի – Sputnik. Հայաստանի դպրոցականները և ուսուցիչները հնարավորություն կունենան յոթօրյա ուսուցողական այցով գալ Դուբնայ` ծանոթանալու ժամանակակից գիտության նվաճումներին, ինստիտուտի գիտական ենթակառուցվածքներին և հետազոտական աշխատանքներին։ Այդ մասին ասել է Դուբնայի միջուկային հետազոտությունների միացյալ ինստիտուտի (ՄՀՄԻ) տնօրեն, ակադեմիկոս Գրիգորի Տրուբնիկովը ՀՀ կրթության, գիտության, մշակույթի և սպորտի նախարար Ժաննա Անդրեասյանին ընդունելիս, որը Ռուսաստան կատարած այցի շրջանակում այցելել էր ինստիտուտ։ Տեղեկությունը հայտնում է ՀՀ ԿԳՄՍՆ մամուլի ծառայությունը։
Հանդիպմանը Տրուբնիկովն իր պատրաստակամություն է հայտնել աջակցելու, որպեսզի այդ այցը կայանա։
Հանդիպմանը Տրուբնիկովն իր պատրաստակամություն է հայտնել աջակցելու, որպեսզի այդ այցը կայանա։
Անդրեասյանն ինստիտուտում հանդիպել է նաև հայազգի անվանի գիտնական, ակադեմիկոս, Մենդելեևի պարբերական աղյուսակի գերծանր տարրերի հետազոտող և սինթեզող Յուրի Հովհաննիսյանի հետ։
Նախարարը Հովհաննիսյանի և Տրուբնիկովի հետ քննարկել է Հայաստանի բարձրագույն ուսումնական հաստատությունների և գիտական կազմակերպությունների հետ համագործակցության ընդլայնման հնարավորություններն ու հեռանկարները, մասնավորապես՝ համատեղ գիտական հետազոտությունների, փորձի փոխանակման, մասնագիտական վերապատրաստումների և երիտասարդ գիտնականների ներուժի զարգացման ուղղություններով։
ԿԳՄՍՆ հաղորդագրության մեջ նաև նշվում է, որ նախարար Անդրեասյանին են ներկայացվել նաև ինստիտուտի գիտական գործունեության հիմնական ուղղությունները, լաբորատոր ենթակառուցվածքները, իրականացվող հետազոտությունները և վերջին տարիների գիտական ձեռքբերումները։
Նախարարը Հովհաննիսյանի և Տրուբնիկովի հետ քննարկել է Հայաստանի բարձրագույն ուսումնական հաստատությունների և գիտական կազմակերպությունների հետ համագործակցության ընդլայնման հնարավորություններն ու հեռանկարները, մասնավորապես՝ համատեղ գիտական հետազոտությունների, փորձի փոխանակման, մասնագիտական վերապատրաստումների և երիտասարդ գիտնականների ներուժի զարգացման ուղղություններով։
ԿԳՄՍՆ հաղորդագրության մեջ նաև նշվում է, որ նախարար Անդրեասյանին են ներկայացվել նաև ինստիտուտի գիտական գործունեության հիմնական ուղղությունները, լաբորատոր ենթակառուցվածքները, իրականացվող հետազոտությունները և վերջին տարիների գիտական ձեռքբերումները։

Ժաննա Անդրեասյանի հանդիպումը ակադեմիկոս, Մենդելեևի պարբերական աղյուսակի գերծանր տարրերի հետազոտող Յուրի Հովհաննիսյանի հետ
© Photo : official site of MESCS of RA
Նշենք, որ ակադեմիկոս Յուրի Հովհաննիսյանը ղեկավարել է հետազոտություններ, որոնց արդյունքում Մենդելեևի պարբերական աղյուսակը համալրվել է նոր գերծանր տարրերով, մասնավորապես՝ 118-րդ տարրը՝ Օգանեսոնը, կոչվել է ի պատիվ նրա։
Հիշեցնենք` նոյեմբերի 9-ից 16-ը Ռուսաստանի Դաշնությունում՝ Մոսկվայում և Սանկտ Պետերբուրգում, անցկացվում են Հայաստանի մշակույթի օրեր՝ նվիրված Հայաստանի անկախության 35-ամյակին։ Միջոցառումն իրականացվում է ՀՀ ԿԳՄՍ նախարարության և ՌԴ մշակույթի նախարարության համատեղ նախաձեռնությամբ։
Հիշեցնենք` նոյեմբերի 9-ից 16-ը Ռուսաստանի Դաշնությունում՝ Մոսկվայում և Սանկտ Պետերբուրգում, անցկացվում են Հայաստանի մշակույթի օրեր՝ նվիրված Հայաստանի անկախության 35-ամյակին։ Միջոցառումն իրականացվում է ՀՀ ԿԳՄՍ նախարարության և ՌԴ մշակույթի նախարարության համատեղ նախաձեռնությամբ։
