Հայաստանը հետաքրքրված է Ռուսաստանի հետ կրթական կապերի զարգացմամբ. նախարար
© Photo : official site of MESCS of RA
Բաժանորդագրվել
Նախարարը կարծում է, որ երիտասարդների ներգրավումը երկու երկրների միջև համագործակցության զարգացմանը սկզբունքային և ռազմավարական նշանակություն ունի։
ԵՐԵՎԱՆ, 13 նոյեմբերի – Sputnik. Երևանը հետաքրքրված է Մոսկվայի հետ կրթական կապերի ընդլայնմամբ՝ համատեղ կրթական ծրագրերի զարգացում, գիտական նախագծեր և ակադեմիական փոխանակումներ։ Այս մասին հայտարարել է Հայաստանի կրթության, գիտության, մշակույթի և սպորտի նախարար Ժաննա Անդրեասյանը՝ Մոսկվայում ելույթ ունենալով ռուս-հայկական գիտակրթական համաժողովում։
Ռուսաստանում անցկացվում են Հայաստանի մշակույթի օրերը՝ նվիրված ՀՀ անկախության 35-ամյակին
Նա հույս է հայտնել, որ համաժողովի ժամանակ փոխգործակցության հեռանկարային նոր ուղղություններ կբացահայտվեն։ Անդրեասյանի խոսքով՝ երկու երկրների կրթական համակարգերը հիմնականում նույն նպատակներն ունեն՝ կրթության որակի բարելավում, հետազոտական ներուժի զարգացում, ժամանակակից կրթական մոտեցումների ներդրում, մասնագետների պատրաստում և յուրաքանչյուր մարդու կարողությունների բացահայտման համար պայմանների ստեղծում։
Նա հույս է հայտնել, որ համաժողովի ժամանակ փոխգործակցության հեռանկարային նոր ուղղություններ կբացահայտվեն։ Անդրեասյանի խոսքով՝ երկու երկրների կրթական համակարգերը հիմնականում նույն նպատակներն ունեն՝ կրթության որակի բարելավում, հետազոտական ներուժի զարգացում, ժամանակակից կրթական մոտեցումների ներդրում, մասնագետների պատրաստում և յուրաքանչյուր մարդու կարողությունների բացահայտման համար պայմանների ստեղծում։
«Հայաստանի և Ռուսաստանի միջև կրթական և մարդասիրական կապերի ամրապնդման գործում առանձին նշանակություն ունի փոխգործակցությունը լեզվի և մշակույթի ոլորտում։ Մեր երկրներում լեզուների ուսուցմանն աջակցելը, մշակութային բազմազանության պահպանումը, մշակութային փոխանակման ընդլայնումը և միջմշակութային երկխոսության զարգացումը լրացուցիչ հնարավորություններ են ստեղծում մեր ժողովուրդների միջև փոխըմբռնումը խորացնելու համար», – ընդգծել է Անդրեասյանը։
Նա նշել է` կարևոր է շարունակել այն նախաձեռնությունները, որոնք ուղղված են Հայաստանի և Ռուսաստանի մշակութային ժառանգությանը, ավանդույթներին և ժամանակակից նվաճումներին ծանոթացնելուն՝ ամուր հիմք ձևավորելով երկարատև գործընկերության համար։
