Չինաստանում ամփոփվել է Արամ Խաչատրյանի անվան երիտասարդական միջազգային երկրորդ մրցույթը
© Photo : official site of MESCS of RA
Բաժանորդագրվել
Չինաստանում Խաչատրյանի անվան մրցույթներն անցկացվում են 2023 թվականից, իսկ Խաչատրյանի անվան երիտասարդական միջազգային առաջին մրցույթը տեղի է ունեցել 2024 թվականին։
ԵՐԵՎԱՆ, 13 նոյեմբերի - Sputnik. Չինաստանում անցկացվող Արամ Խաչատրյանի անվան երիտասարդական միջազգային երկրորդ մրցույթն ամփոփվել է Չինաստանի ազգային օպերային թատրոնում կայացած գալա համերգով և մրցանակաբաշխությամբ։
Տեղեկությունը հայտնում է ԿԳՄՍՆ-ն։
Չինաստանում ամփոփվել է Արամ Խաչատրյանի անվան երիտասարդական միջազգային երկրորդ մրցույթը
© Photo : official site of MESCS of RA
Միջազգային նախընտրական փուլերից և Պեկինում անցկացած եզրափակիչ փուլից հետո հայտնի են դարձել մրցույթի հաղթողներն ու դափնեկիրները։
«Մրցույթն այս տարի առանձնացել է աշխարհագրական լայն ընդգրկմամբ։ Հուլիսից սեպտեմբեր անցկացված միջազգային նախընտրական փուլին հաջորդել են տարածաշրջանային փուլեր Եվրոպայում, Ասիայում, Հայաստանում և Չինաստանի մի շարք շրջաններում։ Մրցույթն անցկացվել է հինգ անվանակարգում՝ դաշնամուր, ջութակ, ալտ, թավջութակ և կամերային անսամբլ։ Մրցույթի մասնակիցների ելույթներին հնարավորություն է տրվել հետևելու նաև առցանց՝ ուղիղ հեռարձակմամբ»,-նշված է հաղորդագրության մեջ։
Մրցույթի չորս հիմնական մասնագիտական անվանակարգերում հաղթող են ճանաչվել Չժաո Յույույը (ալտ), Նիու Չժենհաոն (թավջութակ), Գուո Ֆեննինգը (ջութակ) և Էլենա Բաթայեն (դաշնամուր)։
Եզրափակիչ փուլում մասնակիցները հանդես են եկել Հայաստանի պետական սիմֆոնիկ նվագախմբի հետ՝ Սերգեյ Սմբատյանի ղեկավարությամբ։
Չինաստանում ամփոփվել է Արամ Խաչատրյանի անվան երիտասարդական միջազգային երկրորդ մրցույթը
© Photo : official site of MESCS of RA
Չինաստանում Խաչատրյանի անվան մրցույթներն անցկացվում են 2023 թվականից, իսկ Խաչատրյանի անվան երիտասարդական միջազգային առաջին մրցույթը տեղի է ունեցել 2024 թվականին։
Մրցույթին զուգահեռ անցկացվել է նաև «Խաչատրյանի անվան երիտասարդական երաժշտական շաբաթը»՝ ներառելով վարպետության դասեր, կրթական ծրագրեր և համերգներ։
