https://arm.sputniknews.ru/20261104/chnajats-haraberutjunneri-bardutjunnerin-hhn-u-rdn-miavvorum-e-ancjaly-kvopirkin-108886508.html
Չնայած հարաբերությունների բարդություններին՝ ՀՀ–ն ու ՌԴ–ն միավորում է անցյալը. Կոպիրկին
Չնայած հարաբերությունների բարդություններին՝ ՀՀ–ն ու ՌԴ–ն միավորում է անցյալը. Կոպիրկին
Sputnik Արմենիա
Այդ միասնության շնորհիվ ժողովուրդները կարողացան միասին հաղթել մարդկության պատմության ամենածանր պատերազմում: 04.11.2026, Sputnik Արմենիա
2026-11-04T11:43+0400
2026-11-04T11:43+0400
2026-11-04T11:50+0400
տեսանյութեր
տեսանյութ
սերգեյ կոպիրկին
ռուսաստան
հայաստան-ռուսաստան համագործակցություն
https://cdn.am.imgsputniknews.ru/img/07ea/0b/04/108881597_0:0:1281:720_1920x0_80_0_0_8e2b44979eaa113729281876ebf51c56.jpg
ԵՐԵՎԱՆ, 4 նոյեմբերի - Sputnik. Ռուս-հայկական հարաբերությունները բարդ շրջան են ապրում, սակայն չնայած քաղաքական կոնյունկտուրայի փոփոխություններին` երկու երկրների ժողովուրդներին առաջվա պես կապում են ընդհանուր պատմությունն ու հոգևոր-բարոյական արժեքները: Այս մասին հայտարարել է Հայաստանում Ռուսաստանի դեսպան Սերգեյ Կոպիրկինը Ժողովրդական միասնության օրվա կապակցությամբ կազմակերպված միջոցառմանը, որն անցկացվում է Գյումրիում՝ 102-րդ ռուսական ռազմաբազայի տարածքում:Կոպիրկինի խոսքով՝ աշխարհում աննախադեպ տուրբուլենտության ֆոնին Ժողովրդական միասնության օրը առանձնահատուկ արդիականություն է ստանում, քանի որ այն հիշեցնում է հանրային համերաշխության և ընդհանուր նպատակներին հասնելու համար համախմբվելու կարևորության մասին:Դեսպանը նաև նշել է տոնական միջոցառումը Գյումրիում՝ Ալեքսանդր Նևսկու շքանշանակիր 102-րդ ռուսական ռազմաբազայի տարածքում անցկացնելու խորհրդանշական լինելը:«Այսօր, երբ մենք հարգանքի տուրք ենք մատուցում 1612 թվականին Ռուսաստանը փրկած տարբեր դասերի, ազգությունների և դավանանքների ներկայացուցիչների հիշատակին, խորապես խորհրդանշական է այս տոնը դիմավորել այստեղ՝ Գյումրիում` Ալեքսանդր Նևսկու շքանշանակիր 102-րդ ռուսական ռազմաբազայի տարածքում, որի անձնակազմը մեր սահմանապահների հետ համատեղ պատվով ծառայություն է իրականացնում հանուն տարածաշրջանում անվտանգության և կայունության ապահովման»,-հայտարարել է Կոպիրկինը:Ռուսաստանը պատրաստ է բնապահպանական ոլորտում ձեռք բերած փորձը փոխանցել Հայաստանին. դեսպանԺողովրդական միասնության օրը Ռուսաստանի Դաշնության պետական տոներից է, որն ամեն տարի նշվում է նոյեմբերի 4-ին: Տոնը սահմանվել է ի հիշատակ 1612 թվականի իրադարձությունների, երբ Կուզմա Մինինի և Դմիտրի Պոժարսկու գլխավորած ժողովրդական աշխարհազորը Մոսկվան ազատագրեց լեհ-լիտվական զավթիչներից: Այդ հաղթանակով վերջ դրվեց Ռուսաստանի պատմության ծանրագույն շրջաններից մեկին՝ «Խռովության ժամանակաշրջանին»։ Որպես պետական տոն այն սահմանվել է 2004 թվականին։Ռուսաստանում այս օրը կազմակերպվում են հանրահավաքներ, հայրենասիրական ու մշակութային միջոցառումներ, իսկ երկրի ղեկավարությունը ավանդաբար ծաղիկներ է խոնարհում Կարմիր հրապարակում գտնվող Մինինի և Պոժարսկու հուշարձանին։ Տոնի շրջանակներում միջոցառումներ են անցկացվում նաև արտերկրում գտնվող ռուսական մշակութային կենտրոնների ու դիվանագիտական ներկայացուցչությունների կողմից։ՌԴ–ՀՀ հարաբերությունները նոր հավասարակշռություն գտնելու փուլում են. Կոպիրկին
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութեր, տեսանյութ, սերգեյ կոպիրկին, ռուսաստան, հայաստան-ռուսաստան համագործակցություն, видео
տեսանյութեր, տեսանյութ, սերգեյ կոպիրկին, ռուսաստան, հայաստան-ռուսաստան համագործակցություն, видео
Չնայած հարաբերությունների բարդություններին՝ ՀՀ–ն ու ՌԴ–ն միավորում է անցյալը. Կոպիրկին
11:43 04.11.2026 (Թարմացված է: 11:50 04.11.2026) Այդ միասնության շնորհիվ ժողովուրդները կարողացան միասին հաղթել մարդկության պատմության ամենածանր պատերազմում:
ԵՐԵՎԱՆ, 4 նոյեմբերի - Sputnik. Ռուս-հայկական հարաբերությունները բարդ շրջան են ապրում, սակայն չնայած քաղաքական կոնյունկտուրայի փոփոխություններին` երկու երկրների ժողովուրդներին առաջվա պես կապում են ընդհանուր պատմությունն ու հոգևոր-բարոյական արժեքները: Այս մասին հայտարարել է Հայաստանում Ռուսաստանի դեսպան Սերգեյ Կոպիրկինը Ժողովրդական միասնության օրվա կապակցությամբ կազմակերպված միջոցառմանը, որն անցկացվում է Գյումրիում՝ 102-րդ ռուսական ռազմաբազայի տարածքում:
«Այս միասնության շնորհիվ մենք միասին հաղթեցինք մարդկության պատմության ամենածանր պատերազմում: Հենց սա է պետք պահպանել հանուն ապագա սերունդների»,- ընդգծել է դիվանագետը:
Կոպիրկինի խոսքով՝ աշխարհում աննախադեպ տուրբուլենտության ֆոնին Ժողովրդական միասնության օրը առանձնահատուկ արդիականություն է ստանում, քանի որ այն հիշեցնում է հանրային համերաշխության և ընդհանուր նպատակներին հասնելու համար համախմբվելու կարևորության մասին:
Դեսպանը նաև նշել է տոնական միջոցառումը Գյումրիում՝ Ալեքսանդր Նևսկու շքանշանակիր 102-րդ ռուսական ռազմաբազայի տարածքում անցկացնելու խորհրդանշական լինելը:
«Այսօր, երբ մենք հարգանքի տուրք ենք մատուցում 1612 թվականին Ռուսաստանը փրկած տարբեր դասերի, ազգությունների և դավանանքների ներկայացուցիչների հիշատակին, խորապես խորհրդանշական է այս տոնը դիմավորել այստեղ՝ Գյումրիում` Ալեքսանդր Նևսկու շքանշանակիր 102-րդ ռուսական ռազմաբազայի տարածքում, որի անձնակազմը մեր սահմանապահների հետ համատեղ պատվով ծառայություն է իրականացնում հանուն տարածաշրջանում անվտանգության և կայունության ապահովման»,-հայտարարել է Կոպիրկինը:
Ժողովրդական միասնության օրը Ռուսաստանի Դաշնության պետական տոներից է, որն ամեն տարի նշվում է նոյեմբերի 4-ին: Տոնը սահմանվել է ի հիշատակ 1612 թվականի իրադարձությունների, երբ Կուզմա Մինինի և Դմիտրի Պոժարսկու գլխավորած ժողովրդական աշխարհազորը Մոսկվան ազատագրեց լեհ-լիտվական զավթիչներից: Այդ հաղթանակով վերջ դրվեց Ռուսաստանի պատմության ծանրագույն շրջաններից մեկին՝ «Խռովության ժամանակաշրջանին»։ Որպես պետական տոն այն սահմանվել է 2004 թվականին։
Ռուսաստանում այս օրը կազմակերպվում են հանրահավաքներ, հայրենասիրական ու մշակութային միջոցառումներ, իսկ երկրի ղեկավարությունը ավանդաբար ծաղիկներ է խոնարհում Կարմիր հրապարակում գտնվող Մինինի և Պոժարսկու հուշարձանին։
Տոնի շրջանակներում միջոցառումներ են անցկացվում նաև արտերկրում գտնվող ռուսական մշակութային կենտրոնների ու դիվանագիտական ներկայացուցչությունների կողմից։
