https://arm.sputniknews.ru/20261103/hajastanum-2026-t-septemberin-gnatshy-kazmel-e-43--kb-nakhagah-108844712.html

Հայաստանում 2026 թ. սեպտեմբերին գնաճը կազմել է 4.3 %. ԿԲ նախագահ

Հայաստանում 2026 թ. սեպտեմբերին գնաճը կազմել է 4.3 %. ԿԲ նախագահ

Sputnik Արմենիա

Մարտին Գալստյանի խոսքով` ՀՀ տնտեսական ակտիվության աճին մեծապես շարունակել է նպաստել ծառայությունների և շինարարության ճյուղերի զարգացումը։ 03.11.2026, Sputnik Արմենիա

2026-11-03T15:12+0400

2026-11-03T15:12+0400

2026-11-03T15:12+0400

մարտին գալստյան

կենտրոնական բանկ (կբ)

գնաճ

հայաստան

https://cdn.am.imgsputniknews.ru/img/07e9/04/1b/88316194_0:0:3242:1824_1920x0_80_0_0_0f12a609e742f1bb835a34f73225f05d.jpg

ԵՐԵՎԱՆ, 3 նոյեմբերի – Sputnik. 2026 թ. 3–րդ եռամսյակում 12–ամսյա գնաճը շարունակել է ձևավորվել թիրախից բարձր մակարդակում` սեպտեմբերին կազմելով 4.3 տոկոս։ Այդ մասին այսօր ասուլիսին ասաց ՀՀ կենտրոնական բանկի նախագահ Մարտին Գալստյանը։Նրա խոսքով` գոյություն ունեցող ՀՀ տնտեսական ակտիվության աճին մեծապես շարունակել է նպաստել ծառայությունների և շինարարության ճյուղերի զարգացումը։ Այս ամենի վրա, նրա խոսքով, ազդել են նաև դեպի ՀՀ այցելուների հոսքերի աճը և նրանց` մեր երկրում տևական ժամանակ մնալու հանգամանքը։ Անդրադառնալով տարածաշրջանային հակամարտություններին ու դրանց ազդեցությանը ՀՀ և համաշխարհային տնտեսության վրա` Գալստյանը նշեց, որ այդ հակամարտությունների տևականության և դրանց կարգավորման հեռանկարների շուրջ մեծ անորոշության պայմաններում գնաճային ճնշումների ավելացման ռիսկերն աստիճանաբար դառնում են ավելի առարկայական։Մասնավորապես, Մերձավոր Արևելքում լարվածության պահպանման, մատակարարման շղթաների կայունության վերաբերյալ մտահոգությունների պայմաններում էներգակիրների գները շարունակում են ձևավորվել բարձր մակարդակներում։ «Կուտակված պաշարների աստիճանական նվազումը մեծացրել է շուկայի խոցելիությունը»,– նշեց Գալստյանը։Բացի այդ, ըստ նրա, ինչպես ընթացիկ աշխարհաքաղաքական զարգացումներով, այնպես էլ անբարենպաստ եղանակով պայմանավորված արձանագրվում է նաև համաշխարհային պարենային մթերքի գների արագացում։

2026

Լուրեր

am_HY

մարտին գալստյան, կենտրոնական բանկ (կբ), գնաճ, հայաստան