https://arm.sputniknews.ru/20261031/rusastany-ev-hhn-yndlajnum-en-ekvohamagvortsakcutjuny-kvonvonuchenkvon-nvor-nakhagtseri-masin-108712581.html
Ռուսաստանը և ՀՀ–ն ընդլայնում են էկոհամագործակցությունը. Կոնոնուչենկոն` նոր նախագծերի մասին
Ռուսաստանը և ՀՀ–ն ընդլայնում են էկոհամագործակցությունը. Կոնոնուչենկոն` նոր նախագծերի մասին
Sputnik Արմենիա
Ռուսաստանը ՄԱԿ-ի զարգացման ծրագրի միջոցով աջակցել է Ուզբեկստանում էկոլոգիապես կայուն հողագործության նախագծին և պատրաստ է նմանատիպ նախագիծ սկսել Հայաստանում... 31.10.2026, Sputnik Արմենիա
2026-10-31T17:45+0400
2026-10-31T17:45+0400
2026-10-31T17:45+0400
հայաստան
ռուսաստան
նախագիծ
ջուր
կլիմա
գյուղատնտեսություն
շրջակա միջավայրի նախարարություն
սերգեյ կոնոնուչենկո
https://cdn.am.imgsputniknews.ru/img/07ea/0a/1e/108698075_0:0:1150:648_1920x0_80_0_0_d9992125fc9c7fa0cc4d957d581b77bf.jpg
ԵՐԵՎԱՆ, 31 հոկտեմբերի – Sputnik. Ռուսաստանն ու Հայաստանը համատեղ բնապահպանական ծրագրեր են իրականացնում մի շարք ուղղություններով և դիտարկում են համագործակցության ընդլայնման հնարավորությունները: COP17–ի շրջանակում Sputnik Արմենիայի հետ զրույցում այս մասին հայտնեց Ռուսաստանի ԱԳՆ հատուկ հանձնարարություններով դեսպան, կլիմայի հարցերով ՌԴ արտաքին քաղաքական գերատեսչության ղեկավարի հատուկ ներկայացուցիչ Սերգեյ Կոնոնուչենկոն:Բացի այդ, Ռուսաստանի և Հայաստանի բնապահպանական գերատեսչությունները 2025-2027 թվականների համատեղ միջոցառումների ծրագիր են իրականացնում, որը համագործակցություն է նախատեսում թափոնների կառավարման, կենսաբազմազանության պահպանման և բնական սպառնալիքներին, այդ թվում՝ անտառային հրդեհներին հակազդելու ոլորտներում:Փոխգործակցության նոր ուղղությունները հայ գործընկերների հետ քննարկվել են անմիջապես COP17-ի ընթացքում:Կոնոնուչենկոն նշեց, որ համաժողովում հայկական պատվիրակության հետ շփումներ են եղել ամեն օր, ընդ որում՝ օրական մի քանի անգամ: Հայաստանը, նրա խոսքով, հանդես է եկել ոչ միայն որպես համաժողովի նախագահող և փաստաթղթերի համաձայնեցման գործընթացում անկողմնակալ արբիտր, այլև որպես բանակցային գործընթացի լիարժեք գործընկեր:Դիվանագետը պատմեց նաև ՀՀ շրջակա միջավայրի նախարար, COP17-ում նախագահող Համբարձում Մաթևոսյանի հետ ջերմ և կառուցողական հանդիպումների մասին:Նա հատկապես բարձր գնահատեց համաժողովի կազմակերպումը Երևանում: Կոնոնուչենկոյի խոսքով՝ կենսաբազմազանությանը, կլիմայի փոփոխությանը և անապատացման դեմ պայքարին նվիրված Ռիո դե Ժանեյրոյի կոնվենցիաների կողմերի ֆորումներին ավելի քան 20 տարվա մասնակցության ընթացքում ինքը զգալի փորձ է կուտակել համեմատելու համար:«Շատ լավ են մտածված լոգիստիկան և սնունդը, մենք կարող ենք հանգիստ վայելել համեղ հայկական ուտելիքը»,- նշեց դիվանագետը:Էկոլոգիական նպատակներ և տնտեսական շահերԽոսելով միջազգային բնապահպանական հարթակներում Ռուսաստանի առաջնահերթությունների մասին՝ Կոնոնուչենկոն ընդգծեց, որ բնապահպանական քաղաքականությունը պետք է հաշվի առնի բոլոր պետությունների սոցիալ-տնտեսական զարգացման խնդիրները:Մոսկվան հանդես է գալիս հանածո վառելիքից հրաժարվելու հարցում հավասարակշռված մոտեցման օգտին՝ պնդելով համաշխարհային տնտեսության համար հնարավոր հետևանքների նախնական գնահատման անհրաժեշտությունը:Ռուսաստանը համանման մոտեցում է ցուցաբերում նաև շրջակա միջավայրի համար վնասակար համարվող սուբսիդիաների չեղարկման հարցումԴիվանագետի խոսքով՝ նախքան աջակցության նման մեխանիզմներից հրաժարվելը անհրաժեշտ է գնահատել դրանց նշանակությունն առանձին ոլորտների, առաջին հերթին՝ գյուղատնտեսության համար:Ռուսաստանը պատրաստ է բնապահպանական ոլորտում ձեռք բերած փորձը փոխանցել Հայաստանին. դեսպան«Այս հարցը պետք է մանրակրկիտ ուսումնասիրել, բայց, օրինակ, պարարտանյութերի արտադրության համար սուբսիդիաները վնասակա՞ր են: Կամ գոնե ոչ լիովի՞ն: Ի՞նչ կլինի, եթե մենք հրաժարվենք նման սուբսիդիաներից: Հայաստանում՝ բարձր զարգացած ագրարային երկրում, որը հայտնի է իր մրգերով, լավ գիտեն, թե գյուղատնտեսության մեջ ինչպիսի նշանակություն ունեն պարարտանյութերը»,-նշեց նա:Կոնոնուչենկոն ընդգծեց, որ սա հարցերի միայն մի մասն է, որոնց շուրջ Ռուսաստանը առաջ է տանում իր տեսակետը COP17-ի շրջանակում:Ռուսական բնապահպանական նախագծերը Հայաստանում և տարածաշրջանումԱնդրադառնալով ՄԱԿ-ի հովանու ներքո միջազգային համագործակցությանը՝ դիվանագետը հիշեցրեց, որ 2012 թվականից ի վեր Ռուսաստանն ակտիվորեն օգտագործում է կազմակերպության ծրագրերն ու հիմնադրամները՝ այլ պետություններին օգնություն ցուցաբերելու համար, մասնավորապես՝ «Ռուսաստան-ՄԱԶԾ» Զարգացման հավատարմագրային հիմնադրամի միջոցով:Մի շարք նախագծեր են իրականացվել նաև Հայաստանում: Դրանք վերաբերել են անտառային հրդեհների դեմ պայքարին և Տավուշի մարզում համալիր գյուղատնտեսության զարգացմանը:Որպես միջազգային բնապահպանական համագործակցության ևս մեկ օրինակ նա նշեց Ուզբեկստանում ածխածնային հողագործության նախագիծը, որի համար Ռուսաստանի կառավարությունը 1,5 միլիոն դոլար է հատկացրել:Այս տեխնոլոգիան ենթադրում է գյուղատնտեսական մշակաբույսերի աճեցում առանց հողը վարելու կամ դրա նվազագույն մշակմամբ, ինչպես նաև բույսերի մնացորդների, այդ թվում՝ ցորենի ծղոտի պահպանում անմիջապես դաշտերում: Նման մոտեցումը նպաստում է հողում ածխածնի կուտակմանը:Դիվանագետի խոսքով՝ ծրագիրն արդեն մեկնարկել է և մեծ հետաքրքրություն է առաջացրել Ուզբեկստանի կառավարությունում: Հետագայում նման նախաձեռնություններին կարող են միանալ նաև Ռուսաստանի այլ գործընկերները, այդ թվում՝ Հայաստանը:«Եթե մեր հայ գործընկերների կողմից համապատասխան դիմում լինի, մենք սիրով կքննարկենք այն»,- եզրափակեց Կոնոնուչենկոն:Հիշեցնենք, որ COP17 համաժողովն անցկացվել է Երևանում հոկտեմբերի 19-ից 30-ը:Էկոնորաձևություն. տեքստիլի թափոնից Երևանում դիզայներական հագուստ և պայուսակներ են կարում
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, նախագիծ, ջուր, կլիմա, գյուղատնտեսություն, շրջակա միջավայրի նախարարություն, սերգեյ կոնոնուչենկո
հայաստան, ռուսաստան, նախագիծ, ջուր, կլիմա, գյուղատնտեսություն, շրջակա միջավայրի նախարարություն, սերգեյ կոնոնուչենկո
Ռուսաստանը և ՀՀ–ն ընդլայնում են էկոհամագործակցությունը. Կոնոնուչենկոն` նոր նախագծերի մասին
Ռուսաստանը ՄԱԿ-ի զարգացման ծրագրի միջոցով աջակցել է Ուզբեկստանում էկոլոգիապես կայուն հողագործության նախագծին և պատրաստ է նմանատիպ նախագիծ սկսել Հայաստանում: Երկու երկրների համագործակցությունը շարունակվում է նաև մի շարք բնապահպանական հարցերում։
ԵՐԵՎԱՆ, 31 հոկտեմբերի – Sputnik. Ռուսաստանն ու
Հայաստանը համատեղ բնապահպանական ծրագրեր են իրականացնում մի շարք ուղղություններով և դիտարկում են համագործակցության ընդլայնման հնարավորությունները: COP17–ի շրջանակում
Sputnik Արմենիայի հետ զրույցում այս մասին հայտնեց Ռուսաստանի ԱԳՆ հատուկ հանձնարարություններով դեսպան, կլիմայի հարցերով ՌԴ արտաքին քաղաքական գերատեսչության ղեկավարի հատուկ ներկայացուցիչ Սերգեյ Կոնոնուչենկոն:
Նրա խոսքով՝ փոխգործակցությունն ընդգրկում է նաև ակադեմիական ոլորտը՝ ներառյալ սառցադաշտաբանությունն ու կրիոհիդրոլոգիան՝ գիտություններ, որոնք ուսումնասիրում են սառցադաշտերն ու դրանց հետ կապված ջրային գործընթացները: Այս ուղղություններն առանձնահատուկ նշանակություն ունեն երկու երկրների համար, քանի որ սառցադաշտերը քաղցրահամ ջրի պաշարների կարևոր աղբյուր են:
Բացի այդ, Ռուսաստանի և
Հայաստանի բնապահպանական գերատեսչությունները 2025-2027 թվականների համատեղ միջոցառումների ծրագիր են իրականացնում, որը համագործակցություն է նախատեսում թափոնների կառավարման, կենսաբազմազանության պահպանման և բնական սպառնալիքներին, այդ թվում՝ անտառային հրդեհներին հակազդելու ոլորտներում:
Փոխգործակցության նոր ուղղությունները հայ գործընկերների հետ քննարկվել են անմիջապես COP17-ի ընթացքում:
Կոնոնուչենկոն նշեց, որ համաժողովում հայկական պատվիրակության հետ շփումներ են եղել ամեն օր, ընդ որում՝ օրական մի քանի անգամ: Հայաստանը, նրա խոսքով, հանդես է եկել ոչ միայն որպես համաժողովի նախագահող և փաստաթղթերի համաձայնեցման գործընթացում անկողմնակալ արբիտր, այլև որպես բանակցային գործընթացի լիարժեք գործընկեր:
Դիվանագետը պատմեց նաև ՀՀ շրջակա միջավայրի նախարար, COP17-ում նախագահող Համբարձում Մաթևոսյանի հետ ջերմ և կառուցողական հանդիպումների մասին:
Նա հատկապես բարձր գնահատեց համաժողովի կազմակերպումը Երևանում: Կոնոնուչենկոյի խոսքով՝ կենսաբազմազանությանը, կլիմայի փոփոխությանը և անապատացման դեմ պայքարին նվիրված Ռիո դե Ժանեյրոյի կոնվենցիաների կողմերի ֆորումներին ավելի քան 20 տարվա մասնակցության ընթացքում ինքը զգալի փորձ է կուտակել համեմատելու համար:
«Շատ լավ են մտածված լոգիստիկան և սնունդը, մենք կարող ենք հանգիստ վայելել համեղ հայկական ուտելիքը»,- նշեց դիվանագետը:
Էկոլոգիական նպատակներ և տնտեսական շահեր
Խոսելով միջազգային բնապահպանական հարթակներում Ռուսաստանի առաջնահերթությունների մասին՝ Կոնոնուչենկոն ընդգծեց, որ բնապահպանական քաղաքականությունը պետք է հաշվի առնի բոլոր պետությունների սոցիալ-տնտեսական զարգացման խնդիրները:
Մոսկվան հանդես է գալիս հանածո վառելիքից հրաժարվելու հարցում հավասարակշռված մոտեցման օգտին՝ պնդելով համաշխարհային տնտեսության համար հնարավոր հետևանքների նախնական գնահատման անհրաժեշտությունը:
«Բանակցություններին մասնակցող մեր գործընկերները կարծում են, որ որքան շուտ հրաժարվենք ածխաջրածիններից, այնքան շուտ «բոլորը երջանիկ կապրեն», և գլոբալ տաքացումը կդանդաղի, գուցե նույնիսկ կնահանջի: Իսկ մենք կարծում ենք, որ պետք է հաշվարկել ածխաջրածիններից արագ հրաժարվելու բոլոր ռիսկերը` հատկապես հաշվի առնելով այն, որ նշված կոնվենցիաների բազմաթիվ երկրներ չունեն ոչ միայն վերականգնվող էներգիայի աղբյուրների, այլ նույնիսկ ավանդական ածխաջրածինների կանոնավոր հասանելիություն չունեն»,- ասաց Կոնոնուչենկոն:
Ռուսաստանը համանման մոտեցում է ցուցաբերում նաև շրջակա միջավայրի համար վնասակար համարվող սուբսիդիաների չեղարկման հարցում
Դիվանագետի խոսքով՝ նախքան աջակցության նման մեխանիզմներից հրաժարվելը անհրաժեշտ է գնահատել դրանց նշանակությունն առանձին ոլորտների, առաջին հերթին՝ գյուղատնտեսության համար:
«Այս հարցը պետք է մանրակրկիտ ուսումնասիրել, բայց, օրինակ, պարարտանյութերի արտադրության համար սուբսիդիաները վնասակա՞ր են: Կամ գոնե ոչ լիովի՞ն: Ի՞նչ կլինի, եթե մենք հրաժարվենք նման սուբսիդիաներից:
Հայաստանում՝ բարձր զարգացած ագրարային երկրում, որը հայտնի է իր մրգերով, լավ գիտեն, թե գյուղատնտեսության մեջ ինչպիսի նշանակություն ունեն պարարտանյութերը»,-նշեց նա:
Կոնոնուչենկոն ընդգծեց, որ սա հարցերի միայն մի մասն է, որոնց շուրջ Ռուսաստանը առաջ է տանում իր տեսակետը COP17-ի շրջանակում:
Ռուսական բնապահպանական նախագծերը Հայաստանում և տարածաշրջանում
Անդրադառնալով ՄԱԿ-ի հովանու ներքո միջազգային համագործակցությանը՝ դիվանագետը հիշեցրեց, որ 2012 թվականից ի վեր Ռուսաստանն ակտիվորեն օգտագործում է կազմակերպության ծրագրերն ու հիմնադրամները՝ այլ պետություններին օգնություն ցուցաբերելու համար, մասնավորապես՝ «Ռուսաստան-ՄԱԶԾ» Զարգացման հավատարմագրային հիմնադրամի միջոցով:
Մի շարք նախագծեր են իրականացվել նաև Հայաստանում: Դրանք վերաբերել են անտառային հրդեհների դեմ պայքարին և Տավուշի մարզում համալիր գյուղատնտեսության զարգացմանը:
«Ես պատիվ եմ ունեցել 2018 թվականին այցելել Հայաստան և ծանոթանալ ոչ միայն երկրի գեղեցկությանը, այլև Տավուշի մարզում ռուսական նախագծերի իրականացմանը»,- ասաց Կոնոնուչենկոն:
Որպես միջազգային բնապահպանական համագործակցության ևս մեկ օրինակ նա նշեց Ուզբեկստանում ածխածնային հողագործության նախագիծը, որի համար Ռուսաստանի կառավարությունը 1,5 միլիոն դոլար է հատկացրել:
Այս տեխնոլոգիան ենթադրում է գյուղատնտեսական մշակաբույսերի աճեցում առանց հողը վարելու կամ դրա նվազագույն մշակմամբ, ինչպես նաև բույսերի մնացորդների, այդ թվում՝ ցորենի ծղոտի պահպանում անմիջապես դաշտերում: Նման մոտեցումը նպաստում է հողում ածխածնի կուտակմանը:
Դիվանագետի խոսքով՝ ծրագիրն արդեն մեկնարկել է և մեծ հետաքրքրություն է առաջացրել Ուզբեկստանի կառավարությունում: Հետագայում նման նախաձեռնություններին կարող են միանալ նաև Ռուսաստանի այլ գործընկերները, այդ թվում՝ Հայաստանը:
«Եթե մեր հայ գործընկերների կողմից համապատասխան դիմում լինի, մենք սիրով կքննարկենք այն»,- եզրափակեց Կոնոնուչենկոն:
Հիշեցնենք, որ COP17 համաժողովն անցկացվել է Երևանում հոկտեմբերի 19-ից 30-ը:
