https://arm.sputniknews.ru/20261027/tripp-nakhagitsy-karvogh-e-gvortsarkvel-minch-khaghaghutjan-pajmanagri-stvoragrumy-mirzvojan-108577340.html
TRIPP նախագիծը կարող է գործարկվել մինչ խաղաղության պայմանագրի ստորագրումը. Միրզոյան
TRIPP նախագիծը կարող է գործարկվել մինչ խաղաղության պայմանագրի ստորագրումը. Միրզոյան
Sputnik Արմենիա
Նարեկ Կարապետյանը մտահոգված է, որ Ադրբեջանը TRIPP գործարկումից հետո կարող է անիրագործելի պայմաններ դնել Հայաստանի առաջ, ինչպես Սահմանադրության փոփոխության... 27.10.2026, Sputnik Արմենիա
2026-10-27T13:20+0400
2026-10-27T13:20+0400
2026-10-27T14:56+0400
հայաստան
ադրբեջան
խաղաղության պայմանագիր
թրամփի ուղի (tripp)
արարատ միրզոյան
https://cdn.am.imgsputniknews.ru/img/07ea/0a/07/107800599_0:0:1600:901_1920x0_80_0_0_a75683f827d77531518d2f7239162d2d.jpg
ԵՐԵՎԱՆ, 27 հոկտեմբերի – Sputnik. ՀՀ արտաքին գործերի և միջազգային առևտրի նախարար Արարատ Միրզոյանը չի բացառում, որ «Թրամփի ուղի» նախագիծը կարող է գործարկվել ավելի վաղ, քան Ադրբեջանի հետ խաղաղության պայմանագիր կստորագրվի։ Նա այդ մասին ասաց Ազգային ժողովում` անդրադառնալով «Ուժեղ Հայաստան» խմբակցության ղեկավար Նարեկ Կարապետյանի հարցին։Նա նշեց` մեկ այլ անձ կարող էր ասել, թե պետք է սկզբում խաղաղություն լինի, հետո գործարկվի TRIPP նախագիծը, բայց, չնայած դասագրքային հերթականությանը, կյանքն իր սրբագրումներն է անում։Կարապետյանը հետաքրքրվեց` TRIPP–ը գործարկելուց հետո ո՞րն է լինելու Ադրբեջանի մոտիվացիան, որ Հայաստանի համար ապաշրջափակման հնարավորություններ ապահովի, եթե արդեն ճանապարհն ունի։ Պատգամավորը մտահոգված է, որ Ադրբեջանը TRIPP–ի գործարկումից հետո կարող է անիրագործելի պայմաններ դնել Հայաստանի առաջ, ինչպես Սահմանադրության փոփոխության դեպքում է։Միրզոյանը ընդգծեց, որ TRIPP–ը միայն 43 կմ–ն չի լինելու, այն շարունակություն է ունենալու դեպի աջ և ձախ, հետևաբար պետք չէ միայն մի կողմով նայել հարցին։ Նախարարն ընդգծեց` երաշխիքն այն է, որ այս նախագիծը փոխշահավետ է ու պետք է և՛ ադրբեջանական, և՛ հայկական, և՛ երրորդ կողմին։Նախարարը շեշտեց` չի կարող լինել մի իրավիճակ, որ հենց այդ ենթակառուցվածքով Ադրբեջան–Նախիջևան կամ հակառակ ուղղությամբ շարժ լինի ու Հայաստանի համար օգուտ չլինի։ Միրզոյանի կարծիքով` Ադրբեջանից Տավուշով դեպի Հայաստան և հակառակ ուղղությամբ ճանապարհն էլ կբացվի խաղաղության պայմանագրի ստորագրումից հետո։Ադրբեջանին պետք է «Թրամփի ուղին» առանց խաղաղության պայմանագրի. քաղաքագետՀիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։ՀՀ վարչապետ Նիկոլ Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, խաղաղության պայմանագիր, թրամփի ուղի (tripp), արարատ միրզոյան
հայաստան, ադրբեջան, խաղաղության պայմանագիր, թրամփի ուղի (tripp), արարատ միրզոյան
TRIPP նախագիծը կարող է գործարկվել մինչ խաղաղության պայմանագրի ստորագրումը. Միրզոյան
13:20 27.10.2026 (Թարմացված է: 14:56 27.10.2026) Նարեկ Կարապետյանը մտահոգված է, որ Ադրբեջանը TRIPP գործարկումից հետո կարող է անիրագործելի պայմաններ դնել Հայաստանի առաջ, ինչպես Սահմանադրության փոփոխության դեպքում եղավ։
ԵՐԵՎԱՆ, 27 հոկտեմբերի – Sputnik. ՀՀ արտաքին գործերի և միջազգային առևտրի նախարար Արարատ Միրզոյանը չի բացառում, որ «Թրամփի ուղի» նախագիծը կարող է գործարկվել ավելի վաղ, քան Ադրբեջանի հետ խաղաղության պայմանագիր կստորագրվի։ Նա այդ մասին ասաց Ազգային ժողովում` անդրադառնալով «Ուժեղ Հայաստան» խմբակցության ղեկավար Նարեկ Կարապետյանի հարցին։
«Այո՛, կարող է այդպես լինել։ Այստեղ մենք 2 բան ենք տեսնում` նախ` խաղաղության պայմանագիրն արդեն իսկ նախաստորագրված է, ու Հայաստանը և Ադրբեջանը հրապարակավ հանձնառություն են ստանձնել, որ այս պայմանագրի ամեն տառին ու դրույթին հավատում ենք։ Այլ պատճառով Ադրբեջանն ասում է, որ առայժմ չենք ստորագրում։ Դա առանձին պատճառ է, ասում են` երբ վերանա դա, կստորագրեն, հիմա չեմ ուզում նշել դա։ Մյուս կողմից որպես իրողություն` TRIPP–ը գործարկելու համար կա պայման` խաղաղությունն է»,– ասաց Միրզոյանը։
Նա նշեց` մեկ այլ անձ կարող էր ասել, թե պետք է սկզբում խաղաղություն լինի, հետո գործարկվի TRIPP նախագիծը, բայց, չնայած դասագրքային հերթականությանը, կյանքն իր սրբագրումներն է անում։
Կարապետյանը հետաքրքրվեց` TRIPP–ը գործարկելուց հետո ո՞րն է լինելու Ադրբեջանի մոտիվացիան, որ Հայաստանի համար ապաշրջափակման հնարավորություններ ապահովի, եթե արդեն ճանապարհն ունի։ Պատգամավորը մտահոգված է, որ Ադրբեջանը TRIPP–ի գործարկումից հետո կարող է անիրագործելի պայմաններ դնել Հայաստանի առաջ, ինչպես Սահմանադրության փոփոխության դեպքում է։
Միրզոյանը ընդգծեց, որ TRIPP–ը միայն 43 կմ–ն չի լինելու, այն շարունակություն է ունենալու դեպի աջ և ձախ, հետևաբար պետք չէ միայն մի կողմով նայել հարցին։ Նախարարն ընդգծեց` երաշխիքն այն է, որ այս նախագիծը փոխշահավետ է ու պետք է և՛ ադրբեջանական, և՛ հայկական, և՛ երրորդ կողմին։
Նախարարը շեշտեց` չի կարող լինել մի իրավիճակ, որ հենց այդ ենթակառուցվածքով Ադրբեջան–Նախիջևան կամ հակառակ ուղղությամբ շարժ լինի ու Հայաստանի համար օգուտ չլինի։ Միրզոյանի կարծիքով` Ադրբեջանից Տավուշով դեպի Հայաստան և հակառակ ուղղությամբ ճանապարհն էլ կբացվի խաղաղության պայմանագրի ստորագրումից հետո։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած
համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ
ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին»
համաձայնագիրը։
ՀՀ վարչապետ Նիկոլ Փաշինյանը սեպտեմբերի 11-ին
հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
