https://arm.sputniknews.ru/20261024/turqiajum-nerdrumajin-fvonderi-hetaqnnutjan-shrjanakum-aveli-qan-110-mard-e-dzerbakalvel-108508042.html
Թուրքիայում ներդրումային ֆոնդերի հետաքննության շրջանակում ավելի քան 110 մարդ է ձերբակալվել
Թուրքիայում ներդրումային ֆոնդերի հետաքննության շրջանակում ավելի քան 110 մարդ է ձերբակալվել
Sputnik Արմենիա
Սեպտեմբերին Ստամբուլի ֆոնդային բորսայի հիմնական ֆոնդային ինդեքսը՝ BIST 100-ը, նվազեց ավելի քան 8%–ով, ինչը 2025 թվականի մարտից ի վեր ամենամեծ անկումն էր։ 24.10.2026, Sputnik Արմենիա
2026-10-24T17:25+0400
2026-10-24T17:25+0400
2026-10-24T18:17+0400
թուրքիա
բորսա
ձերբակալություն
https://cdn.am.imgsputniknews.ru/img/07e8/06/1b/77708711_0:0:1600:901_1920x0_80_0_0_1331b143a47e29d4a3b0988bf578062c.jpg
ԵՐԵՎԱՆ, 24 հոկտեմբերի – Sputnik. Թուրքիայում ներդրումային ֆոնդերի գործարքների հետաքննության շրջանակում ևս 15 մարդ է ձերբակալվել, ձերբակալվածների ընդհանուր թիվը հասել է 114-ի, նրանց թվում է «Türkiye Sigorta» ապահովագրական ընկերության և «Türkiye Hayat Emeklilik» կենսաթոշակային ընկերության նախկին գործադիր տնօրեն Թահա Չաքմաքը։ Այս մասին հայտնում է «Milliyet» թերթը։Հոկտեմբերի 22-ին այս գործի կապակցությամբ ձերբակալվել էր Թուրքիայի նախագահի նախկին խորհրդական Էրթան Այդինը։Գործը քննվում է թուրքական ֆոնդային շուկայի կտրուկ անկման ֆոնին։ Վերջին տարիներին միլիոնավոր քաղաքացիներ իրենց գումարները ներդրել էին բորսայում և տարբեր ներդրումային ֆոնդերում` սեփական խնայողությունները երկրում առկա բարձր գնաճից պաշտպանելու համար։ Այդ ֆոնդերից որոշները ցույց էին տալիս անհավանական բարձր եկամտաբերություն։ Սակայն պարզվել է, որ մի շարք ֆոնդերի կառավարիչներ կիրառել են շուկայական մանիպուլյացիաներ` գնել են ցածր իրացվելիություն ունեցող, քիչ շրջանառվող ընկերությունների բաժնետոմսեր, արհեստականորեն բարձրացրել դրանց գները, այդ թանկացած արժեթղթերի գրավով նոր վարկեր վերցրել ու նոր ներդրողներ ներգրավել։Օգոստոսի վերջին Թուրքիայի Կապիտալի շուկայի խորհուրդը (SPK) սահմանափակումներ մտցրեց նմանատիպ ցածր իրացվելիությամբ բաժնետոմսերի կուտակումների վրա։ Երբ ֆոնդերը սկսեցին վաճառել այդ բաժնետոմսերը, գները գահավիժեցին։Մեկ շաբաթում Ստամբուլի «BIST 100» բորսայի հիմնական ինդեքսը նվազեց ավելի քան 8%-ով, իսկ թուրքական բաժնետոմսերի շուկան կորցրեց տասնյակ միլիարդավոր դոլարների կապիտալ:Այս գործով ձերբակալվել են շուկայի խոշոր մասնակիցներ։ Նրանց թվում են «Pusula Holding»-ի նախագահ Սերդար Տուրհանը, «Tera Yatırım Holding»-ի նախագահ Էմրե Թեզմանը, ներդրողներ Էմրե Ալքինը և Քերեմ Ալքինը, ինչպես նաև «Tera Portföy»-ի գլխավոր տնօրեն Ալփեր Օզթյուրքը:Սեպտեմբերի 23-ին դատարանը նրանց կալանավորելու որոշում կայացրեց։Թուրքիայի ֆոնդային շուկայի ճգնաժամի ֆոնին Էրդողանը զգուշացրել է կոշտ միջոցառումների մասին
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թուրքիա, բորսա, ձերբակալություն
թուրքիա, բորսա, ձերբակալություն
Թուրքիայում ներդրումային ֆոնդերի հետաքննության շրջանակում ավելի քան 110 մարդ է ձերբակալվել
17:25 24.10.2026 (Թարմացված է: 18:17 24.10.2026) Սեպտեմբերին Ստամբուլի ֆոնդային բորսայի հիմնական ֆոնդային ինդեքսը՝ BIST 100-ը, նվազեց ավելի քան 8%–ով, ինչը 2025 թվականի մարտից ի վեր ամենամեծ անկումն էր։
ԵՐԵՎԱՆ, 24 հոկտեմբերի – Sputnik. Թուրքիայում ներդրումային ֆոնդերի գործարքների հետաքննության շրջանակում ևս 15 մարդ է ձերբակալվել, ձերբակալվածների ընդհանուր թիվը հասել է 114-ի, նրանց թվում է «Türkiye Sigorta» ապահովագրական ընկերության և «Türkiye Hayat Emeklilik» կենսաթոշակային ընկերության նախկին գործադիր տնօրեն Թահա Չաքմաքը։ Այս մասին հայտնում է «Milliyet» թերթը։
Հոկտեմբերի 22-ին այս գործի կապակցությամբ ձերբակալվել էր Թուրքիայի նախագահի նախկին խորհրդական Էրթան Այդինը։
Գործը քննվում է թուրքական ֆոնդային շուկայի կտրուկ անկման ֆոնին։ Վերջին տարիներին միլիոնավոր քաղաքացիներ իրենց գումարները ներդրել էին բորսայում և տարբեր ներդրումային ֆոնդերում` սեփական խնայողությունները երկրում առկա բարձր գնաճից պաշտպանելու համար։ Այդ ֆոնդերից որոշները ցույց էին տալիս անհավանական բարձր եկամտաբերություն։ Սակայն պարզվել է, որ մի շարք ֆոնդերի կառավարիչներ կիրառել են շուկայական մանիպուլյացիաներ` գնել են ցածր իրացվելիություն ունեցող, քիչ շրջանառվող ընկերությունների բաժնետոմսեր, արհեստականորեն բարձրացրել դրանց գները, այդ թանկացած արժեթղթերի գրավով նոր վարկեր վերցրել ու նոր ներդրողներ ներգրավել։
Օգոստոսի վերջին Թուրքիայի Կապիտալի շուկայի խորհուրդը (SPK) սահմանափակումներ մտցրեց նմանատիպ ցածր իրացվելիությամբ բաժնետոմսերի կուտակումների վրա։ Երբ ֆոնդերը սկսեցին վաճառել այդ բաժնետոմսերը, գները գահավիժեցին։
Մեկ շաբաթում Ստամբուլի «BIST 100» բորսայի հիմնական ինդեքսը նվազեց ավելի քան 8%-ով, իսկ թուրքական բաժնետոմսերի շուկան կորցրեց տասնյակ միլիարդավոր դոլարների կապիտալ:
Այս գործով ձերբակալվել են շուկայի խոշոր մասնակիցներ։ Նրանց թվում են «Pusula Holding»-ի նախագահ Սերդար Տուրհանը, «Tera Yatırım Holding»-ի նախագահ Էմրե Թեզմանը, ներդրողներ Էմրե Ալքինը և Քերեմ Ալքինը, ինչպես նաև «Tera Portföy»-ի գլխավոր տնօրեն Ալփեր Օզթյուրքը:
Սեպտեմբերի 23-ին դատարանը նրանց կալանավորելու որոշում կայացրեց։
