https://arm.sputniknews.ru/20261024/arcakhi-ishkhanutjunn-u-hajastani-ynddimadir-uzhery-hamategh-ashkhatanqajin-hartak-kdzevavvoren-108507463.html
Արցախի իշխանությունն ու Հայաստանի ընդդիմադիր ուժերը համատեղ աշխատանքային հարթակ կձևավորեն
Արցախի իշխանությունն ու Հայաստանի ընդդիմադիր ուժերը համատեղ աշխատանքային հարթակ կձևավորեն
Sputnik Արմենիա
Հարթակի նպատակն է համախմբված ջանքերով նպաստել արցախահայերի իրավունքների և շահերի պաշտպանությանը։ 24.10.2026, Sputnik Արմենիա
2026-10-24T17:56+0400
2026-10-24T17:56+0400
2026-10-24T19:15+0400
հայաստան
նժդեհ իսկանդարյան
արցախ
ընդդիմություն
https://cdn.am.imgsputniknews.ru/img/07e9/04/0f/87846050_0:0:1600:901_1920x0_80_0_0_28833c49e3f7fe949927574893c0e760.jpg
ԵՐԵՎԱՆ, 24 հոկտեմբերի – Sputnik. Արցախի իշխանություններն ու Հայաստանի հիմնական ընդդիմադիր ուժերը պայմանավորվել են համատեղ աշխատանքային հարթակ ձևավորել։ Ֆեյսբուքյան իր էջում այս մասին հայտնում է Արցախի պետնախարար Նժդեհ Իսկանդարյանը։Սեպտեմբերի 10-ին Իսկանդարյանը տեղեկացրել էր, որ Արցախի իշխանությունները քաղաքական խորհրդակցություններ են սկսկել ՀՀ խորհրդարանական և արտախորհրդարանական քաղաքական ուժերի հետ։Նա նշել է, որ առանձին հանդիպումներ են տեղի ունեցել «Ուժեղ Հայաստան» կուսակցության, «Հայաստան» խորհրդարանական խմբակցության և Հայ Յեղափոխական Դաշնակցության, Հայաստանի Հանրապետական կուսակցության, «Բարգավաճ Հայաստան» կուսակցության, ինչպես նաև «Հայաքվե» ազգային քաղաքացիական միավորման ներկայացուցիչների հետ։Ըստ Իսկանդարյանի` խորհրդակցությունների ընթացքում ընդգծվել է Արցախի պետական ինստիտուտների պահպանման և դրանց գործունեության շարունակականության ապահովման կարևորությունը: Անդրադարձ է կատարվել Մայր Հայաստանում արցախահայերի արժանապատիվ կյանքի ապահովման, միջազգայնորեն ճանաչված վերադարձի իրավունքի, Բաքվում ապօրինաբար պահվող ռազմագերիների, նյութական և ոչ նյութական մշակութային ժառանգության պահպանման վերաբերյալ հարցերին:Արցախի պետնախարարի խոսքով` մասնակից քաղաքական ուժերը վերահաստատել են իրենց պատրաստակամությունը՝ աջակցելու Արցախի ժողովրդի իրավունքների և շահերի պաշտպանությանը, ինչպես նաև Արցախի պետական ինստիտուտների պահպանմանն ու արդյունավետ գործունեությանը։Հիշեցնենք` ՀՀ վարչապետ Նիկոլ Փաշինյանն իր ելույթներում բազմիցս հայտարարել է, որ Արցախի թեման փակված է, և որ վերադարձի խոսույթը վտանգավոր է։ Նա ասել է, թե Լեռնային Ղարաբաղի մեր հայրենակիցները պետք է բնակվեն Հայաստանի Հանրապետությունում։Հայ գերիների հարցերով միջազգային դատական գործընթացներ կարող են նախաձեռնել 3-րդ երկրները
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նժդեհ իսկանդարյան, արցախ, ընդդիմություն
հայաստան, նժդեհ իսկանդարյան, արցախ, ընդդիմություն
Արցախի իշխանությունն ու Հայաստանի ընդդիմադիր ուժերը համատեղ աշխատանքային հարթակ կձևավորեն
17:56 24.10.2026 (Թարմացված է: 19:15 24.10.2026) Հարթակի նպատակն է համախմբված ջանքերով նպաստել արցախահայերի իրավունքների և շահերի պաշտպանությանը։
ԵՐԵՎԱՆ, 24 հոկտեմբերի – Sputnik. Արցախի իշխանություններն ու Հայաստանի հիմնական ընդդիմադիր ուժերը պայմանավորվել են համատեղ աշխատանքային հարթակ ձևավորել։
Ֆեյսբուքյան իր էջում այս մասին հայտնում է Արցախի պետնախարար Նժդեհ Իսկանդարյանը։
Սեպտեմբերի 10-ին Իսկանդարյանը
տեղեկացրել էր, որ Արցախի իշխանությունները քաղաքական խորհրդակցություններ են սկսկել ՀՀ խորհրդարանական և արտախորհրդարանական քաղաքական ուժերի հետ։
«Ամփոփվել են Հայաստանի քաղաքական ուժերի հետ նախաձեռնած խորհրդակցությունները։ Հանդիպումներ են անցկացվել բոլոր այն քաղաքական ուժերի ներկայացուցիչների հետ, որոնք արձագանքել են խորհրդակցություններին մասնակցելու՝ Արցախի իշխանությունների հրավերին»,– գրել է Իսկանդարյանը։
Նա նշել է, որ առանձին հանդիպումներ են տեղի ունեցել «Ուժեղ Հայաստան» կուսակցության, «Հայաստան» խորհրդարանական խմբակցության և Հայ Յեղափոխական Դաշնակցության, Հայաստանի Հանրապետական կուսակցության, «Բարգավաճ Հայաստան» կուսակցության, ինչպես նաև «Հայաքվե» ազգային քաղաքացիական միավորման ներկայացուցիչների հետ։
Ըստ Իսկանդարյանի` խորհրդակցությունների ընթացքում ընդգծվել է Արցախի պետական ինստիտուտների պահպանման և դրանց գործունեության շարունակականության ապահովման կարևորությունը: Անդրադարձ է կատարվել Մայր Հայաստանում արցախահայերի արժանապատիվ կյանքի ապահովման, միջազգայնորեն ճանաչված վերադարձի իրավունքի, Բաքվում ապօրինաբար պահվող ռազմագերիների, նյութական և ոչ նյութական մշակութային ժառանգության պահպանման վերաբերյալ հարցերին:
Արցախի պետնախարարի խոսքով` մասնակից քաղաքական ուժերը վերահաստատել են իրենց պատրաստակամությունը՝ աջակցելու Արցախի ժողովրդի իրավունքների և շահերի պաշտպանությանը, ինչպես նաև Արցախի պետական ինստիտուտների պահպանմանն ու արդյունավետ գործունեությանը։
«Ձեռք բերված պայմանավորվածությունների համաձայն՝ առաջիկայում կձևավորվի համատեղ աշխատանքային հարթակ՝ վերոնշյալ բոլոր քաղաքական ուժերի ներկայացուցիչների մասնակցությամբ։ Հարթակի նպատակն է համախմբված ջանքերով նպաստել արցախահայերի իրավունքների և շահերի պաշտպանությանը»,– եզրափակել է Իսկանդարյանը:
Հիշեցնենք` ՀՀ վարչապետ Նիկոլ Փաշինյանն իր ելույթներում բազմիցս հայտարարել է, որ Արցախի թեման փակված է, և որ վերադարձի խոսույթը վտանգավոր է։ Նա ասել է, թե Լեռնային Ղարաբաղի մեր հայրենակիցները պետք է բնակվեն Հայաստանի Հանրապետությունում։
