https://arm.sputniknews.ru/20261021/tripp-i-shrjanakum-karucvvogh-erkatughin-kangarner-e-unenalu-mirzvojan-108371519.html

TRIPP-ի շրջանակում կառուցվող երկաթուղին կանգառներ է ունենալու․ Միրզոյան

TRIPP-ի շրջանակում կառուցվող երկաթուղին կանգառներ է ունենալու․ Միրզոյան

Sputnik Արմենիա

ՀՀ արտաքին քաղաքական գերատեսչության ղեկավարը չի բացառում, որ ապագայում երկաթուղից օգտվող քաղաքացին կարող է կանգառում իջնել, սուրճ խմել։ 21.10.2026, Sputnik Արմենիա

2026-10-21T12:21+0400

2026-10-21T12:21+0400

2026-10-21T12:23+0400

թրամփի ուղի (tripp)

արարատ միրզոյան

երկաթուղի

հայաստան

ադրբեջան

https://cdn.am.imgsputniknews.ru/img/07ea/0a/15/108365484_0:83:1600:983_1920x0_80_0_0_2e31ca321d270510049a392de2888fb0.jpg

ԵՐԵՎԱՆ, 21 հոկտեմբերի – Sputnik․ TRIPP-ի շրջանակում կառուցվելիք երկաթուղին կանգառներ ունենալու է։ Այսօր ԱԺ-ում Արտաքին հարաբերությունների մշտական հանձնաժողովի նիստում հայտնեց ՀՀ արտաքին գործերի և միջազգային առևտրի նախարար Արարատ Միրզոյանը։Նշենք, որ այսօր ԱԺ-ում մեկնարկել է «ՀՀ և ԱՄՆ միջև Թրամփի ուղի հանուն միջազգային խաղաղության և բարգավաճման վերաբերյալ ռազմավարական համագործակցության» շրջանակային համաձայնագիրը վավերացնելու գործընթացը։ Հանձնաժողովում համաձայնագիրը ներկայացնում է նախարար Միրզոյանը։Ինչ վերաբերում է այն հարցին, թե որն է երաշխիքը, որը TRIPP-ի համաձայնագրի վավերացումից հետո Ադրբեջանը կստորագրի խաղաղության պայմանագիրը, Միրզոյանը նշեց՝ երաշխիքը փոխադարձ շահն է, քանի որ ստեղծվող հնարավորություններից, բացվող ենթակառուցվածքներից օգտվելու և օգուտներ է քաղելու նաև Ադրբեջանը։ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։2026 թվականի հունվարի 14-ին հրապարակվեց«Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։TRIPP-ի շրջանակում որտեղով են անցնելու գազամուղն ու նավթամուղը․ Միրզոյանի մեկնաբանությունը

ադրբեջան

2026

Լուրեր

am_HY

թրամփի ուղի (tripp), արարատ միրզոյան, երկաթուղի, հայաստան, ադրբեջան