«Ուժեղ Հայաստանի» պատգամավորը դիմել է Փաշինյանին. հայտնի է պատճառը
09:43 20.10.2026 (Թարմացված է: 09:46 20.10.2026)
Նիկոլ Փաշինյանը. Արխիվային լուսանկար
© Sputnik
Բաժանորդագրվել
Մինչ այս, Փաշինյանը հայտարարել էր, որ ընտրությունների ֆոնին որևէ մեկի նկատմամբ ճնշում գործադրած ցանկացած պաշտոնյա հրապարակային կպատժվի:
ԵՐԵՎԱՆ, 20 հոկտեմբերի - Sputnik. ՏԻՄ ընտրություններից առաջ ցանկացած ճնշման վերաբերյալ ազդարարելու մասին ՀՀ վարչապետ Նիկոլ Փաշինյանի կոչին արձագանքել է ընդամենը 3 մարդ: Այս մասին Փաշինյանը հայտնել է սոցցանցում ուղիղ եթերի ժամանակ:
Նշենք, որ հոկտեմբերի 19-ին Փաշինյանը գրառում էր արել, որտեղ ՏԻՄ ընտրությունների մասնակից բոլոր այն թեկնածուներին կամ ընտրողներին, ովքեր ասում են, որ ենթարկվել են ապօրինի ճնշումների, կոչ էր արել ուղիղ դիմել իրեն՝ nikolpashinyan@gmail.com էլ. փոստի հասցեով: Նա նաև շեշտել էր, որ նման գործողություն իրականացրած ցանկացած պաշտոնյա հրապարակային կպատժվի:
Նշենք, որ հոկտեմբերի 19-ին Փաշինյանը գրառում էր արել, որտեղ ՏԻՄ ընտրությունների մասնակից բոլոր այն թեկնածուներին կամ ընտրողներին, ովքեր ասում են, որ ենթարկվել են ապօրինի ճնշումների, կոչ էր արել ուղիղ դիմել իրեն՝ nikolpashinyan@gmail.com էլ. փոստի հասցեով: Նա նաև շեշտել էր, որ նման գործողություն իրականացրած ցանկացած պաշտոնյա հրապարակային կպատժվի:
Հատկանշական է, որ նրանցից մեկը «Ուժեղ Հայաստան» խմբակցության պատգամավորն է, ով ճնշումների մասին հաղորդագրությամբ լինք է ուղարկել։ Վարչապետը հաղորդագրությունը վերահասցեագրել է տեսչական մարմին՝ ստուգման:
«Տեսչական մարմնին հանձնարարել եմ, որ շտապ ստուգեն, որովհետև խոսքը քաղաքական դրդապատճառներով աշխատանքից ազատելու մասին է: Մյուսն էլ տեսանյութ էր, որտեղ մի երեխա ելույթ էր ունենում, չէր կարդում, անգիր չէր ասում, ուղղակի ելույթ էր ունենում: Դա էլ Հակակոռուպցիոն կոմիտե եմ ուղարկել: Մյուս նամակում էլ հեղինակն ասում էր, որ աջակցում է իմ վարած քաղաքականությանը, բայց իրենց համայնքում սխալ թեկնածու է առաջադրվել»,- ասում է Փաշինյանը:
Նա խնդիր է համարում, որ ՀՀ-ում կարող է որևէ մեկն ասել, թե վախի մթնոլորտ կա: Պնդում է՝ ոչ ոք չպետք է վախենա, բայց մյուս կողմից էլ իր իրավունքների համար հետևողական պետք է լինի ու պաշտպանի դրանք: Նա վստահեցնում է, թե այդ քաղաքացիներին իրենք պաշտպանել են, պաշտպանում են ու կպաշտպանեն:
Փաշինյանը չի բացառում, որ որևէ գյուղապետ, համայնքապետ, ոստիկան կամ վարչական շրջանի ղեկավար կարող է ինչ-որ քաղաքացու վրա ճնշում գործադրել, քանի որ ինքը չի կարող այդ ամենի մասին իմանալ:
