https://arm.sputniknews.ru/20261020/kyhn-kvoch-e-anum-yntrakan-hamakargi-hascein-meghadranqner-chhnchecnel-108337453.html
ԿԸՀ–ն կոչ է անում ընտրական համակարգի հասցեին մեղադրանքներ չհնչեցնել
ԿԸՀ–ն կոչ է անում ընտրական համակարգի հասցեին մեղադրանքներ չհնչեցնել
Sputnik Արմենիա
Հանձնաժողովը պնդում է, թե օպերատիվ արձագանքում է տեղի ունեցող գործընթացներին՝ ոչ բոլոր դեպքերում հանրայնացնելով դա։ 20.10.2026, Sputnik Արմենիա
2026-10-20T16:32+0400
2026-10-20T16:32+0400
2026-10-20T17:10+0400
հայաստան
կենտրոնական ընտրական հանձնաժողով (կըհ)
ընտրություններ
https://cdn.am.imgsputniknews.ru/img/07e7/09/11/65953695_0:219:1600:1119_1920x0_80_0_0_21fe1cf0e2c981e0c1f6f62bc5317ef4.jpg
ԵՐԵՎԱՆ, 20 հոկտեմբերի – Sputnik․ Հայաստանի կենտրոնական ընտրական հանձնաժողովը կոչ է անում զերծ մնալ ընտրական համակարգի հասցեին մեղադրանքներ հնչեցնելուց, որոնք կարող են խաթարել հանրային վստահությունը ընտրական գործընթացի նկատմամբ և վնաս հասցնել ժողովրդավարությանը։ Այս մասին նշված է հանձնաժողովի տարածած հաղորդագրության մեջ։Նշենք, որ երեկ ՀՀ վարչապետ Նիկոլ Փաշինյանը հայտարարություն տարածեց՝ կոչ անելով ՏԻՄ ընտրությունների գործընթացից բողոքներ ունենալու դեպքում, հնարավոր ընտրախախտումների, ճնշումների վերաբերյալ ահազանգել անմիջապես իրեն։ Ավելին` Փաշինյանը կոչ արեց ճնշումների ենթարկվող բոլոր քաղաքացիներին կազմակերպել բողոքի ակցիաներ։ Միաժամանակ սոցցանցերում հանրային, քաղաքական տարբեր գործիչներ ահազանգում են ՔՊ-ականների կողմից գործադրվող ճնշումների մասին։ ԿԸՀ-ն պնդում է, թե հետևում է ընտրական գործընթացներին և իր լիազորությունների շրջանակում օպերատիվ արձագանքում առաջացած խնդիրներին, առերևույթ իրավախախտումների հատկանիշներ պարունակող դեպքերում նյութերն ուղարկում է իրավապահ մարմիններին և այլն։Հանձնաժողովը ընտրական գործընթացի բոլոր մասնակիցներին կոչ է անում դրսևորել պատասխանատվություն և հրապարակային հայտարարություններում հիմնվել ստուգված փաստերի վրա։Հիշեցնենք, որ այս կիրակի՝ հոկտեմբերի 25-ին, ՏԻՄ ընտրություններ են նախատեսված Սյունիքի Գորիս համայնքում, Գեղարքունիքի մարզկենտրոն Գավառում, Լոռու Ստեփանավան համայնքում, նոյեմբերի 29–ին՝ Սպիտակում, իսկ Աբովյանում՝ դեկտեմբերի 13–ին։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կենտրոնական ընտրական հանձնաժողով (կըհ), ընտրություններ
հայաստան, կենտրոնական ընտրական հանձնաժողով (կըհ), ընտրություններ
ԿԸՀ–ն կոչ է անում ընտրական համակարգի հասցեին մեղադրանքներ չհնչեցնել
16:32 20.10.2026 (Թարմացված է: 17:10 20.10.2026) Հանձնաժողովը պնդում է, թե օպերատիվ արձագանքում է տեղի ունեցող գործընթացներին՝ ոչ բոլոր դեպքերում հանրայնացնելով դա։
ԵՐԵՎԱՆ, 20 հոկտեմբերի – Sputnik․ Հայաստանի կենտրոնական ընտրական հանձնաժողովը կոչ է անում զերծ մնալ ընտրական համակարգի հասցեին մեղադրանքներ հնչեցնելուց, որոնք կարող են խաթարել հանրային վստահությունը ընտրական գործընթացի նկատմամբ և վնաս հասցնել ժողովրդավարությանը։ Այս մասին նշված է հանձնաժողովի տարածած
հաղորդագրության մեջ։
Նշենք, որ երեկ ՀՀ վարչապետ Նիկոլ Փաշինյանը հայտարարություն տարածեց՝ կոչ անելով ՏԻՄ ընտրությունների գործընթացից բողոքներ ունենալու դեպքում, հնարավոր ընտրախախտումների, ճնշումների վերաբերյալ ահազանգել անմիջապես իրեն։ Ավելին` Փաշինյանը կոչ արեց ճնշումների ենթարկվող բոլոր քաղաքացիներին կազմակերպել բողոքի ակցիաներ։ Միաժամանակ սոցցանցերում հանրային, քաղաքական տարբեր գործիչներ ահազանգում են ՔՊ-ականների կողմից գործադրվող ճնշումների մասին։
ԿԸՀ-ն պնդում է, թե հետևում է ընտրական գործընթացներին և իր լիազորությունների շրջանակում օպերատիվ արձագանքում առաջացած խնդիրներին, առերևույթ իրավախախտումների հատկանիշներ պարունակող դեպքերում նյութերն ուղարկում է իրավապահ մարմիններին և այլն։
«Կենտրոնական ընտրական հանձնաժողովի կողմից աշխատանքային կարգով իրականացվող ոչ բոլոր գործողությունները և ձեռնարկվող միջոցառումներն են հրապարակայնացվում։ Որոշ դեպքերում դրանց հրապարակայնացումը կարող է վնասել ընտրական գործընթացի մասնակիցների իրավունքներն ու օրինական շահերը»,- նշված է հաղորդագրության մեջ։
Հանձնաժողովը ընտրական գործընթացի բոլոր մասնակիցներին կոչ է անում դրսևորել պատասխանատվություն և հրապարակային հայտարարություններում հիմնվել ստուգված փաստերի վրա։
Հիշեցնենք, որ այս կիրակի՝ հոկտեմբերի 25-ին, ՏԻՄ ընտրություններ են նախատեսված Սյունիքի Գորիս համայնքում, Գեղարքունիքի մարզկենտրոն Գավառում, Լոռու Ստեփանավան համայնքում, նոյեմբերի 29–ին՝ Սպիտակում, իսկ Աբովյանում՝ դեկտեմբերի 13–ին։
