https://arm.sputniknews.ru/20261020/hamajnqapetarani-pashtvonjan-qp-in-qvearkelu-dimac-njutakan-ogutner-e-khvostacel-3-andzi-108340710.html

Հրազդանում պաշտոնյան ՔՊ–ի օգտին քվեարկելու դիմաց նյութական օգուտներ է խոստացել 3 անձի

Հրազդանում պաշտոնյան ՔՊ–ի օգտին քվեարկելու դիմաց նյութական օգուտներ է խոստացել 3 անձի

Sputnik Արմենիա

Ընտրակաշառքի, պաշտոնեական կեղծիքի մեջ մեղադրվող պաշտոնյայի նկատմամբ տնային կալանք է կիրառվել։ 20.10.2026, Sputnik Արմենիա

2026-10-20T18:03+0400

2026-10-20T18:03+0400

2026-10-20T18:10+0400

հայաստան

հակակոռուպցիոն կոմիտե

«քաղաքացիական պայմանագիր» կուսակցություն (քպ)

https://cdn.am.imgsputniknews.ru/img/07e9/05/1c/89471336_0:1:1200:676_1920x0_80_0_0_fa8679df934ae685c4efde6bb214f524.jpg

ԵՐԵՎԱՆ, 20 հոկտեմբերի – Sputnik․ Հրազդանի համայնքապետարանի պաշտոնատար անձն ԱԺ ընտրություններում ՔՊ-ի օգտին քվեարկելու դիմաց նյութական օգուտներ է խոստացել 3 քաղաքացու։ Այս մասին հայտնում է ՀՀ հակակոռուպցիոն կոմիտեն։Նույն անձը նաև երկու քաղաքացիների տրամադրել է գյուղատնտեսական մշակաբույսեր աճեցնելու վերաբերյալ կեղծ տեղեկանքներ՝ կրկին լրացուցիչ սուբսիդավորմամբ գյուղատնտեսական վարկեր ձևակերպելու համար՝ այդկերպ օժանդակելով պետությունից խարդախության եղանակով հափշտակությանը։Համայնքապետարանի պաշտոնատար անձի նկատմամբ քրեական հետապնդում է հարուցվել ՀՀ քրեական օրենսգրքի 219-րդ հոդվածի (ընտրակաշառք տալը) 1-ին մասով (երեք դրվագով), 445-րդ հոդվածի (պաշտոնեական կեղծիքը) 1-ին մասով (երեք դրվագով) և 46-255-րդ հոդվածի (խարդախության հանցակցելը) 1-ին մասով (երկու դրվագով): Նրա նկատմամբ կալանքը որպես խափանման միջոց կիրառելու միջնորդություն է ներկայացվել, որը մասնակի բավարարվել է։Պաշտոնյայի նկատմամբ խափանման միջոց է կիրառվել տնային կալանքը։Քրեական գործը 2026 թվականի հոկտեմբերի 2-ին հանձնվել է ՀՀ հակակոռուպցիոն դատարան։Հիշեցնենք, որ ՀՀ վարչապետ Նիկոլ Փաշինյանը երեկվանից հորդորում է հայտնել ընտրախախտումների, ընտրական ճնշումների մասին՝ նշելով` եթե նման վարքագիծ է դրսևորում ՔՊ թեկնածուն, ապա հորդորում է քվեարկել նրա դեմ։

2026

Լուրեր

am_HY

հայաստան, հակակոռուպցիոն կոմիտե, «քաղաքացիական պայմանագիր» կուսակցություն (քպ)