https://arm.sputniknews.ru/20261017/levonardvo-di-kaprivon-voghjunel-e-hajastani-ev-kvolumbiaji-nakhadzernutjuny-108245668.html
Լեոնարդո Դի Կապրիոն ողջունել է Հայաստանի և Կոլումբիայի նախաձեռնությունը
Լեոնարդո Դի Կապրիոն ողջունել է Հայաստանի և Կոլումբիայի նախաձեռնությունը
Sputnik Արմենիա
17 երկիր միացել են Անհետացող կենդանիների և բույսերի տեսակների վերականգնման գործողությունների նոր կոալիցիային։ 17.10.2026, Sputnik Արմենիա
2026-10-17T14:01+0400
2026-10-17T14:01+0400
2026-10-17T14:33+0400
հայաստան
կոլումբիա
լեոնարդո դի կապրիո
https://cdn.am.imgsputniknews.ru/img/1872/11/18721171_0:140:1600:1040_1920x0_80_0_0_e77fd3d1e11331c4a4d72237b1751952.jpg
ԵՐԵՎԱՆ, 17 հոկտեմբերի – Sputnik. Հոլիվուդյան դերասան և բնապահպանական ակտիվիստ Լեոնարդո Դի Կապրիոն ողջունել է Վտանգված տեսակների վերականգնման գործողությունների կոալիցիայի ստեղծումը, որի նախաձեռնողներն են Հայաստանը և Կոլումբիան: Այս մասին նա գրել է «Ինստագրամի» իր էջում՝ մեկնաբանելով COP17 համաժողովի շրջանակում հայտարարված որոշումները:Նա նշել է, որ 17 երկիր՝ Հայաստանի և Կոլումբիայի գլխավորությամբ, միացել են Անհետացող տեսակների վերականգնման գործողությունների նոր կոալիցիային (Coalition of Action to Recover Endangered Species, CARES): Նախաձեռնության մասնակիցները հանձնառություն են ստանձնել արագացնել ջանքերը անհետացումները կանխելու և պոպուլյացիաների վերականգնման գործում արդյունքների հասնելու ուղղությամբ:Դի Կապրիոն նաև հայտնել է, որ 9 բարեգործական հիմնադրամներ և կազմակերպություններ, ներառյալ նրա Re:wild բնապահպանական կազմակերպությունը, ձևավորել են Տեսակների վերականգնման ալյանս (Species Recovery Alliance):Ալյանսի մասնակիցները համատեղ պարտավորվել են հինգ տարվա ընթացքում հատկացնել և համաձայնեցնել ավելի քան 500 միլիոն դոլարի ֆինանսավորում ամբողջ աշխարհում այն տեսակների վերականգնման համար, որոնք դասվում են «վայրի բնության մեջ անհետացած», «կրիտիկական վիճակում գտնվող» (լիակատար անհետացման եզրին գտնվող) և «անհետացման սպառնալիքի տակ գտնվող» կատեգորիաներին:«Այս երկու առանձին նախաձեռնություններին միավորում է ընդհանուր նպատակը՝ օգնել աշխարհում առավել խոցելի տեսակների վերականգնմանը: Դրա համար անհրաժեշտ են կայուն ներդրումներ, համակարգված բնապահպանական գործողություններ և երկարաժամկետ նվիրվածություն», – ընդգծել է դերասանը:Դի Կապրիոն շնորհավորել է նոր նախաձեռնությունների հիմնադիր հանդիսացող կառավարություններին և կազմակերպություններին:Հիշեցնենք` Հայաստանը հյուրընկալում է ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովը (COP17), որն անցկացվում է Երևանում հոկտեմբերի 19–30-ը: Հոկտեմբերի 15–16-ը Երևանում տեղի է ունեցել Կենսաբազմազանության հարցերով Առաջնորդների գագաթնաժողով՝ պետությունների և միջազգային կազմակերպությունների բարձրաստիճան ներկայացուցիչների մասնակցությամբ:
կոլումբիա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կոլումբիա, լեոնարդո դի կապրիո
հայաստան, կոլումբիա, լեոնարդո դի կապրիո
Լեոնարդո Դի Կապրիոն ողջունել է Հայաստանի և Կոլումբիայի նախաձեռնությունը
14:01 17.10.2026 (Թարմացված է: 14:33 17.10.2026) 17 երկիր միացել են Անհետացող կենդանիների և բույսերի տեսակների վերականգնման գործողությունների նոր կոալիցիային։
ԵՐԵՎԱՆ, 17 հոկտեմբերի – Sputnik. Հոլիվուդյան դերասան և բնապահպանական ակտիվիստ Լեոնարդո Դի Կապրիոն ողջունել է Վտանգված տեսակների վերականգնման գործողությունների կոալիցիայի ստեղծումը, որի նախաձեռնողներն են Հայաստանը և Կոլումբիան: Այս մասին նա գրել է
«Ինստագրամի» իր էջում՝ մեկնաբանելով COP17 համաժողովի շրջանակում հայտարարված որոշումները:
«Անհետացման կանխումն այլևս բավարար չէ: Մենք պետք է անհետացման եզրին գտնվող տեսակները փրկենք կործանումից և վերականգնենք դրանց պոպուլյացիաները: ՄԱԿ-ի Կենսաբազմազանության համաժողովում (COP17) հնչած հայտարարությունները վկայում են այս ուղղությամբ գործելու գլոբալ պատրաստակամության մասին», — գրել է Դի Կապրիոն:
Նա նշել է, որ 17 երկիր՝ Հայաստանի և Կոլումբիայի գլխավորությամբ, միացել են Անհետացող տեսակների վերականգնման գործողությունների նոր կոալիցիային (Coalition of Action to Recover Endangered Species, CARES): Նախաձեռնության մասնակիցները հանձնառություն են ստանձնել արագացնել ջանքերը անհետացումները կանխելու և պոպուլյացիաների վերականգնման գործում արդյունքների հասնելու ուղղությամբ:
Դի Կապրիոն նաև հայտնել է, որ 9 բարեգործական հիմնադրամներ և կազմակերպություններ, ներառյալ նրա Re:wild բնապահպանական կազմակերպությունը, ձևավորել են Տեսակների վերականգնման ալյանս (Species Recovery Alliance):
Ալյանսի մասնակիցները համատեղ պարտավորվել են հինգ տարվա ընթացքում հատկացնել և համաձայնեցնել ավելի քան 500 միլիոն դոլարի ֆինանսավորում ամբողջ աշխարհում այն տեսակների վերականգնման համար, որոնք դասվում են «վայրի բնության մեջ անհետացած», «կրիտիկական վիճակում գտնվող» (լիակատար անհետացման եզրին գտնվող) և «անհետացման սպառնալիքի տակ գտնվող» կատեգորիաներին:
«Այս երկու առանձին նախաձեռնություններին միավորում է ընդհանուր նպատակը՝ օգնել աշխարհում առավել խոցելի տեսակների վերականգնմանը: Դրա համար անհրաժեշտ են կայուն ներդրումներ, համակարգված բնապահպանական գործողություններ և երկարաժամկետ նվիրվածություն», – ընդգծել է դերասանը:
Դի Կապրիոն շնորհավորել է նոր նախաձեռնությունների հիմնադիր հանդիսացող կառավարություններին և կազմակերպություններին:
Հիշեցնենք` Հայաստանը հյուրընկալում է ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովը (COP17), որն անցկացվում է Երևանում հոկտեմբերի 19–30-ը: Հոկտեմբերի 15–16-ը Երևանում տեղի է ունեցել Կենսաբազմազանության հարցերով Առաջնորդների գագաթնաժողով՝ պետությունների և միջազգային կազմակերպությունների բարձրաստիճան ներկայացուցիչների մասնակցությամբ:
