Հայ գերիներին այցելելու հարցով ԱԳՆ-ն երրորդ երկրներից արձագանք չի ստացել․ Միրզոյան
11:10 16.10.2026 (Թարմացված է: 12:42 16.10.2026)
Բաժանորդագրվել
Հայ-թուրքական հարաբերությունները, ՀՀ ԱԳՄԱ նախարարի գնահատմամբ, այս փուլում բավականին զարգացած են։
Բաքվում պահվող հայ գերիներին այցելելու մասով Հայաստանի արտաքին քաղաքական գերատեսչությունը շուրջ մեկ տարի առաջ դիմել է երրորդ երկրներին, սակայն արձագանք դեռ չկա։ «Մերիդիան» էքսպո կենտրոնում COP17-ի առաջնորդների գագաթնաժողովի շրջանակում լրագրողների հետ ճեպազրույցում ասաց ՀՀ արտաքին գործերի և միջազգային առևտրի նախարար Արարատ Միրզոյանը։
«Այդ երկրները փորձել են կամ չեն փորձել ստանալ այդ հնարավորությունը Ադրբեջանում, դրական արձագանք մեզ երրորդ երկրները չեն տվել»,- նշեց Միրզոյանը։
Նա անդրադարձավ նաև հայ-թուրքական հարաբերություններին և այն հարցին՝ արդյոք կսպասի՞ Թուրքիան խաղաղության պայմանագրի ստորագրմանը, թե մինչ այդ կբացի սահմանը։ ՀՀ ԱԳՄԱ նախարարը նշեց՝ թեպետ չի կարող այդ հարցին պատասխանել, սակայն գործընթացը բավականին ինտենսիվ է զարգանում։ Նա առաջարկեց հետ հայացք գցել, թե ինչ անվստահությունից են սկսել հայ-թուրքական հարաբերություններն ու այսօր ինչքան հարցերում համագործակցություն կա։
«Մեր երկխոսությունն ու հարաբերությունների կարգավորումը բավականին հասունացած է, և ամեն հաջորդ պահին կարող ենք գալ որոշման՝ բացել Հայաստան-Թուրքիա սահմանը երկկողմ շարժի՝ և՛ ուղևորափոխադրումնեի, և՛ բեռնափոխադրումների համար»,- նշեց ՀՀ ԱԳՄԱ նախարար Միրզոյանը։
Հիշեցնենք` պաշտոնական տվյալներով` Ադրբեջանում 19 հայ գերի կա։ Արցախի նախկին ռազմաքաղաքական առաջնորդների գործով «դատավարությունը», որը Բաքվում սկսվել էր 2025 թվականի հունվարին, ավարտվեց այս տարվա փետրվարի 5–ին, և հրապարակվեցին դատավճիռները` ցմահ ազատազրկման դատապարտվեցին Արցախի Հանրապետության նախկին նախագահ Արայիկ Հարությունյանը, ԱԺ նախկին նախագահ Դավիթ Իշխանյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը։ Արցախի նախկին նախագահներ Արկադի Ղուկասյանն ու Բակո Սահակյանը դատապարտվեցին 20 տարվա ազատազրկման։
Քաղաքացիական գերիներ Մադաթ Բաբայանը և Մելքիսեթ Փաշայանը դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։
Արցախի նախկին պետնախարար Ռուբեն Վարդանյանի «գործը» քննվում էր առանձնացված վարույթով։ Փետրվարի 17-ին հայտնի դարձավ, որ Բաքվի դատարանը Ռուբեն Վարդանյանին 20 տարվա ազատազրկման է դատապարտել: Ապրիլի 28-ին հայտնի դարձավ, որ նրան այլ հայ գերիների հետ տեղափոխել են Բաքվի Ղարադաղի շրջանի Ումբակի բանտային համալիր:
Քաղաքացիական գերիներ Մադաթ Բաբայանը և Մելքիսեթ Փաշայանը դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։
Արցախի նախկին պետնախարար Ռուբեն Վարդանյանի «գործը» քննվում էր առանձնացված վարույթով։ Փետրվարի 17-ին հայտնի դարձավ, որ Բաքվի դատարանը Ռուբեն Վարդանյանին 20 տարվա ազատազրկման է դատապարտել: Ապրիլի 28-ին հայտնի դարձավ, որ նրան այլ հայ գերիների հետ տեղափոխել են Բաքվի Ղարադաղի շրջանի Ումբակի բանտային համալիր:
