https://arm.sputniknews.ru/20261013/pashinjani-gvortsvoghutjunnerum-nkateli-e-em-harcum-hetqajl-anelu-pvordz-sargsjan-108062270.html
Փաշինյանի գործողություններում նկատելի է ԵՄ հարցում հետքայլ անելու փորձ․ Սարգսյան
Փաշինյանի գործողություններում նկատելի է ԵՄ հարցում հետքայլ անելու փորձ․ Սարգսյան
Sputnik Արմենիա
Քաղաքական գործիչը նշել է որ այժմ հայ հասարակությունը բաժանված է երկու մասի։ 13.10.2026, Sputnik Արմենիա
2026-10-13T16:35+0400
2026-10-13T16:35+0400
2026-10-13T16:35+0400
արամ սարգսյան
եվրասիական տնտեսական միություն (եատմ)
հայաստան և եատմ
եվրամիություն
https://cdn.am.imgsputniknews.ru/img/07ea/0a/0d/108048314_0:84:1600:984_1920x0_80_0_0_247635c1e46abda85d2dd5a9be1a8feb.jpg
ԵՐԵՎԱՆ, 13 հոկտեմբերի – Sputnik. Հայաստանի վարչապետ Նիկոլ Փաշինյանը, ըստ ամենայնի, վերանայում է ԵՄ-ի հետ ինտեգրման հարցում իր որոշ դիրքորոշումներ, նաև նկատելի է հետքայլ անելու փորձ։ Նման կարծիք արտահայտել է Հայաստանի դեմոկրատական կուսակցության առաջնորդ, «Միասին» շարժման համակարգող Արամ Սարգսյանը:Քաղաքական գործչի խոսքով՝ եթե նախկինում Փաշինյանը խոսում էր այլընտրանք ստեղծելու մասին, ապա հիմա ասում է, որ ԵՄ-ի հետ ինտեգրման գործընթացը կախված է այն բանից՝ Եվրամիությունը կընդունի Հայաստանը, թե ոչ, հայ ժողովուրդը դրան կողմ կքվեարկի, թե դեմ: «Սա արդեն, այսպես ասած, հետքայլի փորձ է, քանի որ այն ժամանակ Հայաստանի խորհրդարանի կողմից օրենք ընդունելու կարիք չկար, որը սահմանում է, որ մենք շարժվում ենք դեպի Եվրամիություն», - հայտարարել է Սարգսյանը:Նրա խոսքով՝ ներկայում հայ հասարակությունը բաժանված է երկու մասի։ «Մի մասն ընկել է ղեկավարության արկածախնդիր մտահղացումների ազդեցության տակ, որ պետք է հիմա դիվերսիֆիկացնել մեր արտաքին առևտուրը և ընդհանրապես արտաքին քաղաքականությունը, և, բնականաբար, այդ առումով կարելի է գնալ Եվրամիություն, որը մեզ չի սպասում, մեզ նույնիսկ չի հրավիրել։ Ես պատահական չեմ օգտագործել այդ «արկածախնդրություն» ձևակերպումը», - հայտարարել է Սարգսյանը։Նրա խոսքով՝ գոյություն ունի ինքնաբավություն հասկացությունը, և եթե երկիրը հնարավորություն ունենար 75 տոկոսով ապահովել իրեն անհրաժեշտ ամեն ինչով, ապա հավանական է, որ կարելի էր մտածել այնպիսի դիվերսիֆիկացիայի մասին, որի մասին հիմա հայտարարում են իշխանությունները:Եվրասիական տնտեսական միությունից Հայաստանի տեսականորեն դուրս գալու շուրջ քննարկումները սկսվեցին այն բանից հետո, երբ 2025 թվականի մարտի 26-ին երկրի խորհրդարանն ընդունեց Եվրամիությանն անդամակցելու մտադրության մասին օրինագիծը: Ընդ որում, ԵՄ-ն անդամակցության առաջարկ չի ներկայացրել, իսկ ընդդիմությունը փաստաթուղթը իրավաբանորեն անհեթեթ է անվանել։Վարչապետ Նիկոլ Փաշինյանը պարզաբանել է, որ ԵՄ-ին անդամակցելու որոշումը չի կարող ընդունվել առանց հանրաքվեի, միևնույն ժամանակ խոստովանել է, որ երկիրը ԵՄ կազմում տեսնում է 20 տարի անց:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արամ սարգսյան, եվրասիական տնտեսական միություն (եատմ), հայաստան և եատմ, եվրամիություն
արամ սարգսյան, եվրասիական տնտեսական միություն (եատմ), հայաստան և եատմ, եվրամիություն
Փաշինյանի գործողություններում նկատելի է ԵՄ հարցում հետքայլ անելու փորձ․ Սարգսյան
Քաղաքական գործիչը նշել է որ այժմ հայ հասարակությունը բաժանված է երկու մասի։
ԵՐԵՎԱՆ, 13 հոկտեմբերի – Sputnik. Հայաստանի վարչապետ Նիկոլ Փաշինյանը, ըստ ամենայնի, վերանայում է ԵՄ-ի հետ ինտեգրման հարցում իր որոշ դիրքորոշումներ, նաև նկատելի է հետքայլ անելու փորձ։ Նման կարծիք արտահայտել է Հայաստանի դեմոկրատական կուսակցության առաջնորդ, «Միասին» շարժման համակարգող Արամ Սարգսյանը:
«Հիմա նկատվում են շատ կարևոր նրբություններ։ Ըստ ամենայնի՝ Նիկոլ Փաշինյանը վերանայում է իր որոշ դիրքորոշումները՝ ելնելով այն իրողությունից, որը ձևավորվել է Հայաստանի շուրջ և ընդհանրապես աշխարհում», - Sputnik Արմենիա մամուլի կենտրոնում «ԵԱՏՄ-ն փոփոխվող աշխարհում. ինտեգրման հեռանկարներ և նոր տնտեսական մարտահրավերներ» թեմայով տեսակամուրջի ժամանակ հայտարարել է Սարգսյանը։
Քաղաքական գործչի խոսքով՝ եթե նախկինում Փաշինյանը խոսում էր այլընտրանք ստեղծելու մասին, ապա հիմա ասում է, որ ԵՄ-ի հետ ինտեգրման գործընթացը կախված է այն բանից՝ Եվրամիությունը կընդունի Հայաստանը, թե ոչ, հայ ժողովուրդը դրան կողմ կքվեարկի, թե դեմ: «Սա արդեն, այսպես ասած, հետքայլի փորձ է, քանի որ այն ժամանակ Հայաստանի խորհրդարանի կողմից օրենք ընդունելու կարիք չկար, որը սահմանում է, որ մենք շարժվում ենք դեպի Եվրամիություն», - հայտարարել է Սարգսյանը:
Նրա խոսքով՝ ներկայում հայ հասարակությունը բաժանված է երկու մասի։ «Մի մասն ընկել է ղեկավարության արկածախնդիր մտահղացումների ազդեցության տակ, որ պետք է հիմա դիվերսիֆիկացնել մեր արտաքին առևտուրը և ընդհանրապես արտաքին քաղաքականությունը, և, բնականաբար, այդ առումով կարելի է գնալ Եվրամիություն, որը մեզ չի սպասում, մեզ նույնիսկ չի հրավիրել։ Ես պատահական չեմ օգտագործել այդ «արկածախնդրություն» ձևակերպումը», - հայտարարել է Սարգսյանը։
Նրա խոսքով՝ գոյություն ունի ինքնաբավություն հասկացությունը, և եթե երկիրը հնարավորություն ունենար 75 տոկոսով ապահովել իրեն անհրաժեշտ ամեն ինչով, ապա հավանական է, որ կարելի էր մտածել այնպիսի դիվերսիֆիկացիայի մասին, որի մասին հիմա հայտարարում են իշխանությունները:
«Բայց իրականում Հայաստանը չունի այդ ինքնաբավությունը, որովհետև արտաքին պարտքն արդեն հասնում է ՀՆԱ-ի 50 տոկոսին։ Ավելին, անընդհատ պարտքեր են վերցնում, որոնք գնում են միայն բյուջեի պակասուրդը վերացնելու համար։ Այսինքն՝ իրենց վարած քաղաքական ապիկարությունը թաքցնելու համար վատնում են ուրիշի փողերը», - հայտարարել է քաղաքական գործիչը։
Եվրասիական տնտեսական միությունից Հայաստանի տեսականորեն դուրս գալու շուրջ քննարկումները սկսվեցին այն բանից հետո, երբ 2025 թվականի մարտի 26-ին երկրի խորհրդարանն ընդունեց Եվրամիությանն անդամակցելու մտադրության մասին օրինագիծը: Ընդ որում, ԵՄ-ն անդամակցության առաջարկ չի ներկայացրել, իսկ ընդդիմությունը փաստաթուղթը իրավաբանորեն անհեթեթ է անվանել։
Վարչապետ Նիկոլ Փաշինյանը պարզաբանել է, որ ԵՄ-ին անդամակցելու որոշումը չի կարող ընդունվել առանց հանրաքվեի, միևնույն ժամանակ խոստովանել է, որ երկիրը ԵՄ կազմում տեսնում է 20 տարի անց:
