Պուտինը կարող է կարգադրել ընտրությունների օրը հարվածներ չհասցնել Ուկրաինային. Պեսկով
© Sputnik / Михаил Синицын / POOL
/ Բաժանորդագրվել
ԱՄՆ նախագահն ավելի վաղ Վլադիմիր Զելենսկուն կոչ էր արել ընտրություններ անցկացնել Ուկրաինայում:
ԵՐԵՎԱՆ, 12 հոկտեմբերի - Sputnik. ՌԴ նախագահ Վլադիմիր Պուտինը պատրաստ կլինի կարգադրել ընտրությունների օրը հարվածներ չհասցնել Ուկրաինային, եթե Կիևն իսկապես ցանկանում է դրանք անցկացնել։ Այս մասին հայտարարել է ՌԴ առաջնորդի մամուլի քարտուղար Դմիտրի Պեսկովը:
«Նախագահն արդեն խոսել է այդ մասին, բայց այս դեպքում ես նրա անունից ամենայն պատասխանատվությամբ կարող եմ ասել, որ եթե այնտեղ իսկապես ցանկանում են անցկացնել ընտրություններ, ապա Ռուսաստանի Դաշնության նախագահը պատրաստ կլինի կարգադրել ընտրությունների օրը չհարվածել Ուկրաինային, հենց ընտրությունների օրը»,-ասել է Պեսկովը լրագրողների հետ կոնֆերանս-զանգի լրացուցիչ մեկնաբանության ժամանակ:
Հոկտեմբերի 11-ին ԱՄՆ նախագահ Դոնալդ Թրամփը հայտարարել էր, որ Զելենսկին պետք է ընտրություններ անցկացնի Ուկրաինայում: Նա նաև մեղադրել էր Զելենսկուն այն բանում, որ վերջինս խնդիրներ է ստեղծում ողջ աշխարհի համար: Նրա կարծիքով՝ Ուկրաինային պետք է նոր առաջնորդ, որը կկարողանա պայմանավորվել Ռուսաստանի հետ:
Իր հերթին Զելենսկին, չնայած ԱՄՆ առաջնորդի կոչին, կրկին հրաժարվել է ընտրություններ անցկացնել Ուկրաինայում և պայման է դրել, որ պատրաստ է այդ հարցով զբաղվել միայն Ռուսաստանի հետ առնվազն 60-օրյա լիակատար զինադադարի դեպքում:
Մեկնաբանելով Զելենսկու հայտարարությունը՝ ՌԴ նախագահի մամուլի քարտուղար Դմիտրի Պեսկովն ավելի վաղ նշել էր, որ Ռուսաստանը ձգտում է երկարաժամկետ խաղաղության, այլ ոչ թե Ուկրաինայի հետ զինադադարի:
Իր հերթին Զելենսկին, չնայած ԱՄՆ առաջնորդի կոչին, կրկին հրաժարվել է ընտրություններ անցկացնել Ուկրաինայում և պայման է դրել, որ պատրաստ է այդ հարցով զբաղվել միայն Ռուսաստանի հետ առնվազն 60-օրյա լիակատար զինադադարի դեպքում:
Մեկնաբանելով Զելենսկու հայտարարությունը՝ ՌԴ նախագահի մամուլի քարտուղար Դմիտրի Պեսկովն ավելի վաղ նշել էր, որ Ռուսաստանը ձգտում է երկարաժամկետ խաղաղության, այլ ոչ թե Ուկրաինայի հետ զինադադարի:
