https://arm.sputniknews.ru/20261008/ukrainakan-anodachunery-dvoneckum-grvohel-en-karmir-khachi-pahestn-u-bernatarnery-mirvoshnik-107871129.html

Ուկրաինական անօդաչուները Դոնեցկում գրոհել են Կարմիր խաչի պահեստն ու բեռնատարները․ Միրոշնիկ

Ուկրաինական անօդաչուները Դոնեցկում գրոհել են Կարմիր խաչի պահեստն ու բեռնատարները․ Միրոշնիկ

Sputnik Արմենիա

Հարձակումը տեղի է ունեցել սեպտեմբերի 6-ին։ Ինքնաթիռային տիպի երկու անօդաչու թռչող սարք հարվածներ են հասցրել պահեստի տարածքին ժամը 03:00-ին և 05:45-ին։ 08.10.2026, Sputnik Արմենիա

2026-10-08T19:19+0400

2026-10-08T19:19+0400

2026-10-08T19:24+0400

ռազմական հատուկ գործողություն

հատուկ ռազմական գործողություն

ռոդիոն միրոշնիկ

ռուսաստան

ուկրաինա

դոնբասի պաշտպանություն. ռդ–ի ռազմական հատուկ գործողությունը ուկրաինայում

https://cdn.am.imgsputniknews.ru/img/07ea/08/0e/105781365_0:0:3140:1767_1920x0_80_0_0_3d0fe35c144915a0b1e84ec11cfa43bb.jpg

ԵՐԵՎԱՆ, 8 հոկտեմբերի - Sputnik. Ուկրաինական անօդաչու թռչող սարքերը սեպտեմբերին հարվածներ են հասցրել Դոնեցկում Կարմիր խաչի միջազգային կոմիտեի (ԿԽՄԿ) պահեստին, ինչի հետևանքով վնասվել են կազմակերպության երեք բեռնատարներ և ոչնչացվել է մարդասիրական բեռների մի մասը։ Այս մասին հայտարարել է ՌԴ ԱԳՆ հատուկ հանձնարարություններով դեսպան Ռոդիոն Միրոշնիկը։Նրա խոսքով՝ հարձակումը տեղի է ունեցել սեպտեմբերի 6-ին։ Ինքնաթիռային տիպի երկու անօդաչու թռչող սարք հարվածներ են հասցրել պահեստի տարածքին ժամը 03:00-ին և 05:45-ին։Դիվանագետը կարծում է, որ հարվածը հասցվել է դիտավորյալ, թեև պահեստն ու ավտոմեքենաները մակնշված են եղել Կարմիր խաչի խորհրդանիշներով։ Նա ընդգծել է, որ կատարվածը միջազգային մարդասիրական իրավունքի նորմերի խախտում է, որոնք նախատեսում են ԿԽՄԿ աշխատակիցների և գույքի հատուկ պաշտպանություն։Այս կապակցությամբ Միրոշնիկը Կարմիր խաչի միջազգային կոմիտեի գործունեությանն աջակցող երկրներին կոչ է արել գնահատական տալ կատարվածին։«Կիևի գրոհայինների և Ուկրաինայի իշխանությունների նման ոտնձգությունը պետք է միանշանակ գնահատական ստանա այն պետությունների կողմից, որոնք աջակցում են ԿԽՄԿ գործունեությանը և հաշվի են նստում միջազգային մարդասիրական իրավունքի նորմերի հետ, որոնք պարտադիր են բոլոր երկրների համար»,-հայտարարել է նա։Ուկրաինական կարգավորման շուրջ փակուղային իրավիճակ է ստեղծվել. ՌուբիոԱվելի ուշ «Սոլովյով LIVE»-ի եթերում Միրոշնիկը տեղի ունեցածը կապել է քաղաքացիական օբյեկտների վրա հարձակումների ավելի լայն էսկալացիայի հետ։ Նա մեղադրել է արևմտյան երկրներին այն բանի համար, որ Ուկրաինայի շարունակական ֆինանսավորումը նպաստում է այդ էսկալացիային, և նշել է՝ կասկածում է, նրանք կդատապարտեն այդպիսի գործողությունները։«Ես չեմ տեսնում այն սահմանը, որը կկանգնեցներ ահաբեկիչներին, հատկապես, երբ նրանց այդքան ակտիվորեն աջակցում են այն երկրները, որոնք շարունակում են նրանց գումար տալ և, ըստ էության, հանդես գալ որպես հանցակիցներ։ Եվ, իհարկե, նրանցից դատապարտում սպասել, կարծում եմ, չարժե»,-ասել է դիվանագետը։Միրոշնիկի պնդմամբ՝ գարնանը Ուկրաինայի ֆինանսավորումն ավելացնելու արևմտյան երկրների խոստումներից հետո հաճախակի են դարձել թիրախային հարձակումները քաղաքացիական ենթակառուցվածքների, բուժաշխատողների և տրանսպորտի վրա։Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Մարտական գործողություններն ընթանում են մինչ օրս։Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։

ուկրաինա

2026

Լուրեր

am_HY

ռազմական հատուկ գործողություն, հատուկ ռազմական գործողություն, ռոդիոն միրոշնիկ, ռուսաստան, ուկրաինա