https://arm.sputniknews.ru/20261008/irany-patrast-en-amen-inch-arajarkel-trampy-gvovel-e-uitkvofin-107835755.html
«Իրանը պատրաստ է ամեն ինչ առաջարկել». Թրամփը գովել է Ուիտկոֆին
«Իրանը պատրաստ է ամեն ինչ առաջարկել». Թրամփը գովել է Ուիտկոֆին
Sputnik Արմենիա
ԱՄՆ առաջնորդը մեկնաբանել է իրանական կողմի հետ քննարկումների ընթացքը։ 08.10.2026, Sputnik Արմենիա
2026-10-08T08:46+0400
2026-10-08T08:46+0400
2026-10-08T09:01+0400
ամն
իրանի իսլամական հանրապետություն
դոնալդ թրամփ
սթիվեն ուիտկոֆ
https://cdn.am.imgsputniknews.ru/img/07ea/07/1f/105252631_0:321:3071:2048_1920x0_80_0_0_a675e961d386b491773b915aaaceea8f.jpg
ԵՐԵՎԱՆ, 8 հոկտեմբերի – Sputnik. ԱՄՆ նախագահ Դոնալդ Թրամփը հայտարարել է, որ իր հատուկ բանագնաց Սթիվ Ուիտկոֆը հաջողությամբ է աշխատում Թեհրանի հետ համաձայնագիր կնքելու ուղղությամբ:Նրա խոսքով՝ Իրանը պատրաստ է ամեն ինչ առաջարկել ԱՄՆ-ին հանուն հակամարտության դադարեցման:Միաժամանակ լրատվամիջոցներն ավելի վաղ հայտնել էին, որ ԱՄՆ-ի և Իրանի միջև հարաբերությունների կարգավորմանն ուղղված միջնորդական ջանքերը դադարեցվել են:Հիշեցնենք` Թեհրանն ու Վաշինգտոնը հունիսի 18-ի գիշերը հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։ Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։ Իրանցի զինվորականները սկսեցին հարվածներ հասցնել Մերձավոր Արևելքի մի շարք երկրներում գտնվող ամերիկյան ռազմակայաններին։Հորմուզի նեղուցը ռազմավարական նշանակություն ունի համաշխարհային էներգետիկ շուկայի համար։ Իրավիճակի սրացումից առաջ այս նեղուցով էր տեղափոխվում նավթի և հեղուկացված բնական գազի համաշխարհային մատակարարումների մոտ մեկ հինգերորդը։Այժմ նեղուցով անցնող նավերի քանակը զգալիորեն կրճատվել է, իսկ խոշոր լցանավերը փաստացի դադարել են օգտագործել այն:
ամն
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, իրանի իսլամական հանրապետություն, դոնալդ թրամփ, սթիվեն ուիտկոֆ
ամն, իրանի իսլամական հանրապետություն, դոնալդ թրամփ, սթիվեն ուիտկոֆ
«Իրանը պատրաստ է ամեն ինչ առաջարկել». Թրամփը գովել է Ուիտկոֆին
08:46 08.10.2026 (Թարմացված է: 09:01 08.10.2026) ԱՄՆ առաջնորդը մեկնաբանել է իրանական կողմի հետ քննարկումների ընթացքը։
ԵՐԵՎԱՆ, 8 հոկտեմբերի – Sputnik. ԱՄՆ նախագահ Դոնալդ Թրամփը հայտարարել է, որ իր հատուկ բանագնաց Սթիվ Ուիտկոֆը հաջողությամբ է աշխատում Թեհրանի հետ համաձայնագիր կնքելու ուղղությամբ:
Նրա խոսքով՝ Իրանը պատրաստ է ամեն ինչ առաջարկել ԱՄՆ-ին հանուն հակամարտության դադարեցման:
«Ուիտկոֆը համաձայնագիր կնքեց ՀԱՄԱՍ-ի հետ։ Ես նկատի ունեմ այն, որ հանկարծ ամեն ինչ լռեց: Այժմ նա աշխատում է Իրանի հետ համաձայնագիր կնքելու ուղղությամբ, և կարծում եմ` շատ լավ է գլուխ հանում։ Իրականում այդ համաձայնագիրն այնքան էլ իմ ուզածը չէ, բայց նրանք պատրաստ են մեզ առաջարկել ամեն ինչ, միայն թե սա դադարի ... Նրանք երբեք միջուկային զենք չեն ունենա: Բայց նա հիանալի բանակցող է։ Եվ նա նաև հիանալի մարդ է», - հայտարարել Է Թրամփը ՝ ելույթ ունենալով Տեխասում։
Միաժամանակ լրատվամիջոցներն ավելի վաղ հայտնել էին, որ ԱՄՆ-ի և Իրանի միջև հարաբերությունների կարգավորմանն ուղղված միջնորդական ջանքերը դադարեցվել են:
Հիշեցնենք` Թեհրանն ու Վաշինգտոնը հունիսի 18-ի գիշերը
հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։
Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։ Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։ Իրանցի զինվորականները սկսեցին հարվածներ հասցնել Մերձավոր Արևելքի մի շարք երկրներում գտնվող ամերիկյան ռազմակայաններին։
Հորմուզի նեղուցը ռազմավարական նշանակություն ունի համաշխարհային էներգետիկ շուկայի համար։ Իրավիճակի սրացումից առաջ այս նեղուցով էր տեղափոխվում նավթի և հեղուկացված բնական գազի համաշխարհային մատակարարումների մոտ մեկ հինգերորդը։
Այժմ նեղուցով անցնող նավերի քանակը զգալիորեն կրճատվել է, իսկ խոշոր լցանավերը փաստացի դադարել են օգտագործել այն:
