https://arm.sputniknews.ru/20261002/shutvov-kapacucen-vor-abn-ozhtvats-e-gitakcutjamb-davit-jani-varpetutjan-dasy-erevanum-107633947.html
Շուտով կապացուցեն, որ ԱԲ–ն օժտված է գիտակցությամբ․ Դավիթ Յանի վարպետության դասը Երևանում
Շուտով կապացուցեն, որ ԱԲ–ն օժտված է գիտակցությամբ․ Դավիթ Յանի վարպետության դասը Երևանում
Sputnik Արմենիա
Զուգահեռներ անցկացնելով արհեստական բանականության և մարդկային հնարավորությունների միջև՝ Յանը նշել է, որ ԱԲ-ն, ի տարբերություն մարդու, չունի կամքի ազատություն։ 02.10.2026, Sputnik Արմենիա
2026-10-02T19:40+0400
2026-10-02T19:40+0400
2026-10-02T19:42+0400
հայաստան
արհեստական բանականություն
դավիթ յան
հայ-ռուսական (սլավոնական) համալսարան
https://cdn.am.imgsputniknews.ru/img/07ea/0a/02/107620518_0:120:1280:840_1920x0_80_0_0_5667d9aed1846398c883925750d9e9d9.jpg
ԵՐԵՎԱՆ, 2 հոկտեմբերի – Sputnik. 2030 թվականին գիտնականները կապացուցեն, որ արհեստական բանականությունն օժտված է գիտակցությամբ, իսկ հինգ տարի անց՝ 2035-ին, կօրինականացվի ոչ կենսաբանական ագենտի հետ ամուսնությունը։ Հայ–ռուսական համալսարանում կայացած վարպետության դասի ժամանակ նման կանխատեսում է արել հայտնի գործարար և արհեստական բանականության ոլորտի առաջնամարտիկներից մեկը՝ Դավիթ Յանը։ Այս մասին հայտնում է բուհի մամուլի ծառայությունը։Զուգահեռներ անցկացնելով արհեստական բանականության և մարդկային հնարավորությունների միջև՝ Յանը նշել է, որ ԱԲ-ն չունի կամքի ազատություն։ ԱԲ-ն չի կարող դառնալ Փարաջանով կամ Տարկովսկի․ միայն մարդուն է հասանելի «կախարդ դառնալու և փայտիկը թափահարելու» ունակությունը։Փորձագետը հանդիպման մասնակիցներին է ներկայացրել «երեք մոգական բյուրեղների» իր հայեցակարգը։ Դա հաջող բիզնես նախագիծ կամ ստարտափ ստեղծելու կանոն է, ըստ որի՝ պետք է հատվեն գործարարի երեք առանցքային կարողությունները։Առաջին բյուրեղը խնդրի (հաճախորդի ցավի) իմացությունն է․ պետք է խորապես հասկանալ սպառողի իրական «ցավը», շուկայի կարիքները և խնդրի էությունը, որը պատրաստվում եք լուծել։Երկրորդ բյուրեղը տեխնոլոգիաների իմացությունն է․ պետք է տիրապետել տեխնոլոգիական առավելության կամ այդ խնդիրը լուծելուն օգնող որակյալ արտադրանք ստեղծելու ունակություն ունենալ։Երրորդ բյուրեղը բաշխման (դիստրիբուցիայի) ուղիների իմացությունն է․ հստակ պատկերացում այն մասին, թե ինչպես ես արտադրանքը հասցնելու հաճախորդին, ինչպես են կառուցված մարկետինգը, վաճառքը և լսարանի ներգրավման ուղիները։Նա համոզված է, որ տեխնոլոգիական հեղափոխությունը հնարավոր չէ հետ շրջել, ատոմային էներգիան չի կարելի հետ մտցնել ուրանի մեջ, ինչպես չի կարելի վերացնել էլեկտրականությունը կամ շոգեքարշը։«Մենք պետք է ընդունենք փաստը` Երկիր մոլորակի վրա հայտնվել է այլմոլորակային ուղեղ։ Նուբար Աֆեյանը՝ մեր հայրենակիցն ու «Moderna՞ պատվաստանյութի գյուտարարը, մի անգամ համաժողովում ասել է․ «AI-ը Artificial Intelligence չէ, AI-ը Alien Intelligence է»։ Եվ ես լիովին համաձայն եմ դրա հետ։ Երկրի վրա իսկապես հայտնվել է այլմոլորակային բանականություն, և դա անխուսափելի է»,-նշել է նա։Դասախոսության շրջանակում Դավիթ Յանը Սլավոնական համալսարանի ուսանողների հետ ստեղծել և փորձարկել է սեփական ԱԲ-գործակալ Էմիլիին, որը նաև հայերեն է խոսում։ Բացի այդ, մասնակիցները տեսել են, թե ինչ տեսք ունի Դավիթ Յանի ԱԲ-տունը Սիլիկոնյան հովտում՝ շարժական պատերով և ռոբոտ-շներով։
https://arm.sputniknews.ru/20260925/hima-menq-unenq-yndhanur-dashnakic-kam-tshnami-kajacel-e-sputnik-pro-i-15-rd-mvoduly-107316739.html
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արհեստական բանականություն, դավիթ յան, հայ-ռուսական (սլավոնական) համալսարան
հայաստան, արհեստական բանականություն, դավիթ յան, հայ-ռուսական (սլավոնական) համալսարան
Շուտով կապացուցեն, որ ԱԲ–ն օժտված է գիտակցությամբ․ Դավիթ Յանի վարպետության դասը Երևանում
19:40 02.10.2026 (Թարմացված է: 19:42 02.10.2026) Զուգահեռներ անցկացնելով արհեստական բանականության և մարդկային հնարավորությունների միջև՝ Յանը նշել է, որ ԱԲ-ն, ի տարբերություն մարդու, չունի կամքի ազատություն։
ԵՐԵՎԱՆ, 2 հոկտեմբերի – Sputnik. 2030 թվականին գիտնականները կապացուցեն, որ արհեստական բանականությունն օժտված է գիտակցությամբ, իսկ հինգ տարի անց՝ 2035-ին, կօրինականացվի ոչ կենսաբանական ագենտի հետ ամուսնությունը։ Հայ–ռուսական համալսարանում կայացած վարպետության դասի ժամանակ նման կանխատեսում է արել հայտնի գործարար և արհեստական բանականության ոլորտի առաջնամարտիկներից մեկը՝ Դավիթ Յանը։ Այս մասին հայտնում է բուհի մամուլի ծառայությունը։
«2040 թվականին կսկսվեն բողոքի ցույցեր ի պաշտպանություն ռոբոտների՝ Robots Lives Matter։ 2045 թվականին ի հայտ կգան հասարակության առաջին հիբրիդային անդամները․ մարդիկ կունենան ոչ կենսաբանական իմպլանտներ, իսկ ոչ կենսաբանական էակները՝ կենսաբանական իմպլանտներ` կապված գեների կամ սենսորների հետ։ Իսկ 2055 թվականին երկրներից մեկում ոչ կենսաբանական էակներըը կստանան որոշակի իրավունքներ»,-ենթադրել է Յանը։
Զուգահեռներ անցկացնելով արհեստական բանականության և մարդկային հնարավորությունների միջև՝ Յանը նշել է, որ ԱԲ-ն չունի կամքի ազատություն։ ԱԲ-ն չի կարող դառնալ Փարաջանով կամ Տարկովսկի․ միայն մարդուն է հասանելի «կախարդ դառնալու և փայտիկը թափահարելու» ունակությունը։
Փորձագետը հանդիպման մասնակիցներին է ներկայացրել «երեք մոգական բյուրեղների» իր հայեցակարգը։ Դա հաջող բիզնես նախագիծ կամ ստարտափ ստեղծելու կանոն է, ըստ որի՝ պետք է հատվեն գործարարի երեք առանցքային կարողությունները։
Առաջին բյուրեղը խնդրի (հաճախորդի ցավի) իմացությունն է․ պետք է խորապես հասկանալ սպառողի իրական «ցավը», շուկայի կարիքները և խնդրի էությունը, որը պատրաստվում եք լուծել։
Երկրորդ բյուրեղը տեխնոլոգիաների իմացությունն է․ պետք է տիրապետել տեխնոլոգիական առավելության կամ այդ խնդիրը լուծելուն օգնող որակյալ արտադրանք ստեղծելու ունակություն ունենալ։
Երրորդ բյուրեղը բաշխման (դիստրիբուցիայի) ուղիների իմացությունն է․ հստակ պատկերացում այն մասին, թե ինչպես ես արտադրանքը հասցնելու հաճախորդին, ինչպես են կառուցված մարկետինգը, վաճառքը և լսարանի ներգրավման ուղիները։
Նա համոզված է, որ տեխնոլոգիական հեղափոխությունը հնարավոր չէ հետ շրջել, ատոմային էներգիան չի կարելի հետ մտցնել ուրանի մեջ, ինչպես չի կարելի վերացնել էլեկտրականությունը կամ շոգեքարշը։
«Մենք պետք է ընդունենք փաստը` Երկիր մոլորակի վրա հայտնվել է այլմոլորակային ուղեղ։ Նուբար Աֆեյանը՝ մեր հայրենակիցն ու «Moderna՞ պատվաստանյութի գյուտարարը, մի անգամ համաժողովում ասել է․ «AI-ը Artificial Intelligence չէ, AI-ը Alien Intelligence է»։ Եվ ես լիովին համաձայն եմ դրա հետ։ Երկրի վրա իսկապես հայտնվել է այլմոլորակային բանականություն, և դա անխուսափելի է»,-նշել է նա։
Դասախոսության շրջանակում Դավիթ Յանը Սլավոնական համալսարանի ուսանողների հետ ստեղծել և փորձարկել է սեփական ԱԲ-գործակալ Էմիլիին, որը նաև հայերեն է խոսում։ Բացի այդ, մասնակիցները տեսել են, թե ինչ տեսք ունի Դավիթ Յանի ԱԲ-տունը Սիլիկոնյան հովտում՝ շարժական պատերով և ռոբոտ-շներով։
