https://arm.sputniknews.ru/20261001/sevani-apamerdz-taratsqnerum-arnvazn-150-shinutjun-nakhatesvum-e-apamvontazhel-107532479.html

Սևանի ափամերձ տարածքներում առնվազն 150 շինություն նախատեսվում է ապամոնտաժել

Սևանի ափամերձ տարածքներում առնվազն 150 շինություն նախատեսվում է ապամոնտաժել

Sputnik Արմենիա

2027 թվականի ծրագրով նախատեսվում են նաև Սևանա լճի առափնյա համայնքների կոյուղացման և ժամանակակից տեղային կեղտաջրերի մաքրման կայանների տեղադրման աշխատանքներ։ 01.10.2026, Sputnik Արմենիա

2026-10-01T11:39+0400

2026-10-01T11:39+0400

2026-10-01T12:31+0400

սևանա լիճ

նախագիծ

ապօրինի շինություն

https://cdn.am.imgsputniknews.ru/img/07e5/02/0f/26455742_0:0:1200:675_1920x0_80_0_0_a248546fe2cf29bd8c5eaaaba3f68c6d.jpg

ԵՐԵՎԱՆ, 1 հոկտեմբերի – Sputnik. Սևանա լճի շրջակայքում ջրածածկման ենթակա տարածքներում 2027 թվականին նախատեսվում է ապամոնտաժել առնվազն 150 շենք-շինություն և ենթակառուցվածք։ Այս մասին նշված է «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների 2027 թվականի տարեկան ծրագիրը հաստատելու մասին» կառավարության որոշման նախագծի հիմնավորման մեջ։Նախատեսվում է նաև հեռացնել առաջացած թափոններն ու մաքրել համապատասխան տարածքները։ Միաժամանակ նախատեսվում է ուսումնասիրել «Սևան» ազգային պարկի տարածքում 1905 մետր բացարձակ նիշից ցածր գտնվող մոտ 200 հողօգտագործողի հողօգտագործման իրավական հիմքերը։Ծրագրով նախատեսվում է նաև Սևանի ջրհավաք ավազանում գործունեություն իրականացնող 100 խոշոր ջրօգտագործողի համալիր ուսումնասիրություն։Մասնավորապես, համադրվելու են նրանց ջրօգտագործման թույլտվություններով սահմանված և փաստացի ջրառի ու ջրահեռացման ծավալները։ Ուսումնասիրության արդյունքում նախատեսվում է ստեղծել խոշոր ջրօգտագործողների վերաբերյալ միասնական տվյալների բազա, բացահայտել թույլատրված և փաստացի ջրօգտագործման ծավալների տարբերությունները, իսկ հայտնաբերված խնդիրների դեպքում մշակել դրանց վերացման առաջարկություններ և անհրաժեշտության դեպքում ձեռնարկել օրենքով սահմանված միջոցներ։

2026

Լուրեր

am_HY

սևանա լիճ, նախագիծ, ապօրինի շինություն