https://arm.sputniknews.ru/20260929/hvovik-aghazarjani-gvortsvov-glkhavvor-vkan-chka-sakajn-nran-en-vkajakvochum-zlm-107426565.html

Հովիկ Աղազարյանի գործով գլխավոր վկան չկա, սակայն նրան են վկայակոչում. ԶԼՄ

Հովիկ Աղազարյանի գործով գլխավոր վկան չկա, սակայն նրան են վկայակոչում. ԶԼՄ

Sputnik Արմենիա

Նշվում է, որ դատարանում պարբերաբար հնչում է այդ անձի անունը, սակայն նա նիստերին չի ներկայանում։ 29.09.2026, Sputnik Արմենիա

2026-09-29T10:30+0400

2026-09-29T10:30+0400

2026-09-29T12:25+0400

հովիկ աղազարյան

դատ

վկա

https://cdn.am.imgsputniknews.ru/img/07e9/03/1a/87160688_2:0:960:539_1920x0_80_0_0_10bdbe15883c972c9e60e6824d8a3431.jpg

ԵՐԵՎԱՆ, 29 սեպտեմբերի – Sputnik. ԱԺ «Քաղաքացիական պայմանագիր» խմբակցության նախկին պատգամավոր Հովիկ Աղազարյանի դեմ հարուցված գործով գլխավոր վկա համարվող Արամ Մկրտչյանն այս պահին փախուստի մեջ է։ Այս մասին գրում է «Ժողովուրդը»՝ վկայակոչելով իր աղբյուրները։ Եթե Մկրտչյանը գործի համար այդքան կարևոր վկա է, ապա ինչո՞ւ նրա ներկայությունը դատարանում չի ապահովվել, իսկ եթե նրա փոխանցած տեղեկությունները վկայակոչվում են այլ անձանց կողմից, ապա որքանո՞վ կարող են դրանք ինքնուրույն հիմք հանդիսանալ մեղադրանքի համար, հարցադրում է անում թերթը։Հովիկ Աղազարյանը կասկածվում է այն բանում, որ 2023 թվականին աջակցել է գործարար Աշոտ Կամավոսյանին և այլ անձանց` դեպի Արաբական Միացյալ Էմիրություններ մանր եղջերավոր անասուններ արտահանելու գործընթացում առաջացած խոչընդոտները վերացնելու և ապօրինի արտոնություններ տրամադրելու մեջ։ Չնայած սկզբնական շրջանում շրջանառվում էին ավելի մեծ գումարների (մինչև 300,000 դոլար) պահանջի մասին տեղեկություններ, վերջնական մեղադրանքում արձանագրվել է 11 229 370 ՀՀ դրամ կաշառք վերցնելու փաստը։ ՀՀ գլխավոր դատախազության միջնորդությամբ Աղազարյանը զրկվել էր պատգամավորական անձեռնմխելիությունից: Նրա նկատմամբ խափանման միջոց էր ընտրվել բացակայելու արգելքը, իսկ քրեական գործը նախաքննության ավարտից հետո ուղարկվել էր Հակակոռուպցիոն դատարան։

2026

Լուրեր

am_HY

հովիկ աղազարյան, դատ, վկա