https://arm.sputniknews.ru/20260929/erevanum-qnnarkvel-e-atvomakajani-shahagvortsman-zhamketi-erkaracman-tsragiry-107435547.html
Երևանում քննարկվել է ատոմակայանի շահագործման ժամկետի երկարացման ծրագիրը
Երևանում քննարկվել է ատոմակայանի շահագործման ժամկետի երկարացման ծրագիրը
Sputnik Արմենիա
Ավելի վաղ հայտնի էր դարձել, որ Հայկական ԱԷԿ-ում առանձին հաշվարկներ են կատարվում՝ աշխատանքը մինչև 2041 թվականը երկարացնելու հեռանկարով։ 29.09.2026, Sputnik Արմենիա
2026-09-29T13:22+0400
2026-09-29T13:22+0400
2026-09-29T13:26+0400
հայաստան
ատոմակայան
ռուսաստան
https://cdn.am.imgsputniknews.ru/img/07ea/09/1d/107432039_0:340:960:880_1920x0_80_0_0_bd1478e5295fb8b2bb40a11522b611ac.jpg
ԵՐԵՎԱՆ, 29 սեպտեմբերի – Sputnik․ Երևանում այսօր կայացել է Համատեղ համակարգման կոմիտեի 5-րդ նիստը՝ նվիրված Հայկական ատոմային էլեկտրակայանի թիվ 2 էներգաբլոկի շահագործման ժամկետի կրկնակի երկարացման ծրագրի (ՇԺԵ-2) իրականացման ընթացքին։ Տեղեկությունը հայտնում է ՀՀ տարածքային կառավարման և ենթակառուցվածքների նախարարության մամուլի ծառայությունը։Հայկական կողմից նիստը նախագահել է ՀՀ ՏԿԵ նախարարի տեղակալ Նարեկ Ապիտոնյանը, իսկ ռուսական կողմից՝ «Ռոսատոմ» պետական կորպորացիայի գլխավոր տնօրենի առաջին տեղակալ, զարգացման և միջազգային բիզնեսի բլոկի տնօրեն Կիրիլ Կոմարովը։Կողմերը վերահաստատել են պատրաստակամությունը շարունակելու արդյունավետ համագործակցությունը և համատեղ աշխատանքը՝ թիվ 2 էներգաբլոկի շահագործման ժամկետի կրկնակի երկարացման ծրագրով նախատեսված միջոցառումների հաջող իրականացման ուղղությամբ։Ավելի վաղ հայտնի էր դարձել, որ Հայկական ԱԷԿ-ում առանձին հաշվարկներ են կատարվում՝ աշխատանքը մինչև 2041 թվականը երկարացնելու հեռանկարով։ Հայկական ԱԷԿ-ի գլխավոր տնօրեն Էդուարդ Մարտիրոսյանը նշել էր, որ այժմ ուսումնասիրվում է կայանի շահագործման ժամկետը մինչև 2036 թվականը, իսկ եթե հնարավոր է, նաև ավելի երկար ժամանակով երկարաձգելու հնարավորությունը։Հիշեցնենք՝ ՀՀ վարչապետ Նիկոլ Փաշինյանը հայտարարել էր, որ ԱԷԿ-ի շահագործման ժամկետը կարող է երկարաձգվել մինչև 2046 թվականը՝ ՄԱԳԱՏԷ-ի հետ համաձայնությամբ։Հայկական ատոմակայանն ապահովում է երկրի էլեկտրաէներգիայի արտադրության մոտ մեկ երրորդը: Առաջին էներգաբլոկը շահագործման է հանձնվել 1976 թվականի դեկտեմբերին, երկրորդը՝ 1980 թվականի հունվարին։ Սպիտակի երկրաշարժից հետո կայանի աշխատանքը դադարեցվել է 1989 թվականի մարտին, սակայն 1995 թվականի նոյեմբերին 2-րդ էներգաբլոկը վերագործարկվել է։Ի սկզբանե դրա շահագործման ժամկետը նախատեսված էր մինչև 2016 թվականը։ «Ռոսատոմի» մասնագետների մասնակցությամբ այն երկարաձգվել է մինչև 2026 թվականը, իսկ 2023 թվականի դեկտեմբերին «Ռոսատոմ Սերվիսը» և հայկական ԱԷԿ-ը շրջանակային պայմանագիր են կնքել էներգաբլոկի շահագործումը մինչև 2036 թվականը երկարաձգելու համար աշխատանքներ իրականացնելու վերաբերյալ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ատոմակայան, ռուսաստան
հայաստան, ատոմակայան, ռուսաստան
Երևանում քննարկվել է ատոմակայանի շահագործման ժամկետի երկարացման ծրագիրը
13:22 29.09.2026 (Թարմացված է: 13:26 29.09.2026) Ավելի վաղ հայտնի էր դարձել, որ Հայկական ԱԷԿ-ում առանձին հաշվարկներ են կատարվում՝ աշխատանքը մինչև 2041 թվականը երկարացնելու հեռանկարով։
ԵՐԵՎԱՆ, 29 սեպտեմբերի – Sputnik․ Երևանում այսօր կայացել է Համատեղ համակարգման կոմիտեի 5-րդ նիստը՝ նվիրված Հայկական ատոմային էլեկտրակայանի թիվ 2 էներգաբլոկի շահագործման ժամկետի կրկնակի երկարացման ծրագրի (ՇԺԵ-2) իրականացման ընթացքին։ Տեղեկությունը հայտնում է
ՀՀ տարածքային կառավարման և ենթակառուցվածքների նախարարության մամուլի ծառայությունը։
Հայկական կողմից նիստը նախագահել է ՀՀ ՏԿԵ նախարարի տեղակալ Նարեկ Ապիտոնյանը, իսկ ռուսական կողմից՝ «Ռոսատոմ» պետական կորպորացիայի գլխավոր տնօրենի առաջին տեղակալ, զարգացման և միջազգային բիզնեսի բլոկի տնօրեն Կիրիլ Կոմարովը։
«Նիստի ընթացքում ամփոփվել են ՇԺԵ-2 ծրագրի շրջանակում մինչ օրս իրականացված աշխատանքները, քննարկվել են ընթացիկ և առաջիկա միջոցառումները, տեխնիկական լուծումները, ինչպես նաև ծրագրի հետագա իրականացմանն առնչվող հարցեր։ Կողմերը կարևորել են աշխատանքների համակարգված և հետևողական իրականացումը՝ ուղղված ՀԱԷԿ-ի թիվ 2 էներգաբլոկի անվտանգ, հուսալի և երկարաժամկետ շահագործման ապահովմանը»,- նշված է հաղորդագրության մեջ։
Կողմերը վերահաստատել են պատրաստակամությունը շարունակելու արդյունավետ համագործակցությունը և համատեղ աշխատանքը՝ թիվ 2 էներգաբլոկի շահագործման ժամկետի կրկնակի երկարացման ծրագրով նախատեսված միջոցառումների հաջող իրականացման ուղղությամբ։
Ավելի վաղ հայտնի էր դարձել, որ Հայկական ԱԷԿ-ում առանձին հաշվարկներ են կատարվում՝ աշխատանքը մինչև 2041 թվականը երկարացնելու հեռանկարով։ Հայկական ԱԷԿ-ի գլխավոր տնօրեն Էդուարդ Մարտիրոսյանը նշել էր, որ այժմ ուսումնասիրվում է կայանի շահագործման ժամկետը մինչև 2036 թվականը, իսկ եթե հնարավոր է, նաև ավելի երկար ժամանակով երկարաձգելու հնարավորությունը։
Հիշեցնենք՝ ՀՀ վարչապետ Նիկոլ Փաշինյանը հայտարարել էր, որ ԱԷԿ-ի շահագործման ժամկետը կարող է երկարաձգվել մինչև 2046 թվականը՝ ՄԱԳԱՏԷ-ի հետ համաձայնությամբ։
Հայկական ատոմակայանն ապահովում է երկրի էլեկտրաէներգիայի արտադրության մոտ մեկ երրորդը: Առաջին էներգաբլոկը շահագործման է հանձնվել 1976 թվականի դեկտեմբերին, երկրորդը՝ 1980 թվականի հունվարին։ Սպիտակի երկրաշարժից հետո կայանի աշխատանքը դադարեցվել է 1989 թվականի մարտին, սակայն 1995 թվականի նոյեմբերին 2-րդ էներգաբլոկը վերագործարկվել է։
Ի սկզբանե դրա շահագործման ժամկետը նախատեսված էր մինչև 2016 թվականը։ «Ռոսատոմի» մասնագետների մասնակցությամբ այն երկարաձգվել է մինչև 2026 թվականը, իսկ 2023 թվականի դեկտեմբերին «Ռոսատոմ Սերվիսը» և հայկական ԱԷԿ-ը շրջանակային պայմանագիր են կնքել էներգաբլոկի շահագործումը մինչև 2036 թվականը երկարաձգելու համար աշխատանքներ իրականացնելու վերաբերյալ։
