Այս ծանր պահին կիսում ենք վիշտը․ Փաշինյանը ցավակցել է Տոկաևին
10:48 25.09.2026 (Թարմացված է: 10:59 25.09.2026)
ՀՀ վարչապետ Նիկոլ Փաշինյանը և Ղազախստանի նախագահ Կասիմ-Ժոմարտ Տոկաևը. Արխիվային լուսանկար
© Press office of the President of KZ
Բաժանորդագրվել
Վարչապետը հույս է հայտնել, որ անհետ կորած զինծառայողները հնարավորինս շուտ և անվտանգ կհայտնաբերվեն։
ԵՐԵՎԱՆ, 25 սեպտեմբերի – Sputnik․ ՀՀ վարչապետ Նիկոլ Փաշինյանը ցավակցական հեռագիր է հղել Ղազախստանի նախագահ Կասիմ-Ժոմարտ Տոկաևին՝ ռազմածովային ուժերի զորավարժությունների ընթացքում տեղի ունեցած ողբերգական միջադեպի հետևանքով մարդկային զոհերի կապակցությամբ: Հայտնում է վարչապետի մամուլի ծառայությունը։
«Խոր վշտով տեղեկացա Ղազախստանի Հանրապետության ռազմածովային ուժերի զորավարժությունների ընթացքում տեղի ունեցած ողբերգական միջադեպի հետևանքով մարդկային զոհերի մասին։ Հայաստանի Հանրապետության և անձամբ իմ անունից խորին ցավակցություն ու զորակցություն եմ հայտնում Ձեզ, զոհված զինծառայողների ընտանիքներին և հարազատներին, ինչպես նաև Ղազախստանի բարեկամ ժողովրդին»,- նշված է կառավարության ղեկավարի ցավակցական հեռագրում։
Վարչապետը նշել է, որ այս ծանր պահին կիսում ենք Ղազախստանի վիշտը, մաղթել ուժ ու տոկունություն։
«Խոր վշտով տեղեկացա Ղազախստանի Հանրապետության ռազմածովային ուժերի զորավարժությունների ընթացքում տեղի ունեցած ողբերգական միջադեպի հետևանքով մարդկային զոհերի մասին։ Հայաստանի Հանրապետության և անձամբ իմ անունից խորին ցավակցություն ու զորակցություն եմ հայտնում Ձեզ, զոհված զինծառայողների ընտանիքներին և հարազատներին, ինչպես նաև Ղազախստանի բարեկամ ժողովրդին»,- նշված է կառավարության ղեկավարի ցավակցական հեռագրում։
Վարչապետը նշել է, որ այս ծանր պահին կիսում ենք Ղազախստանի վիշտը, մաղթել ուժ ու տոկունություն։
Փաշինյանը մաղթել է շուտափույթ ապաքինում միջադեպի հետևանքով վիրավորում ստացած զինծառայողին, հույս հայտնել, որ անհետ կորած զինծառայողները հնարավորինս շուտ և անվտանգ կհայտնաբերվեն։
Հիշեցնենք, որ Ղազախստանում երեկ ռազմածովային ուժերի զորավարժությունների ժամանակ Կասպից ծովի առափնյա շրջանում եղանակային պայմանների վատթարացման և քամու ուժգնացման հետևանքով 17 զինծառայողներ հայտնվել են բաց ծովում։ Վերջին տեղեկություններով՝ 3-ին հաջողվել է փրկվել, իսկ 14 զինծառայողներ զոհվել են։
