Ինչ է հայտնի Փաշինյանի սպասվող այցի մասին․ Իրանի դեսպանը մանրամասներ է ներկայացրել
© Photo : press office of the Government of RA
Բաժանորդագրվել
Իրանական կողմը գտնում է, որ Հայաստանի հետ ռազմավարական գործընկերության մասին փաստաթղթի ստորագրումը թույլ կտա ինստիտուցիոնալացնել երկկողմ համագործակցությունը։
ԵՐԵՎԱՆ, 24 սեպտեմբերի – Sputnik. Հայաստանի վարչապետ Նիկոլ Փաշինյանի այցը Իրան ներառված է երկու երկրների այս տարվա ծրագրերում, սակայն ուղևորության կոնկրետ մանրամասները դեռևս համաձայնեցված չեն։ Այս մասին Sputnik Արմենիային հայտնեց Հայաստանում Իրանի դեսպան Խալիլ Շիրղոլամին` APRI Forum 2026-ի շրջանակում։
Դեռևս փետրվարին հաղորդվել էր, որ Երևանն ու Թեհրանը ծրագրում են ռազմավարական համագործակցության մասին համապարփակ փաստաթուղթ ստորագրել, ենթադրաբար՝ 2026 թվականին ՀՀ վարչապետ Նիկոլ Փաշինյանի՝ Թեհրան այցի ընթացքում։
Դեռևս փետրվարին հաղորդվել էր, որ Երևանն ու Թեհրանը ծրագրում են ռազմավարական համագործակցության մասին համապարփակ փաստաթուղթ ստորագրել, ենթադրաբար՝ 2026 թվականին ՀՀ վարչապետ Նիկոլ Փաշինյանի՝ Թեհրան այցի ընթացքում։
«Մենք դեռ չենք անցել մանրամասների համաձայնեցմանը, սա մեր ունեցած ընդհանուր ծրագիրն է։ Մենք պետք է հայ պաշտոնյաների հետ միասին աշխատենք, այդ թվում՝ դրա իրականացման ուղղությամբ»,- ասաց դիվանագետը։
Շիրղոլամին նաև նշեց, որ Իրանի և Հայաստանի միջև ռազմավարական գործընկերության մասին փաստաթղթի ստորագրումը թույլ կտա ինստիտուցիոնալացնել երկկողմ համագործակցությունն ու հստակ սահմանել դրա առանցքային ոլորտները։
Նրա խոսքով՝ այդ ուղղությամբ աշխատանքներն արդեն ընթանում են, և կողմերը ջանքեր են գործադրում մոտ ապագայում փաստաթուղթը ստորագրելու համար։
Խոսելով Քաջարանի թունելի կառուցման մասին՝ դիվանագետը հայտնեց, որ իրանական ընկերությունն արդեն անցել է աշխատանքների նախնական փուլին։ Դեսպանը հույս հայտնեց, որ, հաշվի առնելով իրանական ընկերության հնարավորություններն ու ներուժը, նախագիծը կհաջողվի իրագործել նույնիսկ նախանշված ժամկետից շուտ։
Խոսքը Քաջարան-Ագարակ ճանապարհահատվածի 7,2 կիլոմետրանոց թունելի մասին է, որը կդառնա ամենաերկարը Հայաստանում, մինչև Բարգուշատի 8,6 կիլոմետրանոց թունելի կառուցումը։
Խոսելով Քաջարանի թունելի կառուցման մասին՝ դիվանագետը հայտնեց, որ իրանական ընկերությունն արդեն անցել է աշխատանքների նախնական փուլին։ Դեսպանը հույս հայտնեց, որ, հաշվի առնելով իրանական ընկերության հնարավորություններն ու ներուժը, նախագիծը կհաջողվի իրագործել նույնիսկ նախանշված ժամկետից շուտ։
Խոսքը Քաջարան-Ագարակ ճանապարհահատվածի 7,2 կիլոմետրանոց թունելի մասին է, որը կդառնա ամենաերկարը Հայաստանում, մինչև Բարգուշատի 8,6 կիլոմետրանոց թունելի կառուցումը։
