«Հրաշք այգում» ծեծկռտուքի արդյունքում կալանավորվել է Մասիսի նախկին ղեկավարի եղբայրը
22:14 22.09.2026 (Թարմացված է: 22:15 22.09.2026)
Բաժանորդագրվել
Մի խումբ անձինք տեսանկարահանում կատարելու հարցի շուրջ վիճել են նույն ռեստորանի մյուս հաճախորդների հետ։
ԵՐԵՎԱՆ, 22 սեպտեմբերի – Sputnik. Արարատի մարզում՝ «Հրաշք այգի» ռեստորանում տեղի ունեցած վիճաբանություն–ծեծկռտուքի գործով կալանավորել են Մասիս համայնքի նախկին ղեկավար Դավիթ Համբարձումյանի եղբորը` Գոռ Համբարձումյանին։ Այդ մասին գրել է Armlur.am–ը։
Կայքը գրում է, որ ոստիկանները կարողացել են կանխել հնարավոր վրեժխնդրությունը, իսկ հիմնական մասնակիցները բերման են ենթարկվել։ Դատարանը նրանցից մի քանիսի նկատմամբ տնային կալանք է կիրառել, որոնց թվում է նաև Գոռ Համբարձումյանը։
Որոշ տեղեկություններով այդ ռեստորանը պատկանում է ՀՀ նախկին վարչապետ Հովիկ Աբրահամյանի նախկին վարորդ Գոքորին։
Կայքը գրում է, որ ոստիկանները կարողացել են կանխել հնարավոր վրեժխնդրությունը, իսկ հիմնական մասնակիցները բերման են ենթարկվել։ Դատարանը նրանցից մի քանիսի նկատմամբ տնային կալանք է կիրառել, որոնց թվում է նաև Գոռ Համբարձումյանը։
Որոշ տեղեկություններով այդ ռեստորանը պատկանում է ՀՀ նախկին վարչապետ Հովիկ Աբրահամյանի նախկին վարորդ Գոքորին։
Վիճաբանություն–ծեծկռտուքը տեղի ունեցել սեպտեմբերի 10–ին։ Մի խումբ անձինք տեսանկարահանում կատարելու հարցի շուրջ վիճել են նույն ռեստորանի մյուս հաճախորդների հետ` կոպիտ կերպով խախտելով հասարակական կարգը, տևական ժամանակ հնչեցնելով սեռական բնույթի հայհոյանքներ, ինչն այնուհետև վերածվել է փոխադարձ հարվածների։
Ոստիկանները նրանց հայտնաբերել էին և խուլիգանություն կատարելու կասկածանքով տեղափոխել ոստիկանության Արտաշատի բաժին։
Միջադեպի մասնակիցներից 4 անձ, այդ թվում` Գոռ Համբարձումյանը, դատարանի որոշմամբ ենթարկվել են տնային կալանքի։
Հիշեցնենք, որ Գոռ Համբարձումյանը 1 ամսով կալանավորվել էր 2026 թվականի փետրվարի 12–ին` առանձնապես խոշոր չափերով փողերի լվացման, խարդախության համար, իսկ մարտի 20–ին նրա խափանման միջոցը փոխվել է տնային կալանքով։
Նշենք նաև, որ Գոռ Համբարձումյանը քրեական գործով անցնում էր նաև 2022 թվականին։ Նա ու ևս մեկ անձ մեղադրվում էին պոռնկությամբ զբաղվելուն նպաստելու մեջ։ Գոռ Համբարձումյանը գրեթե մեկ տարի կալանքի տակ էր գտնվում։ Նրա խափանման միջոցը փոխվել էր 2022 թվականի հուլիսի 8–ին, և նա ազատ էր արձակվել։ Այդ ժամանակ քրեական հետապնդումը դադարեցվել էր հանցակազմի բացակայության հիմքով։
