https://arm.sputniknews.ru/20260922/aghi-ltshi-taratsqi-eghegnery-chen-ktrvi-qaghaqapetaranic-hajtnel-en-inch-ashkhatanqner-en-arvelu-107153450.html
Աղի լճի տարածքի եղեգները չեն կտրվի. քաղաքապետարանից հայտնել են` ինչ աշխատանքներ են արվելու
Աղի լճի տարածքի եղեգները չեն կտրվի. քաղաքապետարանից հայտնել են` ինչ աշխատանքներ են արվելու
Sputnik Արմենիա
Աղի լճի տարածքում նոր ենթակառուցվածքներ են ավելանալու։ 22.09.2026, Sputnik Արմենիա
2026-09-22T17:21+0400
2026-09-22T17:21+0400
2026-09-22T17:23+0400
երևանի քաղաքապետարան
աղի լիճ
https://cdn.am.sputniknews.ru/img/1916/92/19169214_0:0:1598:899_1920x0_80_0_0_127b23ae738305ed8d86ad94bb4db313.jpg
ԵՐԵՎԱՆ, 22 սեպտեմբերի – Sputnik. Երևանում գտնվող Աղի լճի տարածքում բարեկարգման աշխատանքների շրջանակում եղեգները չեն կտրվի։ Այս մասին Sputnik Արմենիային վստահեցրին Երևանի քաղաքապետարանից։Նշենք, որ սեպտեմբերի 21-ից սոցցանցերում մարդիկ ահազանգում են, որ քաղաքապետարանի կողմից «տենդեր շահողները» սկսել են քանդել Աղի լճի հարակից եղեգնուտը, որը բնական ֆիլտր է լճի համար։ Քաղաքացիները մտավախություն ունեն, որ եղեգնուտի փոխարեն սալիկապատ տարածք է լինելու։ Երևանի քաղաքապետարանից պատասխանել էին, որ ոչ թե քանդելու են լիճը, այլ բարեկարգելու են տարածքը։Ավելին` վստահեցրին, որ պաշտոնյաների հետ հանդիպման ժամանակ տարածքի բնակիչները գոհունակություն են հայտնել, որ տարածքը բարեկարգվելու է։Քաղաքապետարանից նշեցին, որ շինարարական աշխատանքներն իրականացնելու շրջանում Աղի լճի մուտքը որոշ ժամանակով կարող է սահմանափակվել։ Ընդգծեցին նաև, որ տեղեկությունները, թե Աղի լճի բարեկարգումից հետո տարածքը վճարովի է դառնալու, իրականության հետ որևէ կապ չունեն։«Նախատեսվում է լճի աջակողմյան հատվածի բացազատում և դրա տեղում նոր ավազե ափի ստեղծում, որի նպատակն է ավելացնել այցելուներ ընդունելու հնարավորությունը: Բացի դրանից, նախատեսվում է հարմարավետ ավտոկայանատեղիի ստեղծում, տարածքի լուսավորում, զուգարանների կառուցում, նոր` հարմարավետ ցնցուղարանների, բետոնե պառկելաթախտերի, նոր շվաքարանների կառուցում, ինչպես նաև վորքաութ հատված` հագեցած մարզասարքերով»,– ասացին քաղաքապետարանից։Երևանում գողացված տերմինալը գտել են Աղի լճումՀիշեցնենք, որ սոցցանցերում օգտատերերը դժգոհում են քաղաքապետարանի աշխատանքից` ընդգծելով, որ մարդիկ տասնամյակներ շարունակ գալիս են Աղի լիճ, որպեսզի վայելեն այն, ինչը տրված է բնության կողմից, և քաղաքապետարանը պետք է բարեկարգի լճից դուրս հատվածները՝ չխաթարելով լճի էկոհամակարգը։
աղի լիճ
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երևանի քաղաքապետարան, աղի լիճ
երևանի քաղաքապետարան, աղի լիճ
Աղի լճի տարածքի եղեգները չեն կտրվի. քաղաքապետարանից հայտնել են` ինչ աշխատանքներ են արվելու
17:21 22.09.2026 (Թարմացված է: 17:23 22.09.2026) Աղի լճի տարածքում նոր ենթակառուցվածքներ են ավելանալու։
ԵՐԵՎԱՆ, 22 սեպտեմբերի – Sputnik. Երևանում գտնվող Աղի լճի տարածքում բարեկարգման աշխատանքների շրջանակում եղեգները չեն կտրվի։ Այս մասին Sputnik Արմենիային վստահեցրին Երևանի քաղաքապետարանից։
Նշենք, որ սեպտեմբերի 21-ից սոցցանցերում մարդիկ ահազանգում են, որ քաղաքապետարանի կողմից «տենդեր շահողները» սկսել են քանդել Աղի լճի հարակից եղեգնուտը, որը բնական ֆիլտր է լճի համար։
Քաղաքացիները մտավախություն ունեն, որ եղեգնուտի փոխարեն սալիկապատ տարածք է լինելու։ Երևանի քաղաքապետարանից պատասխանել էին, որ ոչ թե քանդելու են լիճը, այլ բարեկարգելու են տարածքը։
«Երևանի քաղաքապետարանի շինբարեկարգման վարչության պետ Անդրանիկ Թևոսյանը, Էրեբունու թաղապետ Հակոբ Բալայանը, այլ պաշտոնյաներ և շահագրգիռ անձինք հանդիպել են և՛ բնակիչների, և՛ տեղի այցելուների հետ։ Հիմնական դժգոհությունը եղեգների վերաբերյալ է եղել, որպեսզի չկտրվի։ Այսինքն, այն հատվածը, որտեղ բուն աշխատանքը պետք է լիներ (աջակողմյան հատված), այլ հատված է տեղափոխվում»,–նշեցին Երևանի քաղաքապետարանից։
Ավելին` վստահեցրին, որ պաշտոնյաների հետ հանդիպման ժամանակ տարածքի բնակիչները գոհունակություն են հայտնել, որ տարածքը բարեկարգվելու է։
Քաղաքապետարանից նշեցին, որ շինարարական աշխատանքներն իրականացնելու շրջանում Աղի լճի մուտքը որոշ ժամանակով կարող է սահմանափակվել։ Ընդգծեցին նաև, որ տեղեկությունները, թե Աղի լճի բարեկարգումից հետո տարածքը վճարովի է դառնալու, իրականության հետ որևէ կապ չունեն։
«Նախատեսվում է լճի աջակողմյան հատվածի բացազատում և դրա տեղում նոր ավազե ափի ստեղծում, որի նպատակն է ավելացնել այցելուներ ընդունելու հնարավորությունը: Բացի դրանից, նախատեսվում է հարմարավետ ավտոկայանատեղիի ստեղծում, տարածքի լուսավորում, զուգարանների կառուցում, նոր` հարմարավետ ցնցուղարանների, բետոնե պառկելաթախտերի, նոր շվաքարանների կառուցում, ինչպես նաև վորքաութ հատված` հագեցած մարզասարքերով»,– ասացին քաղաքապետարանից։
Հիշեցնենք, որ սոցցանցերում օգտատերերը դժգոհում են քաղաքապետարանի աշխատանքից` ընդգծելով, որ մարդիկ տասնամյակներ շարունակ գալիս են Աղի լիճ, որպեսզի վայելեն այն, ինչը տրված է բնության կողմից, և քաղաքապետարանը պետք է բարեկարգի լճից դուրս հատվածները՝ չխաթարելով լճի էկոհամակարգը։
