https://arm.sputniknews.ru/20260916/sahmanadrakan-datarany-vorvoshec-tripp-i-hamadzajnagiry-chi-hakasum-majr-orenqin-106904903.html

Սահմանադրական դատարանը որոշեց՝ TRIPP-ի համաձայնագիրը չի հակասում Մայր օրենքին

Սահմանադրական դատարանը որոշեց՝ TRIPP-ի համաձայնագիրը չի հակասում Մայր օրենքին

Sputnik Արմենիա

Սահմանադրական դատարանում սեպտեմբերի 15–ին գրավոր ընթացակարգով քննվել է TRIPP-ի վերաբերյալ համաձայնագրի և Թրամփի «Խաղաղության խորհրդի» կանոնադրությամբ ամրագրված... 16.09.2026, Sputnik Արմենիա

2026-09-16T13:22+0400

2026-09-16T13:22+0400

2026-09-16T15:24+0400

սահմանադրական դատարան

թրամփի ուղի (tripp)

հայաստան

https://cdn.am.sputniknews.ru/img/07e4/09/1a/24601626_0:85:1600:985_1920x0_80_0_0_d5b5edfe0fea3354bdedede4cf05deb0.jpg

ԵՐԵՎԱՆ, 16 սեպտեմբերի – Sputnik. Սահմանադրական դատարանը որոշում է կայացրել` TRIPP-ի համաձայնագիրը չի հակասում Մայր օրենքին, Sputnik Արմենիային հայտնեցին ՍԴ-ից։Դատաքննությունը Սահմանադրական դատարանում տևել է մի քանի ժամ։ Ամբողջական որոշումը կհրապարակվի եռօրյա ժամկետում։Նշվում է, որ Սահմանադրական դատարանում ավարտվել է TRIPP-ի վերաբերյալ համաձայնագրի և Թրամփի «Խաղաղության խորհրդի» կանոնադրությամբ ամրագրված պարտավորությունների` Սահմանադրությանը համապատասխանության հարցի քննարկումը։Սահմանադրական դատարանում սեպտեմբերի 15–ին գրավոր ընթացակարգով քննվել է TRIPP-ի վերաբերյալ համաձայնագրի և Թրամփի «Խաղաղության խորհրդի» կանոնադրությամբ ամրագրված պարտավորությունների սահմանադրականության հարցով քննությունը։Օգոստոսի 5–ին հայտնի դարձավ, որ Սահմանադրական դատարանը վարույթ է ընդունել Հայաստանի և ԱՄՆ-ի միջև «Թրամփի ուղի՝ հանուն միջազգային խաղաղության և բարգավաճման» նախագծի վերաբերյալ ռազմավարական համագործակցության շրջանակային համաձայնագրում ամրագրված պարտավորությունների՝ Սահմանադրությանը համապատասխանության հարցը։ ՍԴ որոշման համաձայն՝ գործի քննությունը պետք է սկսվեր 2026 թվականի սեպտեմբերի 15-ին՝ ժամը 11:00-ին։Փաստորեն, հարցի քննարկումը տևել է ընդամենը մի օր։TRIPP-ի վերաբերյալ շրջանակային համաձայնագիրը Երևանն ու Վաշինգտոնը նախաստորագրել էին 2026թ․ մայիսի 26-ին։ Ստորագրման գործընթացն ավարտվել էր հունիսի 4-ին՝ ԱՄՆ պետքարտուղար Մարկո Ռուբիոյի և Հայաստանի արտաքին գործերի նախարար Արարատ Միրզոյանի ստորագրություններով։ Կառավարությունը հավանություն էր տվել համաձայնագիրը վավերացնելու նախագծին և դիմել ՍԴ։ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։2026 թվականի հունվարի 14-ին հրապարակվեց«Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։

2026

Լուրեր

am_HY

սահմանադրական դատարան, թրամփի ուղի (tripp), հայաստան