https://arm.sputniknews.ru/20260914/ruben-vardanjani-kiny-geghankarchakan-havaqatsu-e-nviraberel-gjumriin-106838799.html
Ռուբեն Վարդանյանի կինը գեղանկարչական հավաքածու է նվիրաբերել Գյումրիին
Ռուբեն Վարդանյանի կինը գեղանկարչական հավաքածու է նվիրաբերել Գյումրիին
Sputnik Արմենիա
Կտավները հանձնվել են Գյումրի քաղաքի «Կումայրի» պատմամշակութային արգելոց–թանգարանին։ 14.09.2026, Sputnik Արմենիա
2026-09-14T18:34+0400
2026-09-14T18:34+0400
2026-09-14T18:34+0400
գյումրի
ռուբեն վարդանյան
վերոնիկա զոնաբենդ
նկար
https://cdn.am.sputniknews.ru/img/1967/44/19674464_0:0:1600:901_1920x0_80_0_0_5b556c22cd61bbe7248750f804a2d657.jpg
ԵՐԵՎԱՆ, 14 սեպտեմբերի – Sputnik. Բաքվի բանտում գտնվող գործարար, բարերար, Արցախի նախկին պետնախարար Ռուբեն Վարդանյանի կինը՝ Վերոնիկա Զոնաբենդը, 20 մեծածավալ կտավից կազմված գեղանկարչական հավաքածու է նվիրաբերել Գյումրի քաղաքին: Այդ մասին այսօր Ռուբեն Վարդանյանի գրասենյակը պաշտոնական հաղորդագրություն է տարածել։ Հայտարարության մեջ նշվում է, որ «Պատերազմ և խաղաղություն» խորագրի ներքո միավորված 20 գործերը «100 կտավ» հավաքածուից են, որն ընդգրկում է սոցռեալիզմի հայ և ռուս հայտնի վարպետների աշխատանքներ՝ ընտրված ձեռներեց–բարերարներ Ռուբեն Վարդանյանի, Վլադիմիր Ավետիսյանի և Վլադիմիր Նեկրասովի մասնավոր հավաքածուներից: Զոնաբենդն իր խոսքում նշել է, որ ամուսնու համար Գյումրին միշտ առանձնահատուկ քաղաք է եղել, որի զարգացմանը նա մասնակցել է իր հիմնադրամի միջոցով։ Մասնավորապես, Վարդանյանի կողմից նախաձեռնված Բարեկամության այգու վերականգնումը ներդրում է եղել քաղաքային միջավայրի զարգացման և ապագա սերունդների համար բարեկեցիկ պայմաններ ստեղծելու գործում։ «Ուրախ եմ, որ «100 կտավ» հավաքածուից ընտրված և թեմատիկ ընդհանրություն ունեցող այս գործերը կդառնան մշակութային հարուստ ավանդույթներ ունեցող Գյումրի քաղաքի ժառանգության մասը և կցուցադրվեն հանրությանը»,– ասել է Զոնաբենդը:Գյումրի համայնքի ղեկավարի փոխարինող Ավետիս Առաքելյանն իր հերթին նշել է, որ կտավները հանձնվել են Գյումրի քաղաքի «Կումայրի» պատմամշակութային արգելոց–թանգարանին և առաջիկայում ցուցահանդեսի միջոցով կներկայացվեն քաղաքի արվեստասեր բնակչությանն ու ու հյուրերին:
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գյումրի, ռուբեն վարդանյան, վերոնիկա զոնաբենդ, նկար
գյումրի, ռուբեն վարդանյան, վերոնիկա զոնաբենդ, նկար
Ռուբեն Վարդանյանի կինը գեղանկարչական հավաքածու է նվիրաբերել Գյումրիին
Կտավները հանձնվել են Գյումրի քաղաքի «Կումայրի» պատմամշակութային արգելոց–թանգարանին։
ԵՐԵՎԱՆ, 14 սեպտեմբերի – Sputnik. Բաքվի բանտում գտնվող գործարար, բարերար, Արցախի նախկին պետնախարար Ռուբեն Վարդանյանի կինը՝ Վերոնիկա Զոնաբենդը, 20 մեծածավալ կտավից կազմված գեղանկարչական հավաքածու է նվիրաբերել Գյումրի քաղաքին: Այդ մասին այսօր Ռուբեն Վարդանյանի գրասենյակը պաշտոնական հաղորդագրություն է տարածել։
Հայտարարության մեջ նշվում է, որ «Պատերազմ և խաղաղություն» խորագրի ներքո միավորված 20 գործերը «100 կտավ» հավաքածուից են, որն ընդգրկում է սոցռեալիզմի հայ և ռուս հայտնի վարպետների աշխատանքներ՝ ընտրված ձեռներեց–բարերարներ Ռուբեն Վարդանյանի, Վլադիմիր Ավետիսյանի և Վլադիմիր Նեկրասովի մասնավոր հավաքածուներից:
«Գյումրիին նվիրաբերված հավաքածուի կտավները նվիրված են Հայրենական մեծ պատերազմի հիշողությանն ու հետպատերազմյան ժամանակաշրջանին, ներառում են Բելերֆոն Դալլաքյանի, Վիկտոր Աբրահամյանի, Ալեքսանդր Տատարենկոյի, Նիկոլայ Լոմակինի և այլ նկարիչների գործեր։ Այդ աշխատանքները ցուցադրվել են նաև արտերկրի բազմաթիվ ցուցահանդեսներում»,– ասված է հաղորդագրության մեջ։
Զոնաբենդն իր խոսքում նշել է, որ ամուսնու համար Գյումրին միշտ առանձնահատուկ քաղաք է եղել, որի զարգացմանը նա մասնակցել է իր հիմնադրամի միջոցով։ Մասնավորապես, Վարդանյանի կողմից նախաձեռնված Բարեկամության այգու վերականգնումը ներդրում է եղել քաղաքային միջավայրի զարգացման և ապագա սերունդների համար բարեկեցիկ պայմաններ ստեղծելու գործում։
«Ուրախ եմ, որ «100 կտավ» հավաքածուից ընտրված և թեմատիկ ընդհանրություն ունեցող այս գործերը կդառնան մշակութային հարուստ ավանդույթներ ունեցող Գյումրի քաղաքի ժառանգության մասը և կցուցադրվեն հանրությանը»,– ասել է Զոնաբենդը:
Գյումրի համայնքի ղեկավարի փոխարինող Ավետիս Առաքելյանն իր հերթին նշել է, որ կտավները հանձնվել են Գյումրի քաղաքի «Կումայրի» պատմամշակութային արգելոց–թանգարանին և առաջիկայում ցուցահանդեսի միջոցով կներկայացվեն քաղաքի արվեստասեր բնակչությանն ու ու հյուրերին:
