https://arm.sputniknews.ru/20260909/hraparakvats-bvolvor-zenqern-orinakan-en-khachatrjani-pashtpanakan-kvoghmy-qk-i-tesanjuti-masin-106645124.html
Հրապարակված բոլոր զենքերն օրինական են. Խաչատրյանի պաշտպանական կողմը՝ ՔԿ-ի տեսանյութի մասին
Հրապարակված բոլոր զենքերն օրինական են. Խաչատրյանի պաշտպանական կողմը՝ ՔԿ-ի տեսանյութի մասին
Sputnik Արմենիա
Գագիկ Խաչատրյանի պաշտպանները պնդում են՝ խուզարկությունների ժամանակ ապօրինի են գույք առգրավել։ 09.09.2026, Sputnik Արմենիա
2026-09-09T20:22+0400
2026-09-09T20:22+0400
2026-09-09T20:22+0400
գագիկ խաչատրյան
հհ քննչական կոմիտե
խուզարկություն
https://cdn.am.sputniknews.ru/img/07ea/09/09/106645431_0:255:1164:909_1920x0_80_0_0_809b49ee2945c41ddf3b40b6e1e1d956.jpg
ՀՀ ֆինանսների նախկին նախարար, ՊԵԿ նախկին նախագահ Գագիկ Խաչատրյանի տանը սեպտեմբերի 1-ին և 4-ին իրականացված խուզարկությունների ժամանակ Քննչական կոմիտեն մի շարք խախտումներ է թույլ տվել։ Այս մասին հայտարարություն է տարածել նրա փաստաբանական թիմը։Այսօր Քննչական կոմիտեն Գագիկ Խաչատրյանի տան խուզարկությունից հետո առանց մեկնաբանությա տեսանյութ էր տարածել, որտեղ երևում էին զենքեր, տարատեսակ նկարներ, զարդեր և այլն։Փաստաբանների պնդմամբ՝ խուզարկությունների ընթացքում առգրավված բոլոր հրազեններն օրինական են եղել։ Դրանք վերցվել են զենքի օրինական տիրապետումը հաստատող թույլտվությունների և հաշվառման փաստաթղթերի հետ միասին։ Պաշտպանական կողմը անհիմն և անօրինական է համարում դրանց առգրավումը։Փաստաբանները վիճարկում են նաև զարդերի, ժամացույցների, նկարների, զարդատուփերի, գրիչների և գրելու հավաքածուների առգրավումը։ Նրանց խոսքով՝ դատարանի որոշմամբ այդ իրերը որոնման և վերցնելու ենթակա չեն եղել։ Պաշտպանական կողմը նաև պնդում է, որ զարդերն ու ժամացույցները ընտանիքը ձեռք է բերել կամ նվեր ստացել դեռևս 1970-ական թվականներից։Պաշտպանական կողմը դժգոհություն է հայտնել նաև Քննչական կոմիտեի կողմից խուզարկությունների ընթացքում արված կադրերի հրապարակումից։ Փաստաբանների պնդմամբ՝ բնակարանների ներքին կահավորանքի և անձնական կյանքին վերաբերող այլ տվյալների հրապարակմամբ խախտվում է անձնական և ընտանեկան կյանքի անձեռնմխելիության իրավունքը։Պաշտպանները հայտարարում են, որ պատրաստվում են սահմանված կարգով վիճարկել առգրավումների իրավաչափությունը և պահանջել, իրենց գնահատմամբ, ապօրինի առգրավված գույքի վերադարձը։ Նրանք նաև կոչ են արել իրավապահներին գործել օրենքի շրջանակում և հայտնել, որ շարունակելու են հետևել քրեական գործի ընթացքին։Հիշեցնենք՝ սեպտեմբերի 1-ին հայտնի դարձավ, որ Խաչատրյանը ձերբակալվել է և տեղափոխվել ՀՀ քննչական կոմիտե։ Նրա փաստաբանական խումբը կադրեր հրապարակեց` նշելով, որ Խաչատրյանի բուժման համար ներպետական իրավական հասանելի միջոցները փաստացի սպառվել են, իսկ նախկին պաշտոնյայի առողջական վիճակը շարունակում է մնալ ծայրահեղ ծանր։ Ըստ փաստաբանական խմբի՝ դեռ 2015 թվականին Խաչատրյանի մոտ ախտորոշվել է ողնաշարի ստենոզ։ Նրա պարանոցում տեղադրված են հատուկ իմպլանտներ, որոնք, փաստաբանների պնդմամբ, Հայաստանում չեն կիրառվում։Սեպտեմբերի 2-ին ՊԵԿ– նախկին նախագահը 2 ամսով կալանավորվեց։Նա մեղադրվում է առանձնապես խոշոր չափերով կաշառք ստանալու և առանձնապես խոշոր չափերով փողերի լվացման մեջ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Հրապարակված բոլոր զենքերն օրինական են. Խաչատրյանի պաշտպանական կողմը՝ ՔԿ-ի տեսանյութի մասին
Sputnik Արմենիա
Հրապարակված բոլոր զենքերն օրինական են. Խաչատրյանի պաշտպանական կողմը՝ ՔԿ-ի տեսանյութի մասին
2026-09-09T20:22+0400
true
PT1M19S
Sputnik Արմենիա
media@sputniknews.com
+74956456601
MIA „Rossiya Segodnya“
գագիկ խաչատրյան, հհ քննչական կոմիտե, խուզարկություն, видео
գագիկ խաչատրյան, հհ քննչական կոմիտե, խուզարկություն, видео
Հրապարակված բոլոր զենքերն օրինական են. Խաչատրյանի պաշտպանական կողմը՝ ՔԿ-ի տեսանյութի մասին
Գագիկ Խաչատրյանի պաշտպանները պնդում են՝ խուզարկությունների ժամանակ ապօրինի են գույք առգրավել։
ՀՀ ֆինանսների նախկին նախարար, ՊԵԿ նախկին նախագահ Գագիկ Խաչատրյանի տանը սեպտեմբերի 1-ին և 4-ին իրականացված խուզարկությունների ժամանակ Քննչական կոմիտեն մի շարք խախտումներ է թույլ տվել։ Այս մասին հայտարարություն է տարածել նրա փաստաբանական թիմը։
Այսօր Քննչական կոմիտեն Գագիկ Խաչատրյանի տան խուզարկությունից հետո առանց մեկնաբանությա տեսանյութ էր տարածել, որտեղ երևում էին զենքեր, տարատեսակ նկարներ, զարդեր և այլն։
Փաստաբանների պնդմամբ՝ խուզարկությունների ընթացքում առգրավված բոլոր հրազեններն օրինական են եղել։ Դրանք վերցվել են զենքի օրինական տիրապետումը հաստատող թույլտվությունների և հաշվառման փաստաթղթերի հետ միասին։ Պաշտպանական կողմը անհիմն և անօրինական է համարում դրանց առգրավումը։
Փաստաբանները վիճարկում են նաև զարդերի, ժամացույցների, նկարների, զարդատուփերի, գրիչների և գրելու հավաքածուների առգրավումը։ Նրանց խոսքով՝ դատարանի որոշմամբ այդ իրերը որոնման և վերցնելու ենթակա չեն եղել։ Պաշտպանական կողմը նաև պնդում է, որ զարդերն ու ժամացույցները ընտանիքը ձեռք է բերել կամ նվեր ստացել դեռևս 1970-ական թվականներից։
Ըստ հայտարարության՝ առգրավված նկարների, զարդերի, ժամացույցների և զարդատուփերի վրա չեն արձանագրվել հետքեր, նույնականացնող համարներ կամ այլ հատկանիշներ, որոնք դրանք կկապեին Խաչատրյանին առաջադրված մեղադրանքի հետ։ Փաստաբանների գնահատմամբ՝ այդ գույքի առգրավումը կատարվել է կամայականորեն՝ «շոու բեմադրելու նպատակով»։
Պաշտպանական կողմը դժգոհություն է հայտնել նաև Քննչական կոմիտեի կողմից խուզարկությունների ընթացքում արված կադրերի հրապարակումից։ Փաստաբանների պնդմամբ՝ բնակարանների ներքին կահավորանքի և անձնական կյանքին վերաբերող այլ տվյալների հրապարակմամբ խախտվում է անձնական և ընտանեկան կյանքի անձեռնմխելիության իրավունքը։
Պաշտպանները հայտարարում են, որ պատրաստվում են սահմանված կարգով վիճարկել առգրավումների իրավաչափությունը և պահանջել, իրենց գնահատմամբ, ապօրինի առգրավված գույքի վերադարձը։ Նրանք նաև կոչ են արել իրավապահներին գործել օրենքի շրջանակում և հայտնել, որ շարունակելու են հետևել քրեական գործի ընթացքին։
Հիշեցնենք՝ սեպտեմբերի 1-ին
հայտնի դարձավ, որ Խաչատրյանը ձերբակալվել է և տեղափոխվել ՀՀ քննչական կոմիտե։ Նրա փաստաբանական խումբը
կադրեր հրապարակեց` նշելով, որ Խաչատրյանի բուժման համար ներպետական իրավական հասանելի միջոցները փաստացի սպառվել են, իսկ նախկին պաշտոնյայի առողջական վիճակը շարունակում է մնալ ծայրահեղ ծանր։ Ըստ փաստաբանական խմբի՝ դեռ 2015 թվականին Խաչատրյանի մոտ ախտորոշվել է ողնաշարի ստենոզ։ Նրա պարանոցում տեղադրված են հատուկ իմպլանտներ, որոնք, փաստաբանների պնդմամբ, Հայաստանում չեն կիրառվում։
Սեպտեմբերի 2-ին ՊԵԿ– նախկին նախագահը
2 ամսով կալանավորվեց։
Նա մեղադրվում է առանձնապես խոշոր չափերով կաշառք ստանալու և առանձնապես խոշոր չափերով փողերի լվացման մեջ։
