Իրավիճակը Մերձավոր Արևելքում. ԱՄՆ-ն ու Իրանը հարվածներ են փոխանակել
08:45 02.09.2026 (Թարմացված է: 08:59 02.09.2026)
© REUTERS / U.S. Central Command
Բաժանորդագրվել
ԵՐԵՎԱՆ, 2 սեպտեմբերի - Sputnik. ԱՄՆ-ն ու Իրանն անցած գիշեր հարվածներ են փոխանակել։
Եվ այսպես.
Իրանական Սիրիկում հարսանիքի ժամանակ ամերիկյան հարվածից հետո զոհերի թիվը հասել է 5-ի: Հայտնի է նաև 50 վիրավորի մասին։
ԻՀՊԿ-ն գրոհել Է Իրաքյան Քուրդիստանում տեղակայված ԱՄՆ ռազմակայանը։ Էրբիլի ուղղությամբ իրանական հարվածի հետևանքով ոչնչացվել են տեխնիկայի պահեստներ, վառելիքի պահուստարաններ, ամերիկացի զինվորականների շրջանում կան զոհեր, պնդում են մերձավորարևելյան լրատվամիջոցները:
Թեհրանը հարված է հասցրել նաև Հորդանանում ԱՄՆ-ի «Արքայազն Հասան» ավիաբազային. խոցվել են ԱԹՍ-ների անգարներ, RQ -4 և MQ -9 դրոնների մի մասը, թռիչքատեխնիկական անձնակազմի շրջանում կան զոհեր:
ԻՀՊԿ-ն ևս մեկ հարված Է հասցրել Բահրեյնում գտնվող «Շեյխ Իսա» ամերիկյան ռազմակայանին։
Իր հերթին Իսրայելը կրկին հարձակվել է Լիբանանի հարավի վրա:
Ամերիկացիները հայտարարում են Իրանում մոտ 100 թիրախ խոցելու մասին։ Դրանց թվում են ԻՀՊԿ-ի հակաօդային պաշտպանության օբյեկտները, ռադիոտեղորոշիչ համակարգերը, ծովային կառույցները, ականապատման միջոցներն ու կապի օբյեկտները։ Խոցվել են նաև 2 լցանավ։
Հիշեցնենք` ԱՄՆ-ն և Իսրայելը փետրվարի 28-ին սկսեցին հարվածներ հասցնել Իրանի տարածքում գտնվող օբյեկտներին, իրանական կողմի պատասխանը չուշացավ։ Հունիսի կեսերին Թեհրանն ու Վաշինգտոնը ռազմական գործողությունները դադարեցնելու մասին հուշագիր ստորագրեցին, սակայն որոշ ժամանակ անց հարվածները վերսկսվեցին։ Դոնալդ Թրամփը սեպտեմբերի 1-ին հայտարարել է, որ Իրանի վրա խոշորագույն հարձակումը սարերի հետևում չէ, որից հետո, ըստ նրա, ոչինչ չի մնա։
