https://arm.sputniknews.ru/20260831/rdn-ajakcum-e-arktikaji-kajacmany-vorpes-evrasiajum-hamagvortsakcutjan-taratsq-lavrvov-106277816.html
ՌԴ–ն աջակցում է Արկտիկայի կայացմանը որպես Եվրասիայում համագործակցության տարածք․ Լավրով
ՌԴ–ն աջակցում է Արկտիկայի կայացմանը որպես Եվրասիայում համագործակցության տարածք․ Լավրով
Sputnik Արմենիա
Ռուսաստանը պատրաստ է Արկտիկայում ակտիվ համագործակցության ԱՊՀ գծով դաշնակիցների և գործընկերների հետ։ 31.08.2026, Sputnik Արմենիա
2026-08-31T09:37+0400
2026-08-31T09:37+0400
2026-08-31T09:37+0400
ռուսաստան
արկտիկա
սերգեյ լավրով
https://cdn.am.sputniknews.ru/img/07ea/08/1c/106202298_0:12:900:518_1920x0_80_0_0_b3fdedc66031cbeac4911ae8f6530fc1.jpg
ԵՐԵՎԱՆ, 31 օգոստոսի – Sputnik. Ռուսաստանն աջակցում է Արկտիկայի կայացմանը որպես Եվրասիայում անվտանգության և համագործակցության ընդհանուր տարածք։ Այս մասին ասված է ՌԴ ԱԳՆ ղեկավար Սերգեյ Լավրովի հոդվածում, որը նա գրել է Arctic.ru–ի համար հրապարակվել է ria.ru կայքում։«Աջակցում ենք Արկտիկայի կայացմանը որպես Եվրասիայում անվտանգության և համագործակցության համամայրցամաքային տարածքի անբաժանելի մաս»,- գրել է Լավրովը։Նա նշել է, որ Ռուսաստանը Անդրբևեռում սերտ համագործակցություն է հաստատել Չինաստանի և Հնդկաստանի հետ, ընդ որում՝ Արկտիկան կարող է դառնալ Նյու Դելիի հետ առաջիկա 20 տարիների գործընկերության առաջատար ուղղություններից մեկը։Պեկինի հետ Արկտիկայի թեման բովանդակալից քննարկվում է վարչապետների կանոնավոր հանդիպումների ընթացքում։ Գործում են Հյուսիսային ծովային ուղու հարցերով երկկողմ մասնագիտական ենթահանձնաժողովը, արտգործնախարարությունների միջև խորհրդակցությունների և գիտական փոխանակումների մեխանիզմները։«Արդյունքները խոսուն են․ դա և՛ Ռուսաստանի հյուսիսային ծովերով կանոնավոր կոնտեյներային փոխադրումների մեկնարկն է՝ դրանց քանակի ավելացման ծրագրերով, և՛ այլ ձեռքբերումներ, այդ թվում՝ բևեռային հետազոտությունների ոլորտում»,- նշել է Լավրովը։ՌԴ արտգործնախարարն ընդգծել է` Ռուսաստանը պատրաստ է ակտիվորեն զարգացնել արկտիկական տարածաշրջանում գործնական համագործակցությունը Բելառուսի, ինչպես նաև ԱՊՀ տարածքի մյուս դաշնակիցների և գործընկերների հետ։Արտաքին քաղաքական գերատեսչության ղեկավարը նշել է, որ արկտիկական գոտու և Հյուսիսային ծովային ուղու տրանսպորտային-լոգիստիկ պոտենցիալի համալիր զարգացումը լայն հնարավորություններ է բացում համատեղ ծրագրերի համար։«Արկտիկայում Ռուսաստանը ձգտում է խաղաղության և կայունության պահպանմանը, ազգային անվտանգությանը սպառնացող վտանգների մակարդակի նվազեցմանը, երկրի սոցիալ-տնտեսական զարգացման համար բարենպաստ արտաքին պայմանների ստեղծմանը»,- հավելել է նա։Լավրովի խոսքով` այս դրույթների գործնական իրականացման նպատակով Մոսկվան բաց է փոխգործակցության համար կառուցողական տրամադրված բոլոր օտարերկրյա պետությունների հետ, որոնք նույնպիսի պատրաստակամություն են ցուցաբերում:
արկտիկա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, արկտիկա, սերգեյ լավրով
ռուսաստան, արկտիկա, սերգեյ լավրով
ՌԴ–ն աջակցում է Արկտիկայի կայացմանը որպես Եվրասիայում համագործակցության տարածք․ Լավրով
Ռուսաստանը պատրաստ է Արկտիկայում ակտիվ համագործակցության ԱՊՀ գծով դաշնակիցների և գործընկերների հետ։
ԵՐԵՎԱՆ, 31 օգոստոսի – Sputnik. Ռուսաստանն աջակցում է Արկտիկայի կայացմանը որպես Եվրասիայում անվտանգության և համագործակցության ընդհանուր տարածք։ Այս մասին ասված է ՌԴ ԱԳՆ ղեկավար Սերգեյ Լավրովի հոդվածում, որը նա գրել է Arctic.ru–ի համար հրապարակվել է ria.ru կայքում։
«Աջակցում ենք Արկտիկայի կայացմանը որպես Եվրասիայում անվտանգության և համագործակցության համամայրցամաքային տարածքի անբաժանելի մաս»,- գրել է Լավրովը։
Նա նշել է, որ Ռուսաստանը Անդրբևեռում սերտ համագործակցություն է հաստատել Չինաստանի և Հնդկաստանի հետ, ընդ որում՝ Արկտիկան կարող է դառնալ Նյու Դելիի հետ առաջիկա 20 տարիների գործընկերության առաջատար ուղղություններից մեկը։
Պեկինի հետ Արկտիկայի թեման բովանդակալից քննարկվում է վարչապետների կանոնավոր հանդիպումների ընթացքում։ Գործում են Հյուսիսային ծովային ուղու հարցերով երկկողմ մասնագիտական ենթահանձնաժողովը, արտգործնախարարությունների միջև խորհրդակցությունների և գիտական փոխանակումների մեխանիզմները։
«Արդյունքները խոսուն են․ դա և՛ Ռուսաստանի հյուսիսային ծովերով կանոնավոր կոնտեյներային փոխադրումների մեկնարկն է՝ դրանց քանակի ավելացման ծրագրերով, և՛ այլ ձեռքբերումներ, այդ թվում՝ բևեռային հետազոտությունների ոլորտում»,- նշել է Լավրովը։
ՌԴ արտգործնախարարն ընդգծել է` Ռուսաստանը պատրաստ է ակտիվորեն զարգացնել արկտիկական տարածաշրջանում գործնական համագործակցությունը Բելառուսի, ինչպես նաև ԱՊՀ տարածքի մյուս դաշնակիցների և գործընկերների հետ։
«Ծայրագույն Հյուսիսում փոխգործակցության հեռանկարներ կան Բրազիլիայի, Ինդոնեզիայի, Իրանի, ԲՐԻԿՍ-ի այլ երկրների հետ։ Մենք պատրաստ ենք զարգացնել համագործակցությունը Բելառուսի, ԱՊՀ տարածքում մյուս դաշնակիցների և գործընկերների հետ»,- նշել է նա։
Արտաքին քաղաքական գերատեսչության ղեկավարը նշել է, որ արկտիկական գոտու և Հյուսիսային ծովային ուղու տրանսպորտային-լոգիստիկ պոտենցիալի համալիր զարգացումը լայն հնարավորություններ է բացում համատեղ ծրագրերի համար։
«Արկտիկայում Ռուսաստանը ձգտում է խաղաղության և կայունության պահպանմանը, ազգային անվտանգությանը սպառնացող վտանգների մակարդակի նվազեցմանը, երկրի սոցիալ-տնտեսական զարգացման համար բարենպաստ արտաքին պայմանների ստեղծմանը»,- հավելել է նա։
Լավրովի խոսքով` այս դրույթների գործնական իրականացման նպատակով Մոսկվան բաց է փոխգործակցության համար կառուցողական տրամադրված բոլոր օտարերկրյա պետությունների հետ, որոնք նույնպիսի պատրաստակամություն են ցուցաբերում:
