28-ամյա կինը ոչ սթափ վիճակում սպանել է 43-ամյա տղամարդուն. ՆԳՆ
Բաժանորդագրվել
Նախնական տվյալներով՝ տղամարդը կենցաղային հարցերի շուրջ վիճաբանել է իր հետ նույն շինությունում փաստացի բնակվող 28-ամյա մի կնոջ հետ։
ԵՐԵՎԱՆ, 30 օգոստոսի - Sputnik. Այսօր ժամը 20։40-ին, ՆԳՆ 112 օպերատիվ կառավարման կենտրոն ահազանգ է ստացվել, որ «կտրած-ծակած վերք» ախտորոշմամբ բժշկական կենտրոն է տեղափոխվել մի 43-ամյա մի տղամարդ, որը մահացել է։
Տեղեկությունը հայտնում են ՆԳՆ ոստիկանությունից։
«Անհետաձգելի օպերատիվ-հետախուզական միջոցառումների արդյունքում պարզվել է, որ, ըստ նախնական տվյալների, տղամարդը կենցաղային հարցերի շուրջ վիճաբանել է իր հետ նույն շինությունում փաստացի բնակվող 28-ամյա մի կնոջ հետ, որն էլ, գտնվելով ոչ սթափ վիճակում, դանակով հարվածել է նրան։ 28-ամյա կինը հայտնաբերվել, ձերբակալվել և տեղափոխվել է Համայնքային ոստիկանության Վաղարշապատի բաժին»,-նշված է հաղորդագրության մեջ։
Դեպքի հանգամանքները պարզվում են։ Կատարվում է քննություն:
