https://arm.sputniknews.ru/20260826/azh-um-qp-khmbakcutjunn-anynduneli-varqagits-e-drsevvorel-geragujn-hvogevvor-khvorhurd-106150368.html

ԱԺ-ում ՔՊ խմբակցությունն անընդունելի վարքագիծ է դրսևորել․ Գերագույն հոգևոր խորհուրդ

ԱԺ-ում ՔՊ խմբակցությունն անընդունելի վարքագիծ է դրսևորել․ Գերագույն հոգևոր խորհուրդ

Sputnik Արմենիա

Նշվում է, որ գործադիրը չունի որևէ լիազորություն և Սահմանադրությամբ ամրագրված իրավասություն եկեղեցու բարենորոգությունը կառավարության ծրագրի մաս դարձնելու համար։ 26.08.2026, Sputnik Արմենիա

2026-08-26T19:31+0400

2026-08-26T19:31+0400

2026-08-26T19:36+0400

հայ առաքելական եկեղեցի

«քաղաքացիական պայմանագիր» կուսակցություն (քպ)

գերագույն հոգևոր խորհուրդ

աժ (ազգային ժողով)

https://cdn.am.sputniknews.ru/img/07ea/08/1a/106149124_0:73:1400:861_1920x0_80_0_0_f648e1aa20e8bf08e7b16df029d1de48.jpg

ԵՐԵՎԱՆ, 26 օգոստոսի – Sputnik․ Նորակազմ Ազգային ժողովում վերջին օրերին ՔՊ խմբակցությունը դրսևորում է անընդունելի վարքագիծ։ Այս մասին ասվում է Գերագույն հոգևոր խորհրդի տարածած հայտարարության մեջ։Նշենք, որ ԱԺ–ում կառավարության հնգամյա ծրագիրիը քննարկելու ժամանակ հաճախ իշխող կուսակցության ներկայացուցիչները և անձամբ ՀՀ վարչապետ Նիկոլ Փաշինյանը, Ամենայան հայոց կաթողիկոսին կոչում էին ավազանի անունով, ինչը ընդդիմությունը ընդունում էր աղմուկ–աղաղակ անելով։ Օգոստոսի 25–ին էլ Փաշինյանը ԱԺ–ում հայտարարեց, թե մոտ մեկ ամսից ՀՀ կառավարությունը կընդունի Հայաստանյայց առաքելական սուրբ եկեղեցուն վերաբերող զեկույցը, որից հետո այն կներկայացվի խորհրդարանին։Նշվում է, որ հայրենիքի առջև ծառացած բազմապիսի մարտահրավերների պայմաններում իշխող ուժը կառավարության ծրագրի քննարկման ընթացքում, ոտնահարելով Սահմանադրությունը, կրկին թիրախավորում է եկեղեցին։ Ամեն ջանք գործադրվում է Մայր աթոռի, Ամենայն հայոց կաթողիկոսի և հոգևոր դասի դեմ կեղծ մեղադրանքներով և քրեական հետապնդումներով արհեստական հիմքեր ստեղծել ներեկեղեցական կյանքին ու կարգուկանոնին միջամտելու և Հայոց եկեղեցու ինքնավարությունը սահմանափակելու համար՝ այդպիսով ոտնահարելով հավատացյալների կրոնի և խղճի ազատության իրավունքը։ Գերագույն հոգևոր խորհուրդը նշում է, որ եկեղեցին վարկաբեկելու, եկեղեցականներին անվանարկելու և թվացյալ ճգնաժամ առաջ բերելու նկրտումներով իշխանությունները կեղծ մեղսագրումներ են կատարում՝ անվանելով «օտար ազդեցության գործակալ», «պետություն պետության մեջ» կամ էլ Արցախի, արցախահայության իրավունքների, հայ գերիների վերադարձի հիշատակումների համար մեղադրում են «պատերազմի կուսակցություն» և «անվտանգության սպառնալիք» լինելու մեջ։Շեշտվում է, որ Հայոց եկեղեցին, հավատարիմ մնալով իր առաքելությանը, մշտապես առաջնորդվում է պետության և աշխարհասփյուռ հայ ժողովրդի շահերով։ Հայոց եկեղեցին շարունակելու է լինել մեր ինքնության, ազգային միաբանության պաշտպանը՝ ամենայն ջանք գործադրելով հանուն ժողովրդի խաղաղ ու ապահով կյանքի։Հիշեցնենք` օգոստոսի 20-ի նիստում հավանության արժանացավ կառավարության գործունեության 2026-31թթ–ի ծրագիրը, որը տնտեսությանը, ներքին ու արտաքին քաղաքականությանը վերաբերող դրույթներից բացի, ներառում է նաև «Հոգևոր անվտանգություն» առանձին գլուխ, որտեղ որպես կենսական անհրաժեշտություն է ներկայացվում Հայաստանյայց առաքելական սուրբ եկեղեցու «բարենորոգումը»։

2026

Լուրեր

am_HY

հայ առաքելական եկեղեցի, «քաղաքացիական պայմանագիր» կուսակցություն (քպ), գերագույն հոգևոր խորհուրդ, աժ (ազգային ժողով)