Ուկրաինայի ԶՈւ-ն հարվածել է Գորլովկայի մայր տաճարին, տուժել է 2 հոգևորական. Պուշիլին
20:20 23.08.2026 (Թարմացված է: 20:32 23.08.2026)
© Sputnik / Сергей Батурин
/ Բաժանորդագրվել
Ուկրաինայի ԶՈւ-ն տաճարին հարված է հասցրել Hornet ԱԹՍ-ով։
ԵՐԵՎԱՆ, 23 օգոստոսի – Sputnik. Չորս մարդ միջին ծանրության վիրավորումներ են ստացել Գորլովկայի (ԴԺՀ) Սուրբ Աստվածահայտնության մայր տաճարի վրա Ուկրաինայի ԶՈւ-ի հարձակման հետևանքով, նրանց թվում կան հոգևորականներ և կամավորներ։ Այս մասին հայտնել է ԴԺՀ ղեկավար Դենիս Պուշիլինը։
«Կիրակի օրը պատարագի ժամանակ ՈւԶԿ-ի (Ուկրաինայի զինված կազմավորումներ` խմբ․) հարվածի տակ է հայտնվել Գորլովկայի Կենտրոնական-քաղաքային շրջանի Սուրբ Աստվածահայտնության մայր տաճարը։ Ուկրաինական հարձակման հետևանքով տուժել է չորս մարդ։ Նրանց թվում կան հոգևորականներ և կամավորներ, որոնք մարդասիրական առաքելություն էին իրականացնում օգնելով խաղաղ բնակիչներին»,-սոցցանցում գրել է Պուշիլինը։
Նա հավելել է, որ բժշկական օգնության կարիք են ունեցել Գորլովկայի և Սլավյանսկի թեմի առաջնորդ Միտրոֆան սրբազանը, տաճարի քահանա Ռոման Ստյոպինը, Պատրիարքական մարդասիրական առաքելության կամավորներ Սերգեյ Սոլոդկովը և Եկատերինա Կուպցովան։
«Սա սովորական գնդակոծություն չէ։ Սա հարված է սրբավայրին, նրանց, ովքեր օգնում են մարդկանց։ Ուկրաինան հերթական անգամ ցույց տվեց իր հակամարդկային էությունը՝ պատերազմելով խաղաղ և անպաշտպան մարդկանց դեմ»,-նշել է Պուշիլինը։
Օպերատիվ ծառայություններից ՌԻԱ Նովոստիին հայտնել են, որ Ուկրաինայի ԶՈւ-ն հարվածը հասցրել է Hornet ԱԹՍ-ի օգնությամբ։
«Սա սովորական գնդակոծություն չէ։ Սա հարված է սրբավայրին, նրանց, ովքեր օգնում են մարդկանց։ Ուկրաինան հերթական անգամ ցույց տվեց իր հակամարդկային էությունը՝ պատերազմելով խաղաղ և անպաշտպան մարդկանց դեմ»,-նշել է Պուշիլինը։
Օպերատիվ ծառայություններից ՌԻԱ Նովոստիին հայտնել են, որ Ուկրաինայի ԶՈւ-ն հարվածը հասցրել է Hornet ԱԹՍ-ի օգնությամբ։
