https://arm.sputniknews.ru/20260823/ukrainaji-zu-harvatsnery-rusastani-shrjannerin-kan-zvoher-ev-viravvorner-106032444.html
Ուկրաինայի ԶՈւ հարվածները Ռուսաստանի շրջաններին․ կան զոհեր և վիրավորներ
Ուկրաինայի ԶՈւ հարվածները Ռուսաստանի շրջաններին․ կան զոհեր և վիրավորներ
Sputnik Արմենիա
Ուկրաինայի ԶՈւ-ն հարվածում է քաղաքացիական ենթակառուցվածքներին, բնակելի տներին և ավտոմեքենաներին։ 23.08.2026, Sputnik Արմենիա
2026-08-23T18:30+0400
2026-08-23T18:30+0400
2026-08-23T18:39+0400
դոնբասի պաշտպանություն. ռդ–ի ռազմական հատուկ գործողությունը ուկրաինայում
ռուսաստան
ուկրաինա
անօդաչու թռչող սարք (աթս)
պատերազմ
https://cdn.am.sputniknews.ru/img/07e9/04/0f/87819596_0:122:1280:842_1920x0_80_0_0_746d04519214ce13b322768d300cf3f3.jpg
ԵՐԵՎԱՆ, 23 օգոստոսի – Sputnik. ՌԴ Տուլայի մարզի Պլեխանովո ավանին ԱԹՍ-ի հարվածը հետ մղելու հետևանքով կին է զոհվել, այս մասին հայտնել է մարզպետ Դմիտրի Միլյաևը։«Այսօր Պլեխանովո ավանում ԱԹՍ-ի հարձակման հետմղման հետևանքով, ցավոք, մասնավոր տանը կին է զոհվել։ Նախնական տեղեկություններով՝ այլ տուժածներ չկան։ Դեպքի վայրում աշխատում են օպերատիվ ծառայությունները»,-իր Telegram-ալիքում գրել է Միլյաևը։Բելգորոդի մարզում, ըստ տարածաշրջանային օպերատիվ շտաբի տվյալների, նույնպես կա զոհ և տուժածներ։Բացի այդ, Ուկրաինայի ԶՈւ–ի հարձակումների հետևանքով տուժել է մոտ տասնյակ մարդ, այդ թվում՝ 16-ամյա աղջիկ և «Օրլան» ստորաբաժանման մարտիկ։Նշվում է, որ հարվածները դիպել են քաղաքացիական ենթակառուցվածքներին, բնակելի շենքերին և ավտոմեքենաներին։ Շեբեկինոյում անօդաչուները հարձակվել են ձեռնարկության տարածքի վրա, ինչի հետևանքով հրդեհ է բռնկվել, վնասվել են սարքավորումները։Եվս մեկ 16-ամյա աղջիկ տուժել է Սևաստոպոլի վրա Ուկրաինայի ԶՈւ–ի հարձակումը հետ մղելիս։ Ինչպես հայտնել է մարզպետ Միխայիլ Ռազվոժաևը, նա բեկորային վիրավորում է ստացել։Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Մարտական գործողություններն ընթանում են մինչ օրս։Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, ուկրաինա, անօդաչու թռչող սարք (աթս), պատերազմ
ռուսաստան, ուկրաինա, անօդաչու թռչող սարք (աթս), պատերազմ
Ուկրաինայի ԶՈւ հարվածները Ռուսաստանի շրջաններին․ կան զոհեր և վիրավորներ
18:30 23.08.2026 (Թարմացված է: 18:39 23.08.2026) Ուկրաինայի ԶՈւ-ն հարվածում է քաղաքացիական ենթակառուցվածքներին, բնակելի տներին և ավտոմեքենաներին։
ԵՐԵՎԱՆ, 23 օգոստոսի – Sputnik. ՌԴ Տուլայի մարզի Պլեխանովո ավանին ԱԹՍ-ի հարվածը հետ մղելու հետևանքով կին է զոհվել, այս մասին հայտնել է մարզպետ Դմիտրի Միլյաևը։
«Այսօր Պլեխանովո ավանում ԱԹՍ-ի հարձակման հետմղման հետևանքով, ցավոք, մասնավոր տանը կին է զոհվել։ Նախնական տեղեկություններով՝ այլ տուժածներ չկան։ Դեպքի վայրում աշխատում են օպերատիվ ծառայությունները»,-իր Telegram-ալիքում գրել է Միլյաևը։
Բելգորոդի մարզում, ըստ տարածաշրջանային օպերատիվ շտաբի տվյալների, նույնպես կա զոհ և տուժածներ։
«Շեբեկինոյի շրջանի Բոլշետրոիցկոյե գյուղում մարդատար ավտոմեքենային դրոնի հարվածի հետևանքով տղամարդ է զոհվել»,-հստակեցրել են օպերատիվ շտաբում։
Բացի այդ, Ուկրաինայի ԶՈւ–ի հարձակումների հետևանքով տուժել է մոտ տասնյակ մարդ, այդ թվում՝ 16-ամյա աղջիկ և «Օրլան» ստորաբաժանման մարտիկ։
Նշվում է, որ հարվածները դիպել են քաղաքացիական ենթակառուցվածքներին, բնակելի շենքերին և ավտոմեքենաներին։ Շեբեկինոյում անօդաչուները հարձակվել են ձեռնարկության տարածքի վրա, ինչի հետևանքով հրդեհ է բռնկվել, վնասվել են սարքավորումները։
Եվս մեկ 16-ամյա աղջիկ տուժել է Սևաստոպոլի վրա Ուկրաինայի ԶՈւ–ի հարձակումը հետ մղելիս։ Ինչպես հայտնել է մարզպետ Միխայիլ Ռազվոժաևը, նա բեկորային վիրավորում է ստացել։Հիշեցնենք՝ 2022–ի փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։
