https://arm.sputniknews.ru/20260819/chpetq-e-riski-tak-dnel-depi-rd-artahanumic-stacvvogh-ekamutnery-karapetjan-105899557.html
Չպետք է ռիսկի տակ դնել դեպի ՌԴ արտահանումից ստացվող եկամուտները. Կարապետյան
Չպետք է ռիսկի տակ դնել դեպի ՌԴ արտահանումից ստացվող եկամուտները. Կարապետյան
Sputnik Արմենիա
«Ուժեղ Հայաստան» խմբակցության ղեկավարի խոսքով` պարտադիր չէ Եվրամիությանն անդամակցելու հայտ ներկայացնել, որպեսզի հնարավոր լինի ապրել եվրոպական չափանիշներով։ 19.08.2026, Sputnik Արմենիա
2026-08-19T15:33+0400
2026-08-19T15:33+0400
2026-08-19T15:33+0400
նարեկ կարապետյան
աժ (ազգային ժողով)
հայաստան
ռուսաստան
եվրամիություն
https://cdn.am.sputniknews.ru/img/07ea/08/02/105321670_0:0:1600:901_1920x0_80_0_0_47952ce1f42b4e7052491bae584f0ebc.jpg
ԵՐԵՎԱՆ, 19 օգոստոսի – Sputnik. Հայաստանը պետք է այնպիսի քաղաքական կուրս վարի, որ չվտանգի Ռուսաստանից ստացվող արտահանման եկամուտները։ Այս մասին այսօր ԱԺ–ում հայտարարեց «Ուժեղ Հայաստան» խմբակցության ղեկավար Նարեկ Կարապետյանը։ Կարապետյանը նշեց, որ իր ղեկավարած խմբակցությունը սահմանած քվոտայով հատուկ է ընտրել եվրոպական ինտեգրման հարցերի մշտական հանձնաժողովը և նախագահի թեկնածու առաջադրել, քանի որ կարծում է, որ իշխանությունները շատ սխալներ են թույլ տալիս ԵՄ–ի հետ իրենց արտաքին քաղաքականության մեջ: Մասնավորապես, ըստ նրա` իշխող «Քաղաքացիական պայմանագիր» կուսակցությունը մշտապես հայտարարում է ԵՄ–ի հետ մերձեցման անհրաժեշտության մասին, սակայն մինչ օրս չի ապահովել դատարանների անկախությունը, չի սահմանել ապրանքների որակի չափանիշներ, իսկ դեպի Եվրամիություն արտահանումը չի զարգանում: Կարապետյանը հիշեցրեց, որ 2025 թվականին այն աճել է միայն պղնձի համաշխարհային գների աճի հաշվին։ Նա նշեց, որ պարտադիր չէ Եվրամիությանն անդամակցելու հայտ ներկայացնել, որպեսզի հնարավոր լինի ապրել եվրոպական չափանիշներով։ Կարապետյանը հիշեցրեց Նորվեգիայի կամ Շվեյցարիայի օրինակը, որոնք որպես պետություն տնտեսապես առավելագույնս ինտեգրված են ԵՄ–ի հետ, սակայն քաղաքական նկատառումներով չեն մտնում ԵՄ կազմ։ Նրա համոզմամբ` մեր երկրի դեպքում քաղաքական–տնտեսական որևէ ուղղություն ընտրելիս պետք է հաշվի առնել, թե որքանով է այն համապատասխանում մեր շահերին և թե այս կամ այն ընտրության դեպքում հարված կստանանք, թե ոչ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նարեկ կարապետյան, աժ (ազգային ժողով), հայաստան, ռուսաստան, եվրամիություն
նարեկ կարապետյան, աժ (ազգային ժողով), հայաստան, ռուսաստան, եվրամիություն
Չպետք է ռիսկի տակ դնել դեպի ՌԴ արտահանումից ստացվող եկամուտները. Կարապետյան
«Ուժեղ Հայաստան» խմբակցության ղեկավարի խոսքով` պարտադիր չէ Եվրամիությանն անդամակցելու հայտ ներկայացնել, որպեսզի հնարավոր լինի ապրել եվրոպական չափանիշներով։
ԵՐԵՎԱՆ, 19 օգոստոսի – Sputnik. Հայաստանը պետք է այնպիսի քաղաքական կուրս վարի, որ չվտանգի Ռուսաստանից ստացվող արտահանման եկամուտները։ Այս մասին այսօր ԱԺ–ում հայտարարեց «Ուժեղ Հայաստան» խմբակցության ղեկավար Նարեկ Կարապետյանը։
Կարապետյանը նշեց, որ իր ղեկավարած խմբակցությունը սահմանած քվոտայով հատուկ է ընտրել եվրոպական ինտեգրման հարցերի մշտական հանձնաժողովը և նախագահի թեկնածու առաջադրել, քանի որ կարծում է, որ իշխանությունները շատ սխալներ են թույլ տալիս ԵՄ–ի հետ իրենց արտաքին քաղաքականության մեջ:
Մասնավորապես, ըստ նրա` իշխող «Քաղաքացիական պայմանագիր» կուսակցությունը մշտապես հայտարարում է ԵՄ–ի հետ մերձեցման անհրաժեշտության մասին, սակայն մինչ օրս չի ապահովել դատարանների անկախությունը, չի սահմանել ապրանքների որակի չափանիշներ, իսկ դեպի Եվրամիություն արտահանումը չի զարգանում: Կարապետյանը հիշեցրեց, որ 2025 թվականին այն աճել է միայն պղնձի համաշխարհային գների աճի հաշվին։
«Մյուս կողմից Ռուսաստան ապրանքների և ծառայությունների արտահանումից մենք 2025 թվականին ստացել ենք 3,2 մլրդ դոլար, և ես չեմ ուզում, որ մենք կորցնենք այդ եկամուտները, իսկ մյուսները ստանան մեր փոխարեն։ Ինչ վերաբերում է ԵՄ–ին, ապա այս դեպքում ընդամենը ստացել ենք 600 մլն դոլար շահույթ»,– հայտարարեց Կարապետյանը` ավելացնելով, որ երկու տարվա համեմատությամբ դեպի ԵՄ ապրանքների արտահանումները երկու անգամ իջել են։
Նա նշեց, որ պարտադիր չէ Եվրամիությանն անդամակցելու հայտ ներկայացնել, որպեսզի հնարավոր լինի ապրել եվրոպական չափանիշներով։
Կարապետյանը հիշեցրեց Նորվեգիայի կամ Շվեյցարիայի օրինակը, որոնք որպես պետություն տնտեսապես առավելագույնս ինտեգրված են ԵՄ–ի հետ, սակայն քաղաքական նկատառումներով չեն մտնում ԵՄ կազմ։
Նրա համոզմամբ` մեր երկրի դեպքում քաղաքական–տնտեսական որևէ ուղղություն ընտրելիս պետք է հաշվի առնել, թե որքանով է այն համապատասխանում մեր շահերին և թե այս կամ այն ընտրության դեպքում հարված կստանանք, թե ոչ։
