Վեհափառը Մայր աթոռ սուրբ Էջմիածնում Խաղողօրհնեքի կարգ կատարեց
14:10 16.08.2026 (Թարմացված է: 14:22 16.08.2026)
© 24News
Բաժանորդագրվել
Կաթողիկոսի խոսքով` հայ ժողովուրդը պետք է կարողանա մշտապես հեռու վանել ժամանակների մատուցած բոլոր փորձությունները և կերտել լուսավոր ապագա։
Ամենայն Հայոց կաթողիկոս Գարեգին Երկրորդը Մայր աթոռ սուրբ Էջմիածնում Խաղողօրհնեքի կարգ կատարեց՝ օրհնելով խաղողի ողկույզները և այգիները, որտեղ դրանք աճում են։ Եկեղեցականները նաև աղոթք բարձրացրի առ Աստված, որ տարին լինի պտղաբեր։
«Մենք միաժամանակ հայց և աղոթք առ աստված բարձրացրեցինք, որպեսզի սուրբ Աստվածամոր բարեխոսությամբ առատորեն հեղվեն շնորհներն ու օրհնությունները մեր կյանքին։ Մեր կյանքը դառնա պտղաբեր, բարությամբ ու բարիքներով, և մենք, մեր ժողովրդի զավակները ի Հայաստան և ի սփյուռս, լավատեսությամբ, հույսով ու հավատքով, շարունակել, արարել շենացնել մեր հայրենիք և բարո դարձնել մեր ժողովրդի կյանքը, որպեսզի կարող լինենք մշտապես հեռու վանել ժամանակների մատուցած բոլոր փորձությունները։ մեզ և կարողանանք կերտել լուսավոր, երջանկաբեր ապագան մեր ժողովրդի համար»,-մասնավորապես ասաց Ամենայն հայոց կաթողիկոս Գարեգին Բ-ն։
Նշենք, որ այսօր Հայ առաքելական սուրբ եկեղեցին նշում է սուրբ Աստվածածնի Վերափոխման տոնը կամ Խաղողօրհնեքը:
© Sputnik
Սուրբ Աստվածածնի Վերափոխման տոնը մեր եկեղեցու հինգ տաղավար տոներից չորրորդն է և Տիրամորը նվիրված տոներից ամենահինը: Նշվում է օգոստոսի 15-ի մերձակա կիրակի օրը (օգոստոսի 12-ից 18-ը)։ Տոնն ունի շաբաթապահք, նավակատիք և մեռելոց։
